رواية بنت من الصعيد الفصل الحادي عشر 11 - بقلم بسكوته

فيروز: إيه رأيك يا حبيبي تكلم أحمد ييجي هو كمان. عمر: أوكي، مفيش مشكلة. عمر رن على أحمد: الووو، إزيك يا أحمد عامل إيه؟ أحمد: تمام الحمد لله بخير، إنت إيه أخبارك؟ طمني عليك، إنت أحسن دلوقتي؟ عمر: الحمد لله بخير، بقولك تعال عندينا، نور جايه دلوقتي وأنا هقعد لوحدي، تعال نقعد مع بعض شوية قبل ما أسافر. أحمد: إيه ده! إنت مسافر فين؟ عمر: مسافر نيويورك بعد يومين أنا وفيروز.

أحمد: طيب، أنا جاي دلوقتي، حبقى نتكلم لما أجي، سلام. أحمد رن على نور: الوووو يا نور، عاملة إيه؟ نور: تمام الحمد لله بخير، إنت عامل إيه؟ أحمد: أنا الحمد لله بخير، إنتي رايحة فين دلوقتي؟ نور: أنا بلبس وطالعة رايحة عند فيروز عشان مسافرة. أحمد: طيب، أنا كمان رايح أعدي عليك، نروح مع بعض. نور: أوكي، مفيش مشكلة، حستناك عند السكن، سلام عشان أكمل لبس. أحمد: سلام. حصلت نور لبس ونزلت، لقيت أحمد مستنيها بالعربية قدام السكن.

نور: إيه السرعة دي! إنت كنت واقف تحت ولا إيه؟ ده مفيش 10 دقايق والقيك مستني. أحمد: لا، بس أنا كنت جاهز وأنا مش باخد وقت في اللبس زي البنات، البنات تاخد ساعة على ما تلبس. نور: طيب يا أخويا، يلا عشان نمشي. أحمد: طيب، يلا اركبي. ركبت نور العربية، وأحمد من ساعة ما ركبت نور العربية، منزلش عينه من على نور. نور أخدت بالها. نور: إيه؟ في إيه؟ ركز في الطريق أحسن نعمل حادثة. أحمد: طيب، أعمل إيه؟ أنا أول مرة أشوف قمر راكب عربية.

نور اتكسفت ووشها بقى أحمر: اممممم، طيب بص قدامك. أحمد مسك إيد نور: نور، أنا بحبك من أول ما شفتك مع فيروز. نور: سيب إيدي، إنت بتعمل إيه؟ مينفعش كده، ممكن توقف عند أول صيدلية تقابلك وبعدين نبقى نتكلم. أحمد: طيب، إيه؟ مش حتردي عليا؟ أنا بحبك. نور: حفكر، وبعدين نتكلم، أوقف عند أول صيدلية بقا. أحمد: خلاص يا ست البنات. عند فيروز وعمر. عمر: خلصتي ياحبيبتي الأكل؟ ريحت الأكل تجنن، أنا مش حستنى أحمد ونور.

فيروز: خلاص بقا، رن عليهم شوفهم وصلوا فين. الجرس رن. عمر: أهم وصلوا، حروح أفتح. فتح الباب: إيه التأخير ده؟ أنا مت من الجوع. أحمد: إحنا متأخرناش، بس عشان إنت جعان حسيت إننا اتأخرنا. عمر: والله فيروز معذباني، مش عاوزة تاكلني غير لما تيجوا. أحمد: لا، الصراحة عندك حق، ريحة الأكل جميلة جدا، أنا لو مكانك مستنتش حد. نور: فيروز، يافيروز، إنتي فين؟ فيروز: أيوه جايه. نور أول

ما شافت فيروز حضنتها بشوق: وحشتيني أوي أوي، السكن من غيرك ملوش طعم. فيروز: وحشتيني أوي والله العظيم، تعالي نحط الأكل على السفرة ونكمل كلام هناك. نور: تمام، خودي الحاجات اللي طلبتيها. فيروز ونور حطوا الأكل على السفرة. فيروز: عمر، هات أحمد وتعالوا، الأكل جاهز، يلا اتعشوا. عمر: أخيرا، أنا حموت من الجوع. أحمد: بجد الأكل يجنن، تسلم إيدك. عمر: تسلم إيدك يا قلبي، ربنا يخليكي ليا وتعمليلي أكل زي كده على طول.

نور: أنا لازم أتعلم أطبخ، بيقولوا أقرب حاجة لقلب الرجل الأكل. أحمد: ده لازم عشان لما نتجوز مأكولش أكل محروق. نور: بس أنا مش بفكر في الجواز.