رواية بنت من الصعيد الفصل الثاني عشر 12 - بقلم بسكوته

فيروز: ليه مش عايزة تتجوزي؟ نور: هوه كده. أنا مش عاوزة أتجوّز. دي حوريه. شخصية. أحمد ساب السفرة ومشي، محرج من اللي حصل. عمر: أحمد، أحمد استنى شوية. حنزل معاك نتكلم شوية. فيروز: إيه اللي انتي عملتيه ده؟ الواد باين عليه بيحبك، ليه عملتي كده معاه؟ انتي أحرجتيه. نور: والله العظيم غصبن عني. فيروز: إزاي يعني مش فاهمة؟ انتي محدش أجبرك تقولي كده. نور: أنا عندي سبب، مقدرش أتجوّز أي حد. فيروز: احكيلي، إحنا إخوات ولا إيه؟

نور: مقدرش أحكي، الموضوع صعب عليا. فيروز: احكيلي، ممكن نلاقي حل لمشكلتك. نور: لا، ملهوش أي حل. فيروز: إزاي؟ أكيد في حل لكل مشكلة. نور: أنا مقدرش أتكلم مع حد. فيروز: كده يا نور، يعني أنا بقيت دلوقتي حد؟ شكراً، شكراً على كلامك. نور: لا، مقصدش. بس أنا مش عاوزة أتكلم في الموضوع ده. متزعليش. أنا حقولك على كل حاجة، بس ده سر بيني وبينك. فيروز: تمام، مش حقول لحد، بس قولي.

نور: أنا مش هاقدر أجيب أولاد. أنا مش عاوزة حد يعرف عشان ميتجوزنيش عشان شفقان عليا. فيروز: إزاي يعني مش فاهمة؟ نور: أنا عملت عملية وكنت حموت، وكان لازم أشيل الرحم. فيروز: ياقلبي، أنا آسفة. فتحت عليكي مواجع. أحمد وعمر كانوا واقفين بيسمعوا حوار نور وفيروز. أحمد: بس أنا مش عايز أخلف، مش عايز أولاد. كفاية عليا وجودك جنبي. نور: وأنا مش عاوزة أتجوّز حد شفقان عليا.

أحمد: أنا مش شفقان عليكي، أنا بحبك من أول يوم دخلتي فيه الجامعة وعايز أفضل جنبك ونعيش ونموت مع بعض. نور: بس أنا مش عاوزة أربطك جنبي، انت لازم تجيب أولاد وتحب واحدة تجبلك أولاد. أحمد: بس أنا مش عايز عيال، أنا عايزك انتي وبس. نور: بس، بس. أحمد: مبقاش فيه بس. إحنا حنتجوز ونعيش ونموت مع بعض. فيروز وعمر قاعدين حاطين إديهم على خدّهم. فيروز: انت شايف الفيلم الرومانسي اللي أنا شيفاه؟

عمر: آه شايف. احممممم، راعوا شعورنا إحنا واقفين. أحمد ونور ضحكوا عليهم. أحمد: انتوا ليه عاملين كده؟ فيروز: بنتفرج على الفيلم الرومانسي. عمر: أنا أول مرة أشوف فيلم رومانسي زي كده. نور: طيب تعالي يافيروز، عاوزة أتكلم معاكي شوية. فيروز: اممممم، أنا مش عاوزة أتكلم معاكي. نور: ليه بس؟ أنا عملت إيه؟ فيروز: انتي كنتي عاوزة تخبي عني كل ده؟ نور: أنا كنت مش عاوزة أزعلك. أحمد: احممممم. يلا يا نور عشان اتأخرنا.

نور: طيب جاية، سلام ياقلبي. أنا حاجي أوصلك المطار أنا وأحمد. فيروز: تمام ياقلبي، خلي بالك من نفسك. أحمد ونور مشيوا. عمر: فيروز، جهزي نفسك عشان بكرة حنروح مشوار. فيروز: حنروح فين ياجوزي؟ عمر: حنروح البلد عند أبوكي يامراتي ياحبيبتي. فيروز: بجد يا عمر؟ عمر: آه بجد يا قلب وعقل ونن عين عمر. فيروز: أنا أسعد إنسانة في الدنيا. ربنا يخليك ليا وميحرمنيش منك أبداً ياروح قلب فيروز.