رواية بنت يتيمة الفصل الثالث عشر 13 - بقلم رحمة محمد

غزل: مين فريده؟ سليم: دي حبيبت اياد. اياد ابتسم: فريده دي حياتي كلها، بقالنا سنة مع بعض. غزل ابتسمت وبان حب اياد لفريده في عيونه: ربنا يخليكو لبعض. سليم بتفكير: جاتلي فكرة. غزل واياد: إيه هي؟ سليم ابتسم وبص لأياد: روح هات فريده ونخرج كلنا سوا وغزل تتعرف عليها. غزل بفرحة: أيوا فكرة حلوة أوي. اياد: ماشيين. اياد قام وقفل. سليم: رايح فين يامتخلف؟ اياد بستغراب: هجيب البت ياكابتن.

سليم: صبرني يارب، رن عليها يابني آدم ونروح نجيبها ونخرج. اياد: صح، أنت صح. سليم: الصبر من عندك يارب. غزل واقفة بتضحك عليهم. اياد رن على فريده وقال ليها تجهز ونص ساعة وهيجي ياخدها، وهي وافقت. اياد: طيب يلا نمشي. سليم: يلا. قاموا التلاتة وسلموا على سميرة ومشيوا. سليم رايح يركب عربيته، واياد راح على عربيته. غزل بصت ليهم: استنوا. الاتنين لفوا ليها بستغراب. سليم قرب منها: إنتي كويسة ياحبيبتي؟

غزل ابتسمت: أيوا، بس طالما كلنا مع بعض يبقى نركب عربية واحدة. سليم: طيب تعالوا في عربيتي. اياد حط إيده في وسطه: وإيه مش عربيتي؟ متشبهش ولا متشبهش؟ سليم ضحك جامد: أي حاجة يا عم. اياد راح لعربية سليم وفتح باب العربية: طب يلا. غزل بضحك: كان من الأول. سليم بضحك: يلا يغزل. ركبوا عربية سليم ووصلوا عند بيت فريده. وفريده نزلت من بيتها وركبت العربية جنب اياد. (سليم كان بيسوق وغزل جنبه، واياد وفريده ورا) فريده:

(بتحب اياد جدا، عايشة مع والدتها، وباباها توفى من سنة، ملامحه جميلة وبريئة جدا، عيونها رصاصي نفس عيون اياد، وشعرها قصير) اياد ببتسامة وهمس: وحشتيني. فريده بكسوف وهمست: وانت كمان. غزل ببتسامة لفريده: إزيك؟ فريده ببتسامة: الحمدلله يغزل، اياد حكالي عنك انتي وسليم. اياد: عقبالنا لما نتجوز أنا وانتي يارب. سليم: مستعجل أوي يخويا. اياد: أيوا ما أنت في يوم ومكملتش الليلة بتاعتك كنت اتجوزت يا مفتري. (بص لفريده) متيجي نتجوز.

فريده اتكسفت وخدودها احمرت. سليم بضحك: السكوت علامة الرضا، زغرط يا ابني. اياد: لولولولوي. غزل: طيب ما أنتم مع بعض من سنة، ليه متجوزتوش؟ فريده: بسبب وفاة بابا. غزل: الله يرحمه. كملوا باقي الطريق بفرحة وضحك كتير. وصلوا الملاهي ونزلوا من العربية. غزل بفرحة: وصلنا. فريده بفرحة وبتشد ايد اياد: يلا بسرعة. سليم واياد بصوا ليهم وبعدين بصوا لبعض. اياد: ده باين هيبقا مرار طافح. سليم: جبنا أطفال معانا.

