رواية بنت الخدامة الفصل الخامس والعشرون 25 - بقلم فريدة

عمر: طيب يالا يا أستاذ هشام، على فين؟ هشام: لا بس هنروح على فين دلوقتي؟ عمر: أنا اللي هروح، مش أنت. هشام: والله يا عمر، لو الزمن يرجع بيا تاني ليوم فرحي على سدرة، كنت عملتلها أحلى فرح في الدنيا. عمر: كان فين ده كله؟ هشام: كان جوة، بس كان متقيد. عمر: وإيه، وإن شاء الله بقا اللي كان مقيدك؟ هشام: مش عارف. ممكن المظاهر. عمر: الحمد لله يا صاحبي إنك فقت. هشام: بعد إيه؟ عمر: أنت تعرف إن سدرة بتحبك أكتر ما أنت بتحبها بكتير.

هشام: هو ده اللي تعبني. عمر: خير إن شاء الله، يالا قوم، هنفضل نتكلم طول اليوم. هشام: أنا أسألك سؤال قبل أي حاجة. عمر: اتفضل. هشام: أنا سمعتك وأنت بتقول لماما، "أنتِ كنتِ عايزة تجوزيني سدرة". عمر: بصراحة، أمك كانت فقدة الأمل إنك تحب سدرة، فطلبت مني بعد الطلاق أجوز سدرة. هشام: وأنت وافقت يا عمر؟ عمر: لا طبعاً، لأني عارف إن ده اللي هيحصل، وإنك أنت وسدرة لبعض. وبعدين سدرة زي أختي، وأنت عشرة عمري وصاحبي اللي ماليش غيره.

هشام: ربنا يخليك ليا يا صاحبي. علاء: صباح الخير يا قمر. سدرة: إيه الدلع ده كله؟ علاء: هو في حد عنده أخت قمر كده زيي؟ سدرة: ربنا يخليك ليا يا رب، وميحرمنيش منك. علاء: هو صحيح، أنتِ اتنقبتي عشان أنتِ قمر، ولا في حاجة تانية؟ سدرة: لا، أنا بحب النقاب من وأنا صغيرة، وثانية عشان جمالي زي ماهو، أنت بتقول، عشان ما فيش شاب يبص عليَّ وياخد ذنب. علاء: ربنا يقوي إيمانك. سدرة: اللهم آمين يا رب العالمين. علاء: عندك كلية النهارده؟

سدرة: أيوه. علاء: طيب قومي اغسلي وشك والبس. سدرة: أنا الحمد لله صاحية من بدري، وصليت الفجر وقرأت ما تيسر من القرآن. علاء: والله أنا مكسوف من نفسي. سدرة: ليه يا حبيبي؟ علاء: عشان يعني... سدرة: خلاص، أنا فهمت. ربنا سبحانه وتعالى بيحب عبده اللي بيتوب. علاء: إن شاء الله. سدرة: وبعدين اتفضل أنت عشان متتأخرش على شغلك، أنا هاخد تاكسي. علاء: تاكسي إيه؟ أنتِ انزلي اختاري أحلى عربية في الكراش على ما عربيتك توصل.

سدرة: إيه ده كله؟ أنا بحب البساطة، أي حاجة بتأدي الغرض. علاء: ليه هو أنتِ أي حد؟ سدرة: على فكرة أنا ما بحبش التباهي، كلنا خلق الله. علاء: طيب يا ستي، أسف، يالا بقا أنا نازل قدامك. سدرة: ثواني، هبقى تحت. علاء: (للهاتف) أيوه يا كبير. الشخص: كل حاجة تمام؟ علاء: تمام قوي. الشخص: طيب كويس، خليك معايا على ما العملية تخلص. علاء: تمام. سدرة: بتكلم مين يا علاء؟ علاء: ابداً، ده واحد صاحبي. جاهزة؟ سدرة: أيوه، يالا.

(هاتف سدرة يرن) علاء: مين يا سدرة؟ سدرة: مش عارفة، رقم غريب. سدرة: (على الهاتف) الو، مين؟ صوت: أنا جوزك. سدرة: استنى! سدرة: يالهوي! استغفر الله العظيم وأتوب إليه. علاء: مين يا سدرة؟ اتلخبطتي ليه كده؟ سدرة: مش عارفة. هشام: بحبك. سدرة: أكيد ده واحد بيهزر. هشام: إيه القفل ده اللي بيتصل؟ (أغلقت سدرة الهاتف)