رواية بنت الخدامة الفصل الحادي والعشرون 21 - بقلم فريدة

جمال: هو ده الموضوع. عايزة تقولي إن ليا بنت وما أعرفش عنها أي حاجة؟ زينب: جمال، لما عرفت إني حامل، روحت عندك فعلاً علشان أقولك. خوفت لما شفت المكان اللي أنت عايش فيه، مش عارفة ليه. ورجعت لما ولدت. فكرت تاني أقولك، بس المرة دي كنت أنت اتجوزت. جمال: زينب، وإيه اللي كان مخوفك مني؟ ده بنتي وهنكرها. زينب: لما لقيتك اتجوزت، خوفت تاخد سدرة مني.

جمال: زينب، مراتى ماتت وهي بتولد علاء. يمكن لو كنتي قولتي، كنتي ربيتِ علاء وسدرة مع بعض. زينب: الدنيا مش على كيف حد، وده قدر ربنا. جمال: وإيه المطلوب مني بعد الكلام ده؟ زينب: تخلي بالك من بنتك. جمال: اشمعنى دلوقتي جاية تقولي الكلام ده؟ زينب: علشان أنا تعبانة ومش عايزة سدرة تتبهدل من بعدي. جمال: عندك إيه؟ زينب: مش مهم. المهم سدرة. جمال: دي بنتي يا زينب، وعمري ما هتخلى عنها. زينب: ربنا يخليك يا جمال، طمنتني على بنتي.

جمال: هي بنتي أنا كمان يا زينب، ولا أنتِ ناسيا؟ زينب: طيب، همشي أنا بقى. جمال: وعرفت منها إنها بتشتغل عند مدام ثريا، وده اللي استغربته أكتر. إزاي واحدة متعلمة تشتغل خدامة؟ بس زينب قالتلي إن مدام ثريا بتعملها زي أختها، مش خدامة. ثريا: فعلاً. محسن: يعني يا ثريا، أنتِ كنتِ تعرفي كل ده عن زينب؟ ثريا: في الأول لا، بس بعد فترة زينب حكتلي على كل حاجة. قالتلي مش عايزة حد يعرف، وأنا احترمت ده.

جمال: زينب طلبت مني إن ما أدخلش في حياة سدرة علشان البنت ما تعرفش أي حاجة، وكمان ما تعرفش إن أنا أبوها. وأنا وافقت على كلام زينب، بس علشان هي كانت تعبانة. بس طبعًا عمري ما كنت هخلي عن بنتي.

جمال: فضلت جنب زينب لحد ما ماتت من غير سدرة تعرف إني أبوها. وبعد كده حكيت لعلاء على كل حاجة، علشان هو أخوها وهو سندها من بعدي. وفي الحقيقة طلع ابن حلال، وكان عايزها تيجي تعيش معانا. لما قولته مش هينفع دلوقتي، علشان عرفت إنك جوزتها لابنك. بس بقيت أعرف أخبارها من بعيد لبعيد. لحد ما كان في الخطوبة بالصدفة، وشاف أخته وهي مكسورة من أقرب شخص ليها، المفروض إنه جوزها. راح وحكى لي على كل اللي شافه، وإنه قد إيه مسك نفسه عن هشام.

علاء: كده عرفتوا كل حاجة. وأنا مش هسمح له أي حد يجرح أختي، مهما كان. هشام: تقصد أي؟ ولا أنتِ ناسى إنها مراتى؟ علاء: كان زمان، قبل ما تبقى أختي. هشام: يعني إيه؟ أنت أهبل؟ ثريا: بس اهدى يا هشام، الموضوع ما يجيش كده.