رواية بنت الصعيد الفصل الثامن 8 - بقلم صالح الديب

تفتكر مين هيكسب ياعامر عامر: أكيد مالك، لأنه مش بيدخل أي تحدي غير لما يكون ضامن المكسب. إسماعيل: هعهعهع، المرادي الشملول بتاعك هيخسر.. دا بيلاعب زين ولدي مش أي حد. عامر: مهو علشان زين ولدك بقولك مالك هيكسب وهتشوف. عامر: أنا هروح أشوف أم مالك، هشجع معاها من هناك. رقية: أنا عايزة مالك يكسب ياما. أم رقية: اشمعنا يعني؟ مهو الاتنين ولاد عمك، ولا أكمن مالك حليوه وعيونه خضرا وبيرطن بالفرنساوي؟

رقية: ههه، مش كده بس زين مغرور ودبش كده في كلامه، ومن وقت ما مالك جه وهو بيلقح عليه بالكلام، عايزة مالك يكسبه علشان يتربي. رقية: وهشجع اهوو.. مالك مالك يلا يامالك! أم رقية: اكتمي يا بت أبوكي واعيلنا. أم مالك: شايف يا عامر رقيه بتشجع مالك إذاي.. والنبي يا أخويا مني عيني تكون من نصيب ابننا، ما تكلمه كده ونخطبهاله ونفرح بيهم.

عامر: والله وأنا كمان مني عيني، بس انتي عارفه ولدك، بس هكلمه وإن شاء الله يوافق، أنا أصلاً ملاحظ أنه هو كمان مشدود ليها ومفكرش يمشي زي ما كان عايز. منصور: والله شكلك هتعملها يامالك وتفوز وتخلي أبو بوز ناشف داا بروح ماشي علي رجليه. ناصر: هو خلاص هيفوز يابوي، بس زين برضوا خبيث، ممكن يكون بينيمه ويسبقه فالاخر. هنشوف. منصور: شايف اختك بتشجع مالك كيف.. زمان زين هيولع. 😂😂

ناصر: ههه، مالك أصلاً كويس ومحترم معاها، إنما زين مدب نضيف. إسماعيل: خرب مطنك يازين، شكلك هتخسر ياواكل ناسك وفالح بس تقول. إسماعيل: عايز أدوز يابوي. ناصر: مالك ياا عم، بتكلم نفسك ولا إيه اللي واخد عقلك؟ منصور: ههه، زعلان على ولده اللي هيخسر الرهان وعمك عامر هيزفه 😂😂😂 ناصر: الحق يابوي دا مالك عملها وكسب. منصور: عفارم عليك ياامالك. ناصر: مبروك ياامالك. مالك: حبيبي الله يبارك فيك.

إسماعيل: خسرت يااحزين، اها هتروح ماشي على رجلك ببوزك الناشف ده. زين: يابوي الحصان اللي معاه عفي. منصور: أيوه أيوه، حجة البليد مسح الصبورة زي ما بيقولوا.. انت خسرت وكمان بتقاوح. مالك: قولتلك بلاش تتحداني.. وادي النتيجة، ضحكتهم عليك يارب تكون اتعلمت الدرس. زين: مالكش صالح بيا عاد. منصور: هعععع، طب يلا نشوف باقي الجنينة، الوقت سرقنا. إسماعيل: اسبقونا انتم، عايز زين في كلمتين. منصور: ومالو، يلا بينا ياجماعة.

زين: خير يابوي، إيه فيها؟ إسماعيل: مش خير خالص ياواكل ناسك، وعيت لبت عمك وهي عم تشجع مالك، شكل الواد كل دماغها وانت زي الخروفيابوي، منا قولتلك من زمان انت اللي مكنتش مصدق. إسماعيل: مش دا المهم دلوقتي، المهم إن فالعشيه كنت أنا وعمك منصور عند المحامي وكتب نص أرضه لرقية، وطبعاً مستحيل الأرض دي تروح لحد غيرنا، واديك واعي الأرض كد إيه. زين: وه يابوي، طب مستني إيه؟ ما تفاتح عمي في موضوع الخطوبة.

إسماعيل: إكتم إكتم، شكل في حد سمعنا. مين هنا؟ زين: مفيش حد يابوي، كلهم سبقونا. إسماعيل: مش ناوي تكمل فرحتي بيك بقي ونجوزك. إيه رايك نخطبلك بنت عمك رقيه؟ مالك: بتقول إيه يابابا؟ انت بتتكلم جد. عامر: أيوه، وفيها إيه. مالك: مفيهاش، هي جميلة ودكتورة والف واحد يتمناها، بس هنتعب شوية فالتفاهم مع بعض. وبعدين هي هتوافق تسيب هنا وتيجي تعيش معانا فالقاهرة. عامر: سيبك انت من الكلام دا، انت موافق يعني من حيث المبدأ.

مالك: بصراحة يابابا.