رواية بنت من الصعيد الفصل الأول 1 - بقلم بسكوته

فيروز فيروز النتيجة طلعت فيروز بخوف من النتيجة: إيه؟ شفت نتيجتي؟ آه، طلعت لي الأول على المحافظة، وي بي امتياز. بس سمعوا الكلام ده، انطلقت الزغاريت في البيت. وفيروز مش عارفة تودي فرحتها فين، بس فرحتها ما دمتش كتير. فيروز خافت من اللي جاي، ويا ترى أبوها حيرضى يخليها تسافر تكمل دراستها؟ وخصوصًا إن أبوها بيحبها وبيخاف عليها من الهوا. فيروز: أنا لازم أتكلم مع بابا في موضوع الكلية. أنا نفسي أدخل كلية.

طب بس يا ترى بابا حيخليني أسافر؟ بابا: ألف مبروك يا جلب أبوكي، شرفتيني قدام الناس. فيروز: الله يبارك فيك يا غالي. بابا: إنتي حتدخلي إيه؟ كلية إيه؟ فيروز: طب يا بابا، عشان يقولوا لك يا أبو الدكتورة، وغير كده ده حلم ماما الله يرحمها. بابا: ودي ليها كلية هنا؟ فيروز: لا يا بابا، ما فيش هنا. بابا: إزاي يعني ما فيش؟ إنتي عايزة تطلعي بره المحافظة؟ لا يا روح أبوكي، أنا ما أقدرش أستغنى عنك، إنتي روحي يا فيروز.

فيروز: متخافش عليا يا بابا. أنا بميت راجل، أنا فيروز بنت فايز الأسواني، ومحدش يقدر يعمل حاجة معايا. بابا: طيب، أجي معاكي نجيب شقة هناك؟ فيروز: مينفعش يا بابا. إنت شيخ البلد، مينفعش تسيب البلد. وي غير كده، أنا حروح سكن في الكلية، يعني من الكلية للسكن. وي متخافش عليا. بابا: حجول إيه؟ أنا مش حجدر أزعلك. أنا عايزك تبجي أحسن دكتورة في الدنيا، وأحسن واحدة. فيروز: أنا حرفع راسك إنشاء الله يا بابا، وحخليها مرفوعة في السما.

عدت أيام وشهور، وجه اليوم اللي حتسافر فيه فيروز. كان اليوم ده أول مرة تفارق فيه فيروز إيد أبوها. وهي بتودع أبوها وأصحابها، وزعلانة وبتعيط. بابا بزعل وخوف: خلي بالك من نفسك، وأول ما تنزلي كلميني. بابا كانت روحه بتتسحب منه أول ما ركبت القطر. ولأول مرة من غير بابا. أول ما طلع القطر، حست روحها بتتسحب منها. فيروز طول الطريق بتقرأ في آيات من المصحف. وقف القطر في محطة من محطات الصعيد. طلع واحد وقعد جنب فيروز.

"احم، ممكن أقعد؟ فيروز: "لا، شوف أي حتة تقعد فيها. ما حبكتش الكرسي اللي جمبي." الشاب: "بس ده مكاني، حتى شوف التذكرة." فيروز: "احم، آسفة. اتفضل." قعد الشاب جنب فيروز وهو بيتأمل في جمالها، بس هي مش واخدة بالها. قاعدة تقرأ القرآن الطريق كله. نسيت أعرفكم: فيروز بنت جميلة، طولها 160، عمرها 19. عنيها زرقاء زي البحر، وبشرتها بيضة زي التلج. هي متحجبة. أول ما نزلت من القطر، طلعت تاكسي. فيروز: "من فضلك، وديني العنوان ده."

وصلت فيروز السكن. أول ما نزلت اتفاجأت فيروز هناك.