رواية بريئة اوقعتني في حبها الفصل الخامس والخمسون 55 - بقلم دعاء حجاج

يحاصرني شعور غريب للغاية، أخاف أن يكون هذا الشعور نهاية حبنا. رنيم استيقظت من النوم وبصت على الساعة وجدتها 12، لتزيح البطانية من عليها وتقول: "إزاي نمت ده كله؟ وبعدين كان لازم أصحى بدري عشان أشوف سيف هيعمل إيه." رنيم التقطت الهاتف من على الكومدينو ورنت على سيف. سيف وضع السماعة في ودنه وقال: "أخبارك إيه دلوقتي يا روحي؟ رنيم وضعت يدها على رأسها وقالت: "إنت إزاي تسبني نايمة لحد دلوقتي؟

سيف بص في الساعة وقال: "الساعة 12 يا روحي، ولا بدري ولا حاجة." رنيم بغضب: "كان لازم أقوم بدري يا سيف، وأوعك تنسى إن النهارده عيد ميلاد بابا كمال." سيف وهو بيوقع على عدة ملفات: "لأ مش ناسي." رنيم: "طب إنت فين دلوقتي؟ سيف: "في الشركة." رنيم بحزن: "يعني مش هتروح معايا نجيب هدية لعمو كمال؟ سيف: "رنيم أنا حاليًا مش فاضي، ممكن تاخدي ميرال معاكي." رنيم: "خلاص هاخد أسامة وأروح." سيف: "تمام."

رنيم كانت على وشك أن تغلق الهاتف ولكن سمعت صوت مرام. مرام خدت الملفات وقالت: "أي أوامر تانية يا بيه؟ سيف هز رأسه ومرام طلعت وأغلقت الباب خلفها. رنيم: "أبو تيا." سيف: "إيه يا قلبي؟ رنيم: "مين اللي كانت بتكلمك من شوية؟ سيف: "السكرتيرة بتاعتي." رنيم بارتباك: "اسمها إيه يعني؟ سيف رفع أحد حاجبيه وقال: "ليه؟ رنيم: "قول بس." سيف: "اسمها مرام شاكر القادري." رنيم حين سمعت الاسم انصدمت، وسيف قال: "الووووو... روحتِ فين يا قلبي؟

... رنيم؟ رنيم استفاقت من تلك الصدمة وقالت بصوت مقطع: "س... سلام دلوقتي." رنيم أغلقت الهاتف وسيف قال باستغراب: "رنيم أول ما سمعت الاسم حاسس إنها ارتبكت أوي، معقول تعرفها؟ رنيم هزت رأسها وقالت: "مش وقته يا رنيم، مش وقته." رنيم دخلت الحمام وغيرت ملابسها ونزلت تحت. ميرال: "كده كل حاجة جاهزة يا بابا." كمال هز رأسه ورنيم وصلت عندهم وقالت: "إيه كل الهدايا دي؟ ميرال بصت لرنيم وقالت: "الهدايا دي للأيتام."

رنيم ابتسمت وكمال قال: "آمال سيف فين يا بنتي؟ رنيم: "راح الشغل يا بابا." كمال: "حمزة فوق صح يا ميرال؟ ميرال هزت رأسها وكمال قال: "طب اطلعي قوليله أبوك مستنيك تحت عشان نروح دار الأيتام." ميرال هزت رأسها وقالت: "حاضر." ميرال طلعت فوق ورنيم قالت في نفسها: "يعني بابا طالع حلو أوي." رنيم خدت نفس عميق وقالت: "يا رب ميرال تقول لحمزة يتأخروا شوية في الطريق." (في غرفة حمزة) ميرال فتحت الباب ووجدت حمزة كما تركته نائم.

ميرال ابتسمت ابتسامة بسيطة وقد نست أمر كمال تماماً. اقتربت من حمزة ووضعت يدها على خده وقالت: "حبيبي." "حبيبي." حمزة مسك يدها وقال وهو مغمض عينه: "الساعة كام؟ ميرال بصت على الساعة وقالت: "الساعة 12 وربع." حمزة استدار وقال: "لما الساعة تيجي واحدة يبقى قولي." ميرال وقد تذكرت أمر كمال لتقول: "حمزة بابا عايزك." حمزة فتح عيونه وقال بكسل: "ليه؟ ميرال: "عشان تروح معا دار الأيتام."

