رواية برائتها اوقعتني في حبها الفصل الحادي عشر 11 - بقلم روان جابر

سمع صوت عالٍ. الدكتور: بنت حضرتك كويسة، بس فقدان ذاكرة مؤقت. والله أعلم هيرجع لها إمتى. متحاولوش تفكروها عشان دا خطر عليها. جلال: أنا مش عايز أخسرها. الدكتور: هقوم أمشي أنا بقى. حسام كان سامع كل حاجة واقف مصدوم من اللي سمعه. جلال: أنا جوعت كدا ليه، هقوم آكل. حسام طلع من القصر وراح يقعد على البحر. حسام بدموع: وأنا بقول إنتي متغيره ليه معايا.

وعمال يعيط. آخر ما زهق روح على بيته. في ناس من الشركة اتصلوا عليه. حسام قال لهم مش هيروح. حسام قعد يفتكر ذكرياته القديمة مع ورد. *** عند قاسم. قاسم كان بيدي محاضرة وبعدين خلص المحاضرة. جيه وقت البريك. الكل طلع وقاسم لسه هيطلع من القاعة. نانسي: دكتور. قاسم بص وراه لقى نانسي. قاسم: نعم. نانسي: أنا مش فاهمة الحتة دي، ممكن تشرحها لي. قاسم: حاضر. قاسم راح يشرح لنانسي. *** عند آدم. آدم: ريمااااا.

وماسك الصورة بتاعتها وعمال يقول اسمها. *** عند ريما في المدرسة. ريما كانت راحة تركب العربية. حازم: ريما، أنا عيد ميلادي النهارده. أبقى تعالي. ريما: حاضر. هقول لأصحابي ونيجي. حازم: أنا قولتلهم. ريما: تمام. هاجي وكل سنة وانت طيب. حازم: الله يبارك فيكي. متنسيش. وداها عنوان البيت. ريما: تمام. ريما روحت على القصر وطلعت على غرفتها. الباب خبط. ريما: اتفضل. فادي: داليدا هانم قالت لي أجي أقولك إنك تنزلي تاكلي.

ريما: تمام. أنا نازلة. فادي نزل وريما غيرت وبعدين نزلت تاكل. ريما كلت وطلعت أوضتها نامت شوية. الساعة ٦. ريما صحيت عشان تجهز نفسها وتروح عيد ميلاد حازم. بعتت ماسج لأصحابها مفيش حد رد عليها. ريما لبست وخلصت. فضلت مستنية صاحبها يرد. ريما: شكلهم هناك. هروح أنا بقى. ريما راحت لبابها تقوله هي راحة فين. ريما خبطت على الباب. جلال: اتفضل. ريما دخلت ل جلال. جلال لاقها لابسة حلو. جلال: إنتي راحة فين.

ريما: عيد ميلاد واحد صحابي. هناك زمنهم مستنيني. جلال: إنتي خدتي موافقتي عشان تروحي. ريما: أنا عارف إنك هتوافق يا بابا. جلال: طب لو قلت لك دلوقتي إني مش موافق. ريما: بالله عليك يا بابا سيبني أروح. وبعد كدا هبقى آجي أستأذن منك. جلال: ريما، إنتي عارفة الناس لو شافوكي دلوقتي هيقعدوا يتكلموا. إحنا م صدقنا الأخبار عنك قلت. ريما: بالله عليك وافق. جلال: تمام المرة دي بس. ريما: شكراً يا بابا. جلال: استنى. ريما: إيه.

جلال: بشرط إني آجي أوصلك. ريما: موافقة. جلال نزل مع ريما عشان يوصلها. بعدين ريما وصلت لبيت حازم. راحت تخبط على الباب. حازم فتح والنور كان مطفي. ريما: كل سنة وانت طيب. ودات له الهدية. وبعدين قالت له هو النور مطفي ليه. حازم: استنى بس. ريما: افتح النور لو سمحت. حازم راح فتح النور. الأنوار فتحت. ريما اتصدمت لما شافت آدم قاعد وحاطط رجل على رجل. ريما: إنت إيه اللي جايبك هنا. آدم قام وقف وقال: أهلاً ب مراتي حبيبتي.

ريما: هو مش المفروض عيد ميلاد حازم. آدم: لا ياحلوة. مفيش عيد ميلاد. أنا قولت ل حازم يجيبك هنا على أساس عيد ميلاده. ريما: هو دا مش بيت حازم. آدم: تؤ تؤ تؤ. مصدومة كدا ليه. ريما جايه تنزل. آدم مسكها من إيديها. آدم: راحة فين. ريما: اوعى كدا. وزقته. فتحت الباب بسرعة ونزلت جري و آدم يجري وراها. آدم: مش هتهربي مني يا ريما. ريما تجري و آدم يجري. ريما وهي بتجري رجلها اتلوت. ومرة واحدة وقعت من على السلالم.