رواية برائتها اوقعتني في حبها الفصل السادس 6 - بقلم روان جابر

داليدا: لو ماما عرفت إن ريما عملت حادثة وفاقدة جزء من الذاكرة، من الذكريات القديمة بتاعتها، هتعمل إيه؟ جلال: مش هتعرف. منال: إيه.... جلال: ماما. منال: اللي سمعته ده صح؟ جلال وهو حاطط وشه في الأرض: أيوه. Flash Back ريما كانت معانا، كنا بنشتري هدوم ليها. داليدا: ما تيجي نشوف المحل اللي هناك ده. جلال: تمام. نزلوا من العربية وراحوا المحل. داليدا: فين ريما؟ جلال دور، طلع من المحل، لاقاها لسه في العربية.

جلال: يلا يا ريما، تعالي. ريما: حاضر. ريما نزلت من العربية ورايحة للمحل، كانت فيه عربية قدامها وهي ما خدتش بالها، فعملت حادثة. Back منال: كل ده حصل في لندن وإنت معرفتنيش يا جلال؟ جلال: آسف يا ماما. منال: المهم إنكم رجعتوا بخير، إنتوا أكلتوا ولا جعانين؟ داليدا: لسه. منال: طب كويس، هنزل أعمل لكوا أكل بإيدي. داليدا: خليكي يا ماما، هعمل أنا. منال: لا، أنا اللي هعمل الأكل وأنا قولت كلمة ومش هرجع فيها.

داليدا: حاضر، بس هكون معاكي في المطبخ. منال: ماشي. بعد شوية داليدا نادت لجلال ينزل ياكل معاهم. جلال نزل. جلال: تسلم إيدك يا ست الكل، هاتي إيدك أما أبو*سك. منال ادته إيدها. جلال: الأكل ريحته تجنن، يالهوووي على الريحة. عند حسام حسام قاعد مع قاسم. قاسم بياكل فشار وقاعد بيسمع فيلم هاري بوتر. حسام: ما تجيب شوية فشار يا جدع، إنت. قاسم: إنت أكلت كتير، سيب شوية الفشار دول ليا.

قاسم: أنا شفت بنت يا حسام، عجبتني أوي، عايز أعرفها. حسام: ماشي، حاضر. قاسم: بقولك إيه، ما تيجي نطلع نتمشى شوية. حسام: لا. لو عايز تطلع. قاسم: تمام، خد الفشار، أنا ماشي. عند ريما ريما كانت لابسة وخارجة مع صاحبها. ريما نزلت تحت، لاقتهم قاعدين بياكلوا. جلال: رايحة فين دلوقتي؟ ريما: خارجة مع صحابي. جلال: طب إنتِ مش هتاكلي؟ ريما: مش جعانة، يلا سلام. ريما خرجت من القصر، وفيه حارس كان بيوصل ريما.

يجيبها ويوديها، العربية وقفت في الطريق، والطريق ما كانش فيه عربيات بتعدي فيه كتير. ريما: في إيه؟ الحارس: العربية خلص، البنزين خلص، خليكي هنا لما أروح أسأل على بنزين مع حد. ريما: أووف، ماشي، بس متغبش. الحارس مشي، راح يدور على بنزين للعربية. ريما فضلت تستناه كتير، زهقت، خرجت من العربية ومشيت شوية عشان تشوف تاكسي. تعبت من المشي، وقفت مكانها بتتصل على جلال يبعتلها عربية. عند حسام

حسام زهق من القعدة في البيت، قام يتمشى شوية. طلع من البيت وفضل يمشي لوحده، وهو ماشي لاقى ريما واقفة. حسام: إيه اللي موقف ورد هنا؟ هروح أشوفها. حسام: إيه اللي موقفك في الوقت ده هنا؟ ريما بصت وراها. ريما: أفندم؟ حسام: إنتِ طالعة رايحة فين في الوقت ده؟ ريما مشيت وسابته. حسام مشي وراها يشوفها رايحة فين. ريما بصت وراها، حست إن حسام ماشي وراها. حسام اتخبى عشان ريما متشوفهوش. ريما فضلت تمشي لحد ما لاقت شوية شباب قاعدين.

ريما مشيت عادي من قدامهم. شخص: إيه يا عسل؟ ريما خافت، فضلت ماشية ومبصتش وراها. فيه واحد كان هيحط إيده على كت*ف ريما. حسام مسك إيده وكسرها له. الشخص: آآآآه، آآآآه. كل اللي كانوا واقفين هربوا، خافوا من حسام. ريما: إنت جاي ورايا ليه؟ حسام: أنا هاجي وراكي ليه؟ من جمالك متفكريش إن أنا بموت عليكِ. بصي لنفسك كدا، تخينة وشكلك وح*ش. ريما: أنا؟ وبتشاور على نفسها. أنا تخينة وشكلي وح*ش؟ حسام: أيوه.

ريما: إنت حي*وان على فكرة وقل*يل الذوق كمان. حسام: نينيني. بيعيب عليها ومشي وسابها. ريما: بيقولي أنا تخينة! أما أوريك. ريما اتصلت بجلال ييجي ياخدها، بس مش عارفة توصف المكان اللي واقفة فيه. حسام راح لودنها: ما تيجي عندي، واستنى أبو*باكي عندي. ريما: إنت أه*بل. حسام: براحتك، أنا رايح. خلي بقا الوحوش تجيلك. سلام. ريما خافت، فضلت ماشية وراه لحد بيته. حسام: اتفضلي. ريما دخلت البيت بالجزمة. حسام: إنتِ يامتخ*لفة!

إنتِ داخلة بالجزمة؟ ريما: فيها إيه يعني؟ حسام: اقلعي الجزمة يا أختي. ريما قلعت الجزمة ودخلت قعدت لحد ما جلال يجيلها. حسام قعد جنبها. حسام: إنتِ بتعامِليني كده ليه؟ ريما: أنا؟ حسام: أيوه. ريما: هو أنا أعرفك عشان تقول لي كده؟ حسام فضل باصص لريما، وريما بصت له في عينيه، حست إنها شايفة الشخص ده، بس مش عارفة تتذكر حاجة. فضلت تفكر لحد ما هتوصل. بس مرة واحدة دماغها وجعها. حسام: مالك؟ ريما: حسا.اام. ومرة واحدة اغمى عليها...