رواية برائتها اوقعتني في حبها الفصل الثامن عشر 18 - بقلم روان جابر

نانسي كانت لبست وفطرت جاية تفتح الباب لاقت قاسم في وشها. نانسي: قاسم... قصدي دكتور قاسم هنا. قاسم: أيوه جاى أوصلك معايا على الجامعة. نانسي: شكراً بس أنا كنت هروح بتاكسي. قاسم: لا ويلا تعالى هتركبي معايا في العربية. نانسي: حضرتك مينفعش الناس هتكلم علينا. قاسم: وأنا ميهمنيش كلام الناس ويلا. نانسي نزلت مع قاسم علشان هيروحوا على الجامعة. نانسي راحت تركب ورا. قاسم: انتي راحة فين؟ نانسي: هركب ورا. قاسم: تعالى قدام.

نانسي: لو جيت قدام مش هركب معاك. قاسم: خلاص اركبي. نانسي وقاسم ركبوا العربية وبعدين مشيوا. عند حسام. حسام قام من النوم وبعدين فطر وجهز نفسه علشان هيروحوا الشغل. عند ورد. ورد لبست وبعدين نزلت تفطر علشان هتروح للمدرسة. ورد في تالتة ثانوي. ورد: صباح الخير. جلال باستغراب: صباح النور. سؤال يا ريما. ريما: اتفضل يا بابا. جلال: هو انتي مكنتيش عارفاني لما كنا في المستشفى؟ ريما اتوردت وخايفة تتكلم.

ريما: بصراحة لا. أنا كنت عارفة إنك بابا. جلال: طب ليه عملتي كده في المستشفى؟ ريما: كان غصب عني. جلال: اللي هو إزاي يعني؟ ريما حكت كل حاجة وأهلها قاعدين بيفطروا. جلال اتعصب وخبط على السفرة. جلال بصوت عالي: آآدم. جلال قام من على الأكل وراح لآدم. عند آدم. آدم كان قاعد قدام الـ T.V سمع صوت عالي طلع لقى عمه جلال. آدم: اتفضل يا عمي. جلال راحله واداله بوكس في وشه. آدم باستغراب: إيه دا؟ جلال مسكه

من لياقة الهدوم وقاله: أنا لو شفتك عندي في القصر مش هرحمك يا آدم. إزاي تخلي بنتي تنساني كل ده علشان حضرتك تجوزها. واداله بوكس تاني. آدم اتعصب. جلال: أنت مش ابن أخويا. أسماء والدة آدم طلعت لقت جلال. أسماء: اتفضل. جلال: لا شكراً. ومشي. أسماء استغربت من تصرفه. في القصر. ريما قاعدة خايفة على باباها. داليدا: ريما حبيبتي انتي اتأخرتي على المدرسة.

ريما: تمام. وقامت راحت ركبت العربية علشان تروح للمدرسة. مدرستها كانت من طريق اللي فيه بيت حسام. في بيت حسام. حسام كان بيجهز نفسه يروح للشركة. لاقى الباب بيخبط. لبس الساعة وخلص وراح يفتح الباب. لاقى دينا. دينا: حبيبي عامل إيه؟ حسام: الحمد لله. ورد كانت معدية بالعربية لاقت دينا مع حسام وماسكاه من إيده وبتحاول تقرب منه. ورد بتغلي من جواها. ورد: وقف العربية.

السواق وقف العربية. حسام لاقى عربية واقفة قدام ومش شايف اللي فيها. إزاز العربية بدأ ينزل شوية بشوية. لقى ورد. حسام: ورد. ورد للسواق: امشي بالعربية. دينا: مين ورد؟ وبصت وراها ملقتش حد. ورد في العربية بتعيط. ورد: أنا هنزل هنا. السواق: بس لسه شوية علشان نوصل. ورد بدموع: أنا هنزل هنا. ورد نزلت من العربية وهي بتفتكر دينا مع حسام وبتعيط. ساعة جت 12 الظهر. داليدا: يلا روح هات ريما من المدرسة.

السواق: حاضر. وراح يجيبها. ملقهاش واقفة. نزل يسأل عليها. قالوله مجتش المدرسة النهاردة. اتصدم. اتصل على جلال يقوله إن ريما مش في المدرسة. جلال: هتصل على حسام. ممكن تكون عنده. فونه بتاع حسام رن. حسام رد. جلال: بنتي فين يا حسام؟ حسام: معرفش والله. ما تلاقيها في المدرسة. جلال: بنتي مش في المدرسة. حسام بصدمة: إيه....