رواية بنت الخدامة الفصل السابع عشر 17 - بقلم فريدة

مى: مين دي اللي مراتك؟ ثريا: اللي سمعتيه يا حبيبتي. سدرة تبقى مرات هشام. مى: لأ، انتوا أكيد بتهزروا. ثريا: يا حبيبتي، هي فيها هزار. بنتكلم جد طبعًا. مى: ما تتكلم يا هشام. طيب وأنا؟ هشام: انتي كمان هتبقي مراتي. مى: انت أكيد مجنون! هشام: احترمي نفسك يا مى. مصطفى: يعني إيه مراتك؟ أمال خطوبة مين دي؟ هشام: انت اخرس خلاص.

سدرة: أنا الدكتورة سدرة بنت زينب الخدامة اللي الأستاذ هشام بيقول إنها مراته. مراته اللي مابيعترفش بيها. مراته اللي مايعرفش حاجة عنها غير اسمها. مراته اللي أول مرة يشوف وشها من كام يوم. ثريا: إيه الكلام ده يا سدرة؟ اهدى يا بنتي. سدرة: لأ يا ماما، سبيني أتكلم علشان الأستاذ هشام يعرف إني إنسانة بحس. هشام: خلصتي كلامك؟ طيب اسمعي بقى. طول ما اسمي واسمك في ورقة واحدة، انتي مراتي غصب عنك.

سدرة: ورقة إيه اللي انت بتتكلم عليها؟ آه، الورقة اللي انت امضيت عليها ورفضت تشوفني بيها، صح؟ مصطفى: واضح يا أستاذ هشام إنها مش عايزك، فمش بالغصب يعني. هشام: انت مين أصلًا علشان تدخّلني؟ الله على حفلة خطوبتي اللي اتحولت لتصفية حساب بين الأستاذ خطيبي ومراته. ثريا: وبنتي تسكتي انتي دلوقتي. مى: الكلام ليا أنا يا طنط. ثريا: آه، انتي مش شايفة واحد ومراته بيحلوا مشكلهم. محسن: مش كده يا ثريا؟ ثريا: اعمل بس. هي مستفزة.

مى: طيب يا هشام، أنا بقا وضعي إيه في التسلية دي؟ هشام: قولتلك، انتي هتبقي مراتي. ثريا: مش فايدة فيك يا هشام. مى: بس بشرط. هشام: يعني إيه بقا إن شاء الله؟ مى: يعني تطلّق المدام بنت الخدامة. ثريا: خدامة في عينك دي بنتي أنا. عمر منك لله يا هشام على اللي عملته. هشام: هي مش ناقصة يا عمر. ثريا: أيوه يا محسن، أيوه يا سدرة، يلا. كفاية قوي كده. هشام: ماما، انتي رايحة فين؟ مى: آه يا طنط، لسه ما لبسناش الدبل.

ثريا: أنا ماشية يا هشام. هشام: ماشي يا ماما. سدرة: قبل ما أمشي، أنا عايزة الطلاق.