رواية بنت من الصعيد الفصل الثاني 2 - بقلم بسكوته

أول ما نزلت من العربية لقيت نفس الشاب نازل من العربية. فيروز: انتا إيه اللي جابك ورايا؟ وصلت بيك إنك تيجي ورايا السكن؟ إنت عاوز إيه؟ الشاب: اهدي اهدي، أنا جاي السكن بتاعي. فيروز: احم، أنا آسفة بس غريبة. الشاب: إيه اللي غريبة؟ فيروز: ركبت القطر معايا، ونفس السكن كمان؟ تمام، اتشرفت بمعرفتك، سلام. الشاب: سلام. طلعت السكن، روحت عند المسؤولة عن السكن. البنات دخلوني الشقة اللي هقعد فيها، عرفتني بالبنات. فيروز: ازيكم؟

أنا فيروز. البنات: أنا شروق. أنا شهد. أنا نور. فيروز: شكلنا حنبقى أصحاب. نور: أكيد يا حبيبتي. بس كان باين على البنتين التانيين مش مبسوطين بوجودي في الشقة. المهم، ما خدتش في بالي، طلعت حاجتي ورصيتهم وفرشت سريري، ودخلت آخد دش وطلعت نمت من التعب. محسيتش بنفسي من التعب. صحيت تاني يوم. لقيت نفسي متأخرة، وشروق وشهد مش قاعدين، ونور نايمة. فيروز: نور، نور. اصحي، إحنا اتأخرنا. نور: ينهار أسود!

من أول يوم تأخير. دا إحنا حنتشلوح. لبست لبس أسود في أسود، ونزلت أنا ونور. أول ما دخلت حرم الجامعة لفتت انتباه الكل بحجابي الأسود وفستاني الأسود. نور: إيه؟ من أولها جبتي شباب الكلية الأرض؟ فيروز: اسكتي، خلينا نشوف حندخل إزاي المحاضرة. فيروز: احم احم، ممكن ندخل يا دكتور؟ الدكتور: ادخلوا، بس عشان أول يوم. فيروز جذبت انتباه الجميع بجمالها، والحجاب واللون الأسود زاد جمالها أكتر وأكتر.

دخلت فيروز، أخدت بالها إن نفس الشاب قعد برضه في المدرج. قعدت في أول مقعد عشان تركز مع الدكتور. بس الشاب عينه منزلتش من على فيروز. الدكتور أخد باله. الدكتور: إنت ياللي هناك، قوم اقف. أنا كنت بقول إيه؟ الشاب: آسف يا دكتور، ما كنتش مركز. الدكتور: اتفضل، اطلع بره. فيروز: من أولها كده طرد! خلص الدكتور، وطلعت أنا ونور. نور: بوسى، بوسى الواد اللي اتطرد جايلنا. يالهوي على القمر! فيروز: اتلمي، بتعاكسي عيني عنك كده.

الشاب: ازيك عاملة إيه؟ على فكرة أنا اتطردت بسببك. فيروز: أنا عملت إيه؟ الشاب: معرفش، إزاي سرحت في جمالك. فيروز: طيب أنا إيه ذنبي؟ الشاب: ذنبك إنك قمر وتسحري أي حد. نور: يا عيني يا عيني. الشاب: أنا محمد، إنتي مين؟ فيروز: فيروز، اسمي فيروز. محمد: واو، اسمك جميل. فيروز: يلا يا نور عشان نرجع السكن. نور: لا، أنا حقعد شوية، لسه بدري. اقعدي، وحنمشي مع بعض.

فيروز: أنا عاوزة أروح عشان أذاكر اللي أخدناه، وفي حاجات فاتتني، عاوزة آخدها من أي حد. محمد: خدي الملزمة بتاعتي، فيها كل حاجة مكتوبة من أول المحاضرة. فيروز: شكراً، حبقى أجبهالك بكرة. فيروز روحت بدري عشان تذاكر. فتحت الباب لقيت صدمة كبيرة.