رواية برائتها اوقعتني في حبها الفصل السابع 7 - بقلم روان جابر

حسام قعد جنبها. حسام: انتي بتعامليني كدا ليه؟ ريما: أنا. حسام: أيوه. ريما: هو أنا أعرفك عشان تقول لي كدا؟ حسام فضل باصص لريما، وريما بصت له في عينيه. حست إنها شايفة الشخص ده بس مش عارفة تتذكر حاجة. فضلت تفكر لحد ما هتوصل. بس مرة واحدة دماغها وجعها. حسام: مالك؟ ريما: حسااام. وفجأة أغمى عليها. حسام لحقها واتصل بالدكتور. بعد شوية. الدكتور: هي كويسة الحمد لله. حسام: شكراً يا دكتور. وطلع يوصل الدكتور، وبعدين دخل لريما.

حسام قعد جنب ريما. ريما صحيت لاقت حسام ماسك إيدها. ريما: انت إزاي تمسك إيدي كدا؟ حسام: آسف. وساب إيدها. الفون بتاع ريما رن. ريما ردت. حسام في سره: هي معاملتها عاملة كدا ليه؟ ريما: بابا جه بس مش عارف أنا فين. حسام: خليكي، هطلع أجيبه. ريما: لا، هطلع معاك عشان هروح. حسام طلع وريما وراه. لاقوا جلال واقف بالعربية. ريما: بابا. جلال: ريما. جلال راح لها. جلال لحسام: شكراً. حسام: العفو. جلال أخد ريما وركبوا العربية.

جلال: ما عدتيش طالعة في مكان تاني، انتي فاهمة؟ ريما: بس. جلال: أنا قولت كلمة. ريما: حاضر يا بابا. عند حسام واقف بره البيت. قاسم من وراه: بخ. حسام اتخض: إيه؟ خضتيني. قاسم: واقف بره ليه؟ حسام: مفيش. قاسم: طب يلا ندخل البيت. حسام وقاسم دخلوا البيت. كل واحد دخل على أوضته. عند ريما. جلال وريما دخلوا القصر. جلال: على غرفتك يلا. ريما: حاضر. ريما طلعت على أوضتها وقفتلت الباب وراها. وجلال طلع لمراته.

الساعة جت 12 بليل وكل اللي في القصر نام. تاني يوم. حسام قام من النوم، اتوضا وصلى وفطر، وبعدين راح للشركة. وقاسم فطر وجهز نفسه وراح للجامعة. عند ريما. قامت من النوم ولبست ونزلت تفطر. ريما: صباح الخير. داليدا: صباح النور. ريما قعدت عشان تاكل. آدم: إزيك يا ريما؟ ريما بصت له: الحمد لله. ريما مبتحبش آدم. آدم: هو فين عمي جلال؟ داليدا: هينزل دلوقتي. جلال نزل عشان يفطر. جلال بصوت عالي: آدم إزيك؟ آدم: الحمد لله يا عمي.

جلال راح قعد عشان يفطر. آدم: أنا عايز أقولك حاجة يا عمي. جلال: اتفضل. آدم: أنا طالب إيد ريما. ريما اتصدمت. سابت المعلقة من إيديها وقالت: ريما: أنا مش موافقة عشان عايزة أكمل تعليمي. آدم: ما انتي هتكملي تعليمك عادي، مش همنعك. ريما: أنا قولت اللي عندي. وقامت طلعت على أوضتها. جلال لآدم: هحاول أكلمها يا آدم. أنا أصلاً عايزها تجوزك انت عشان مفيش حد هيخاف عليها قدك. آدم: تمام يا عمي. آدم في سره: أنا هتجوزك غصب عنك يا ريما.

عند قاسم. قاسم كان ماشي في الجامعة. لاقى واحدة منتقبة بتعيط. سمعها وهي بتعيط. قاسم: مالك بتعيطي ليه؟ نانسي: مفيش. قاسم: تمام. وطلع منديل وداهولها. نانسي خدت المنديل من قاسم. قاسم: يلا قومي عشان المحاضرة هتبدأ. نانسي: تمام. نانسي دخلت القاعة وقاسم دخل وراها. نانسي قعدت وبتجيب حاجة من الشنطة. وقاسم دخل. كله قام وقف وهي قاعدة. قاسم: انتي يا آنسة يا اللي قاعدة. نانسي رفعت وشها لاقت قاسم. نانسي

قامت وقفت بسرعة وقالت له: آسفة. قاسم: تمام، الكل يقعد. الكل قعد وقاسم فضل يشرح. قاسم: ممكن بقا يا اللي لابسة نقاب، انتي تقومي تشرحي الدرس من تاني. نانسي قامت وشرحت. قاسم: برافو. المحاضرة خلصت وقت البريك. نانسي طلعت سندوتش. قاسم راح لنانسي: ممكن حتة؟ نانسي بصت لاقت قاسم. نانسي: أفندم؟ خده كله. قاسم ضحك عليها. نانسي قامت عشان تروح التواليت. قاسم قام وراها. نانسي: هتيجي ورايا التواليت؟ قاسم اتكسف معرفش يرد.

نانسي راحت التواليت تغسل وشها. رفعت النقاب وغسلت وشها. بتبص في المراية لاقت شباب صورها. نانسي نزلت النقاب بسرعة وطلعت من التواليت. لاقت الشباب واقفين مع قاسم. هي فكرت إن قاسم هو اللي قالهم روحوا صوروها.