رواية بنت الصعيد الفصل الثاني 2 - بقلم صالح الديب

يالا يامالك قوم افطر عشان نتحرك ونوصل بدري. مالك: طب روحوا انتوا وأنا هحصلكم. مش هتأخر. عامر: قوم يالا وبطل دلع. عشر دقايق ألاقيك جاهز. مالك: حاضر. في الصعيد. منزل الحاج منصور. منصور: يا صباح الفل على أحلى دكتورة في الدنيا. رقية: صباح الورد والياسمين يا قلب الدكتورة. صاحي بدري ليه؟ منصور: أطمن. كل حاجة جاهزة وناصر تقريباً خلص توضيب فوق معاه حاجات بسيطة.

منصور: عفارم عليكم يا أولاد. الله ينور. ربنا يخليكم ليا وأفرح بيكم انتوا الاتنين وأشوفكم أسعد الناس. رقية: ويخليك لينا يا رب ويبارك لنا في صحتك انت وأمي. منصور: وه هي فين صحيح؟ قمر البيت. أم رقيه: لسه فاكر تسأل عليا؟ كفاية عليك الدكتورة. أنا خلاص راحت عليا. رقية: يا ست الكل. دا انتي الخير والبركة. هو إحنا لينا غيرك. أم رقيه: يا سلام. اضحكي عليا بكلمتين. رقية: أيوه. أم رقيه: هو أنا أقدر يا نور عيني انتي.

منصور: رقية اعمليلي انتي فنجان القهوة بتاعي وسيبلي أمك. أنا عايزها في كلمتين. رقية: أيوه يا عم. همشي أهو. وأسيب لكم الجو رايق. رقية: ماشي يا سي بابا. منصور: امشي. ناصر: صباح الخير. خلي القهوة اتنين يا رقية. رقية: هههه. حاضر. حظكم كده بقى. منصور: نبرتي فيها يابو مالك. رقية: أنا بومة؟ طيب مش عاملة قهوة. منصور: متعمليش. مرتي حبيبتي تعمل أحلى منها. أم رقيه: من عنيا أحلى قهوة. هو عندي أعز منك. ناصر: إيه؟

مش فاهم حاجة. مالكم؟ رقية: هههه. هبقى أقولك بعدين. المهم خلصت فوق؟ ناصر: خلصت. وه مين اللي عم يرزع في الباب أكده. نهارة مغفلج. ناصر: إيه يا زين مالك جاي مزعبر علينا ليه؟ زين: وينه عم منصور يا عم منصور. ناصر: طب يا أخي قول صباح الخير ولا حتى ارمي السلام. زين: صباح الخير. السلام عليكم. فين العم منصور. ناصر: طول عمرك مدب. خش عمك قاعد جوه. زين: يا عم. منصور: تعالي يا ولدي. مالك خير ليه مزعبر علينا أكده وشايل.

زين: لمؤاخذة يا عم. أصل سمعت إن عم عامر جاي هو وولده ومرته هنا. منصور: أيوه يا ولدي. دا زمانهم على وصول. زين: وه وهيقعدوا فين على كده. منصور: وضبنالهم الدور اللي فوق. وهيقعدوا فيه. بس ليه يعني؟ جاي بتسأل من حبك فيهم يعني. زين: لأ ولا حب ولا حاجة. بس أنت عندك بت على وش جواز ومالك ده إحنا منعرفوش ولا نعرف أخلاقه. فانا قولت يا أجو عندينا. بيتنا ما فيهوش بنات كبيرة.

منصور: متقلقش. دا أخوي وولده ودي بنتهم وأخت مالك برضه. وهما هيقعدوا كام يوم وهيعودوا. وبعدين عايزهم يقعدوا عندكوا كيف؟ دا لا أنت ولا أبوك بتحبوا عمك عامر وعلطول أبوك وياه ناقر ونقير. زين: يعني إيه يا عم. ناصر: يعني زي ما قالك عمك. أكده هيقعدوا هنا واحنا مجهزين ليهم كل حاجة. زين: اللي تشوفوه عاد. أنا عملت اللي عليا. سلامو عليكم. ناصر: طب اقعد اشرب حاجة. زين: شربت. ناصر: كنه اتجنن الحزين ده.

منصور: سيبك منه. دا عقله مفوت. ناصر: حاضر يا أبوي. تعال نشرب القهوة. وبعد كده نشوف اللي ورانا. ناصر: تليفونك بيرن يا حاج. مين اللي بيرن دلوقتي ده. منصور: دا عمك عامر. شكله داخل على البلد. منصور: الو. أيوه يا خوي وصلت فين. بتقول إيه. طيب أنت فين؟ أهدي. مفيش حاجة. وأنا عشر دقايق وأكون عندك. مش هعوق عليك. ناصر: خير يا أبوي. إيه في ماله عمي. منصور: عمك عامر.