رواية برائتها اوقعتني في حبها الفصل السادس عشر 16 - بقلم روان جابر

ورد وقاسم سمعوا التكسير. ورد بخوف: قاسم. وقامت وقفت. قاسم: اقعدي انتي متجيش، أنا هروح أشوفه. ورد: حاضر. قاسم راح يشوف حسام، لقاه قاعد على سور البلكونة بتاع البيت وبيشرب. قاسم جرى عليه: أنت قاعد كدا ليه؟ تعالى. ونزل حسام من على السور وسانده لحد ما حطه على السرير. حسام: هي ليه ورد عملت كدا؟ ده أنا حبيتها من قلبي يا قاسم. قاسم: ارتاح يا حسام. حسام: لا مش هرتاح وهروح أسألها.

وكان بيكلم وهو سكران، جيه يقوم كان هيقع، قاسم سانده. حسام بصوت عالي: ورد يا ورد. ورد سمعت صوته راحتله بسرعة. ورد بخوف: حسام مالك؟ حسام: أنت ليه عملتي كدا يا وردتي؟ قاسم سابهم وطلع. ورد: مكنش قصدي والله يا حسام. وبتعيط. حسام هدى شوية وراح في النوم. حسام وهو نايم عيونه دمعت. ورد مسحت الدمعة. ورد: أنا آسفة يا حسام. وراحت هي كمان في النوم. تاني يوم. حسام صحي لاقى ورد نايمة على الأرض.

حسام بص لها وبعدين لما افتكر اللي حصل. حسام: أنتِ. وبقولها بصوت عالي: ورد. ورد صحيت. حسام: أنتِ إيه اللي جابك في غرفتي؟ ورد: آسفة. ولسه هتقوم. حسام: لمي هدومك يلا. ورد: ليه؟ حسام: عشان هترجعي لـ جلال بيه. ورد: نعم؟ حسام: زي ما سمعتي يا ورد، معتش فيه علاقة تربطني فيكي من هنا ورايح، ولا أعرفك ولا انتي تعرفيني. ورد بعياط: حاضر. ورد راحت على غرفتها، خدت شاور وطلعت عشان تلبس وتلم هدومها عشان هتروح لـ جلال.

قاسم راح لـ حسام. قاسم: رايح فين؟ حسام: رايح أودي ورد لـ جلال بيه. قاسم بخضة: نعم؟ حسام عمال يعدل في البدلة. قاسم: أنت مجنون؟ يعني هتودي ورد لـ جلال؟ حسام: أيوه. قاسم: دي ورد يا حسام اللي كان نفسك تشوفها. حسام مردش، حط برفان وبعدين راح لـ ورد عشان يشوفها. خبط على الباب. ورد بعياط: اتفضل. حسام: خلصتي؟ ورد بعياط: أيوه. حسام: تمام، أنا رايح أركب العربية. حسام مشي، وورد طلعت من الغرفة. شافت قاسم جريت عليه وهي بتعيط.

ورد: أنت مش قولتلي إنك هتشوف حل؟ هو فين؟ أنا مش عايزة أمشي من هنا يا قاسم. قاسم: مش هعرف أمنع حسام يا وردتي. حسام: يلا. ورد لـ قاسم: سلام يا بابا. قاسم: سلام. ورد راحت تركب العربية قدام جمب حسام. حسام: أنتِ راحة فين؟ ورد: هقعد قدام. حسام: لا روحي اقعدي ورا. ورد: حاضر. وراحت ركبت ورا. ورد عمالة تعيط وحسام عمال يبص عليها في المراية. بعد شوية وصلوا على القصر. جلال كان قاعد بيفطر، لاقى مرة واحدة حسام دخل وورد وراه.

جلال قام راح لـ حسام. حسام: آسف يا جلال بيه على اللي حصل، وورد جاتلك أهي. جلال راح سلم على ورد وحضنها، وبعدين راح لـ حسام. جلال: متيجي تفطر. حسام: شكراً، أنا اتأخرت على الشغل، سلام نبقى نفطر في يوم تاني. وبعدين مشي. -عند آدم. آدم كان نايم، صحي على رنة الفون بتاعه. آدم: ألو. شخص: ريما رجعت القصر، واللي رجعها حسام. آدم مصدوم: نعم؟ شخص: أيوه لسه شايفهم. آدم اتعصب، رمى الفون على الأرض اتكسر. آدم: فكرت خطيتي هتنجح؟

حسام هموتك. -عند قاسم. قاسم قام من النوم، لبس وفطر، وبعدين راح للجامعة. نانسي: صباح الخير يا دكتور قاسم. قاسم: صباح النور. نانسي وقاسم فضلوا ماشيين مع بعض شوية لحد ما وصلوا للقاعة. نانسي دخلت قعدت، وقاسم دخل يشرح. بعد شوية المحاضرة خلصت. قاسم: نانسي ممكن تيجي هنا. نانسي: حاضر. وطلعت لـ قاسم قدام الطلبة. قاسم نزل على رجليه وقال: تقبلي تتجوزيني يا نانسي؟ البنات أول ما سمعوا الخبر اتصدموا، ونانسي كانت مصدومة أكتر.

نانسي دمعت وقالت: مقبلش. ومشيت. كله اتصدم من رد فعلها. قاسم راح وراها. قاسم: أنا بحبك يا نانسي. نانسي: حضرتك مكنش ينفع اللي أنت عملته، تطلب إيدي قدام الطلبة. قاسم: آسف. طب ممكن رقم والدك؟ نانسي: ليه؟ قاسم: هطلب إيدك منه. نانسي: أنا معنديش أهل، أنا وحيدة. قاسم لما سمعها زعل عليها. -عند حسام. حسام قاعد في الشركة مش بيشتغل، عمال يفكر في ورد. الباب خبط. حسام: اتفضل. دخلت واحدة عند حسام. حسام: آنسة دينا اتفضلي.

دينا: أهلاً حسام، جيت عشان الصفقة. حسام: اتفضلي. دينا قعدت وفضلت هي وحسام يكلموا، وفضلت هي وحسام يتقابلوا كتير بيكلموا عن الصفقة. في يوم كان حسام عامل حفلة عشان عيد ميلاده، وكل كان حاضر، وجلال بيه وعائلته، وورد مكنتش عايزة تروح بس راحت. دينا وصلت الحفلة والعيون كانت عليها. دينا فضلت لـ حسام وبعدين شافته وراحتله. دينا: كل سنة وأنت طيب يا حسام. ودته الهدية. حسام: شكراً.

حسام بصوت عالي: أنا عايز أقول حاجة بمناسبة عيد ميلادي، هبقى فيه فرحة تانية. نزل على رجله وقال لـ دينا: تقبلي تتجوزيني يا دينا؟ ...