حمزة انعدل وميرال فتحت الدولاب وطلعت قميص أسود وبنطلون أسود، فهي تعشق اللون الأسود على حمزة. حمزة قام وحضنها من ضهرها وقال: "شكله الجميل صاحي بدري." ميرال بابتسامة: "مش بدري أوي يعني." حمزة باسها من خدها وخد منها الهدوم وكان متجه نحو الحمام، ولكن ميرال مسكت إيده وقالت: "اتأخروا شوية." حمزة ضم حواجبه وقال بعدم فهم: "مش فااااهم." ميرال: "أقصد عطل العربية، اعمل أي حاجة عشان تتأخروا." حمزة وقد فهم

ما تقصده ليقول بابتسامة: "حاضر." ميرال تركت إيده وقالت: "أوعك تتأخر، بابا منتظرك تحت." ميرال كانت على وشك المغادرة ولكن صوت حمزة أوقفها. حمزة: "ميرال." ميرال وقفت مكانها واستدارت ناحية حمزة وقالت: "نعم." حمزة هز رأسه وقال: "خلاص." ميرال راحت عنده وقالت: "هو إيه اللي خلاص؟ قول لي كنت عايز إيه؟ "لأ خلاص." ميرال مسكت إيده وقالت: "لأ قول." حمزة بابتسامة جانبية: "أقول إيه؟ ميرال: "اللي كنت عايز تقوله." حمزة وضع

إيديه على خصرها وقال بهمس: "خليها مفاجأة أحسن." ميرال ابتسمت وقالت: "على فكرة أنا بخاف من مفاجآتك أوي." حمزة رفع أحد حاجبيه وقال: "والسبب؟ ميرال: "مش عارفة بس بخاف أوي." حمزة بضحكة جذابة: "إن شاء الله هتعجبك." ميرال: "متأكدة؟ حمزة باسها من خدها بحنية وقال: "متأكدة." ميرال بابتسامة: "طب ادخل غير هدومك، أكيد بابا منتظرك." حمزة: "عيوني." حمزة دلف إلى الحمام وميرال ابتسمت وقالت بعدها: "ينهاردة أسود، أكيد رنيم منتظراني."

بعد شوية. ميرال طلعت عالطول ومن غير ما تاخد بالها دخلت في ناهد. ميرال: "أنا آسفة أوي." ناهد: "الظاهر ابني متجوز واحدة عمياء." ميرال قبضت يدها وناهد بصت على ميرال من الأسفل للأعلى وقالت: "أنا مش عارفة ابني حب فيكي إيه." ميرال ربعت يدها وقالت بابتسامة: "أصلاً الجمال مش كل حاجة يا مدام ناهد، الروح أهم من الجمال نفسه." "أنا مش عارفة بقول الكلام ده لواحدة زيك ليه، على العموم أخدتي من وقتي كتير، عن إذنك."

ناهد رأت حمزة جاي عليهم لتمسك يد ميرال وتقول: "ميرال سيبي إيدي، ميرال." ميرال حاولت تفلت يدها لكن معرفتش. "ميرال سيبي إيدي." ميرال اتعصبت أوي ودفعت ناهد بكل قوة. ناهد اترمت في حضن حمزة ودموعها نزلت، أي دموع التماسيح. ميرال بصت لحمزة وقالت: "حمزة أنا... حمزة رفع إيده في وجهها وقال بحده: "ولا كلمة." ميرال انصدمت وناهد ابتسمت ابتسامة خبيثة وقالت في سرها: "برافو يا ناهد." ناهد بعدت عن حمزة اللي

وضع إيده على خدها وقال: "إيه اللي حصل؟ ناهد بدموع: "ميرال مرة واحدة مسكت إيدي وقعدت تقول كلام وحش أوي يا ابني ودفعتني زي ما انت شوفت." ميرال خرجت عن سيطرتها وقالت: "إنتي واحدة كدابة و... حمزة بغضب: "ميييييراااااااال! ناهد بصت لتحت وابتسمت. "ده أمي ولازم تحترميها." هنا فرحت ناهد كثيراً لتقول بتمثيل: "خلاص يا ابني ده مهما كان عيلة." ميرال قبضت يدها وحمزة قال وهو ينظر لميرال: "ورايا." حمزة دلف إلى غرفته مرة أخرى وميرال

بصت لناهد اللي قالت بهمس: "بلاش تلعبي معايا بعد كده." ميرال مردتش عليها وخدت بعضها ومشيت. ناهد ربعت يدها وقالت: "أكيد هيزعقلها مهما كان، ده أنا أمه." (في غرفة حمزة) ميرال دخلت وقالت: "والله يا حمزة... حمزة رفع إيده في وجهها وقال: "ولا كلمة." ميرال بصت لتحت وحمزة مسك يدها وقال: "من غير ما تقولي أنا عارف إيه اللي حصل." ميرال بصت في عيونه وقالت: "وطالما عارف عملت كده ليه؟ حمزة: "محبتش أطلعها كدابة."