سليم خد غزل، واياد خد فريده. (عند سليم وغزل) غزل بتشاور على بيت الرعب: سليم عايزة أدخل بيت الرعب. سليم بتوتر: بلاش يغزل. غزل: ليه؟ أنت بتخاف؟ سليم: لا، أنا بتكلم عليكي. غزل: مش بخاف يبني، أنا واخدة بطولات فيه، تعالى بس متخافش. شدته وراحت عند البيت. غزل أول ما دخلت البيت، مسكت ايد سليم جامد. سليم: إيه يابطل، خوفت؟ غزل: لا، أنا بس بطمنك أنت. سليم ضحك: لا متخافيش عليا. غزل فضلت تصوت لحد ما خرجت من البيت. جابت

سليم وراها وبيضحك جامد: مش قادر. غزل بخوف: يماما عاااا. سليم بضحك: إحنا خرجنا خلاص، إنتي لسه بتصوتي. غزل: من كله أنت السبب. سليم ولسه بيضحك: وأنا مالي يالمبي، مش إنتي اللي عملتي فيها بطل. غزل: يعني أنت لازم توافقني. (عند اياد وفريده) فريده: اياد عايزة أركب قطر الموت. اياد: لا. فريده: ونبي ياياد. اياد: ياحبيبتي هتخافي. فريده: لا مش هخاف. اياد: لا يافريده، أنا خايف عليكي. فريده شدته: تعال بس.

راحوا عند اللعبة ولسه هتبدأ. اياد: إنتي متأكدة يافريده؟ فريده بتحاول تداري خوفها: ولا تقلق، بص هبهرك. اياد: ربنا يستر. اللعبة بدأت. فريده: عاااااا نزلوناااااااى يالهوى. اياد بيضحك جامد: يابنتي اهدى، فضحتنا. فريده: عاااااا نزلني يا عمو، ونبي أنا هموت هنا. اياد مش قادر يبطل ضحك. فريده: من كله ياياد أنت السبب، ياريتني ما كنت عرفتك، عاااااااا. اياد بيضحك: مش إنتي اللي عايزة تركبي، اشربي بقى.

فريده: عاااااااا الحقوني، من كله نزلونا. فريده فضلت طول اللعبة تصوت والناس بتتفرج عليها وبتضحك. نزلوا من اللعبة، فريده دايخة واياد مش مبطل ضحك عليها. فريده: بطل ضحك. اياد بضحك: أنا اتبهرت فعلاً. فريده: مكنتش أعرف إنها صعبة كدا، يالهوى. اياد بضحك: عشان تسمعي الكلام. فريده: طيب شوف سليم وغزل فين عشان نقعد مع بعض شوية. اياد: ماشيين. اياد رن على سليم. اتقابلوا كلهم. كانوا قاعدين الأربعة بيضحكوا ويهزروا.

غزل وفريده بصوت واحد: سليم عايزة آيس كريم. فريده: اياد عايزة غزل بنات. سليم واياد ضحكوا عليهم: ماشيين. قاموا مع بعض. سليم راح يجيب آيس كريم بالشوكولاتة لغزل. واياد راح يجيب غزل البنات لفريده. وبعد شوية رجعوا. سليم كان معاه الآيس كريم بالشوكولاتة وبلالين. سليم: الآيس كريم أهو، وجبت بلالين كمان. غزل ببتسامة: ربنا يخليك ليا. اياد جه وفريده خدت غزل البنات. فريده: تسلم يا كبير. اياد: الله يكرم أصلك.

فضلوا طول الوقت يضحكوا مع بعض. غزل: سليم هروح أجيب حاجة أشربها. سليم: استنى هروح أنا أجيب لك. غزل ببتسامة: لا أنا هروح، خليك أنت، تحب أجيب ليكو حاجة؟ فريده هتتكلم. اياد: هاتي ليها عصير مانجا. فريده ضحكت وسكتت. غزل بضحك: حاضر. غزل بصت لسليم وابتسمت: أجيب لك حاجة؟ سليم بخوف: خليكي أنا هجيب لك. غزل ببتسامة: مش هتأخر. غزل مشيت وسليم عينه عليها وحاسس بخوف. سليم وقف: أنا هروح ليها. فريده: هي هتروح وتيجي.

اياد حس بخوف صاحبه: ماشي روح. سليم مشي في الطريق اللي مشيت فيه غزل. سليم: كانت هنا، راحت فين؟ غزل اختفت وسليم خاف جدا عليها. سليم سمع حد بينادي عليه بصوت عالي، ركز في الصوت وكانت غزل. سليم بزعيق: غزل.