ميرال: "وأنا تطلعني كدابة عادي؟ حمزة وضع إيده على خدها وقال: "ده مهما كان أمي يا ميرال." ميرال بعيون دامعة: "ماشي يا حمزة." ميرال كانت على وشك المغادرة ولكن حمزة مسك يدها وقال: "ده واحدة كبيرة بردو." ميرال استدارت وقالت: "ومش عيب على واحدة زيها في العمر ده وتكدب؟ حمزة: "ممكن نقفل على الموضوع ده." ميرال سكتت وحمزة قال: "قولي إنك مش زعلانة، متخلنيش أحس بالذنب." ميرال بصتله وقالت: "هو أنا أقدر أزعل منك بردو؟

حمزة خدها في حضنه وقال: "أنا بحبك أوي يا بت." ميرال حضنته جامد أوي وقالت: "وأنا بموت فيك." سوسن حين شافت تلك الوضع نظرت إلى تحت عالطول وقالت: "حمزة بيه." ميرال بعدت عن حمزة عالطول وسوسن قالت: "كمال بيه منتظر حضرتك تحت." حمزة هز رأسه وقال: "قولي له خمسة ونازل." سوسن هزت رأسها وخدت بعضها ومشت عالطول. حمزة وضع إيده على خد ميرال وقال بحنية: "عايزة حاجة يا روحي؟ ميرال وضعت إيدها على إيده وقالت: "خد بالك من نفسك." حمزة

قبل إيدها بكل حب وقال: "في حاجة في الدرج يبقى شوفيها." ميرال بفضول: "حاجة إيه؟ حمزة وهو طالع: "شوفيها عندك في الدرج." ميرال جرت على الكومدينو وفتحت الدرج ووجدت رسالة مكتوب عليها. صباح الخير والشمعة. صباح يمسح الدمعة. الابتسامة اترسمت على وجه ميرال اللى وضعت الرسالة مكانها ومسكت الوردة اللي حطها حمزة بجانب الرسالة. ميرال ضمت الوردة لصدرها، ورنيم فتحت الباب ودخلت وقالت: "ميرال." ميرال: "... رنيم وضعت

إيدها على كتفها وقالت: "ميرال، انتي كويسة؟ ميرال استفاقت من شرودها وقالت: "رنيم." رنيم: "سرحانة في إيه؟ ميرال وضعت الوردة في الدرج وقالت: "كله تمام." رنيم هزت رأسها وقالت: "حمزة وبابا مشوا." ميرال خدت نفس عميق وقالت: "هيعني إيه بعدين؟ رنيم: "أنا هروح أجيب الهدية، إيه رأيك تيجي معايا؟ ميرال: "مش هينفع يا رنيم." رنيم: "ليه؟ ميرال: "أنا هعمل التورتة ومش هكون فاضية." رنيم ابتسمت وقالت: "خلاص، هروح مع أسامة."

ميرال: "خدي بالك من نفسك." رنيم وهي طالعة: "حاضر." *** (في الطريق) دينا كانت فرحانة أوي ورامي كل شوية يبص عليها. دينا وضعت رأسها على كتفه وقالت: "تعرف إني بحبك أوي." رامي باسها على رأسها وقال: "عارف." دينا ابتعدت عنه وقالت: "إيه رأيك نسافر الأسبوع الجاي؟ رامي وهو مركز في الطريق: "اللي تحبيه." دينا مسكت في دراعه وقالت: "ونسافر فرنسا." رامي ابتسم وقال: "نتتم جوازنا الأول." دينا بصت لتحت ووجهها احمر أوي من الخجل.

بعد شوية. رامي داس فرامل وقال: "انزلي يا روحي." دينا بصتله وقالت: "وانت مش هتنزل؟ رامي: "هروح الشركة." دينا: "على فكرة النهاردة الصباحية بتاعتنا." رامي ابتسم وقال: "هشوف حاجة كده وبوعدك مش هتأخر." دينا اقتربت منه وباساته من خده وقالت: "خد بالك من نفسك." رامي هز رأسه ودينا فتحت الباب ونزلت. رامي: "ديناااا." دينا وقفت وقالت: "نعم." رامي: "بحبك." دينا: "ماشي." رامي رفع حاجب وقال: "ماشي؟ دينا هزت رأسها ورامي

قال وهو بيشغل العربية: "ماشي ماشي." دينا قعدت تضحك ورامي شغل العربية وقادها بأقصى سرعة. *** دينا دخلت جوه ووجدت كيان قاعدة وبتسمع شيئًا ما. دينا راحت عندها وقالت: "أخبارك إيه يا كيان؟ كيان مردتش عليها ودينا قعدت جنبها وقالت: "إيه ده، انتي بتحبي الكوريين زيي؟ كيان نفخت ودينا حست إنها مش طايقة وجودها لتقوم وتطلع على فوق. دينا دخلت الأوضة وقفلت الباب وراها وخدت نفس عميق. اتجهت نحو الدولاب لتفتحه وتخرج قميص رصاصي.

دينا ابتسمت وقالت: "هعوضك عن ليلة امبارح يا حبيبي." دينا دلفت إلى الحمام ولبست القميص وطلعت. وقفت قدام المراية ووضعت بعض العطور الجذابة على ملابسها وفضلت منتظرة رامي يرجع. دينا مسكت التليفون وقالت: "قال هيرجع بعد ربع ساعة ولحد دلوقتي مرجعش." دينا قعدت على طرف السرير وانتظرت رامي كثيراً. دينا شعرت بكسل لتقرر أن تنام. دينا اتسطحت على السرير وشدت البطانية عليها ونامت. *** (في ألمانيا)

ياسين قام وفتح الباب وقال: "معتز بيه." معتز دخل وقال: "ملك، ملك." ياسين مسك إيده وقال: "ملك مش هنا يا معتز بيه." وقد توقف الزمن لدى معتز ليقول بصدمة وعدم استيعاب: "مش هنا إزاي؟ ياسين: "هو في حاجة ولا إيه؟ معتز: "أنا وملك اتخانقنا من ربع ساعة وطلعت، وأنا افتكرتها راحت عندك." ياسين هز رأسه وقال: "ملك مجاتش هنا يا معتز بيه." معتز وضع إيده على قلبه وقال: "يعني راحت فين؟ ياسين

وضع إيده على كتفه وقال: "متقلقش، هروح أشوفها." معتز: "هاجي معاك." ياسين هز رأسه ومعتز مشي شوية وكاد أن يقع، ولكن ياسين مسك إيده عالطول وقال: "معتز بيه، انت بخير؟ معتز قعد على الأرض ومكنش قادر يمشي على رجله من الصدمة اللي سيطرت عليه كلياً. ياسين: "ارتاح انت، أنا هروح أدور عليها." معتز: "ياسين استنى، أنا جاي معاااك." ياسين أغلق الباب وراه وطلع يجري على الأسانسير وحاول يفتحه لكن مفتحش.

ياسين نزل من على السلم بأقصى سرعة ممكنة. بعد مهلة من الوقت وتحديداً في شوارع برلين. ياسين كان بيدور على ملك زي المجنون. ياسين وقف مكانه ووضع إيده على رأسه وقال: "يا ترى راحت فين؟ ياسين سمع صوت من خلفه، فكان هذا الصوت يشبه صوت ملك. ياسين استدار ووجدها ملك فعلاً. ياسين جري عليها وخدها في حضنه عالطول وقال: "ملك، انتي كويسة؟ ملك حضنته جامد أوي وقعدت تعيط بهستيريا. ياسين بعد عنها عالطول

ووضع إيده على خدها وقال: "انتي بتعيطي ليه؟ ملك: "أنا أنا وبابا اتخانقنا يا ياسين." ياسين مسح دموعها وقال: "ابوكي بيحبك يا ملك." ملك بصت في عيونه وقالت بعيون دامعة: "نفسي أحس بحنان الأب." ياسين ابتسم وقال: "وانتي معاكي أحن وأحلى أب في الدنيا." ملك: "دايماً بيتخانق معايا." ياسين مسك إيدها وقال: "ده لمصلحتك، صدقيني." ملك هزت رأسها وقالت: "لا يا ياسين، مش لمصلحتي، بابا دايماً بيتخانق معايا."

ياسين مسح دموعها وقال: "إيه رأيك نرجع ونتكلم في الموضوع ده لما نرجع؟ ملك هزت رأسها وقالت: "مش عايزة أشوفه." ياسين بغضب: "ملك، بلاش الحركات الطفولية دي." ملك بغضب مماثل: "ده مش حركات طفولية يا ياسين، أنا محتاجة أب حنين، أب يخاف عليا، مش أب يتخانق معايا في أي حاجة تحصل." ياسين خدها في حضنه مجدداً وقال: "خلاص، أهدي." ملك بعياط: "محتاجة أب يحبني يا ياسين." ياسين باسها على

رأسها بخارج إرادته وقال: "وابوكي بيحبك أوي يا لوكا." ملك وهي مازالت في حضنه: "أنا مش عايزة أروح." ياسين بعد عنها ووضع إيده على خدها وقال: "حتى لو قولتلك إنه مش قادر يتحرك أول ما عرف إنك مش عندي؟ ملك بصدمة: "إيه؟ ياسين هز رأسه وملك مسكت في هدوم ياسين وقالت بقلب مقبوض: "وليه مقولتش كده من الأول؟ ياسين مسك إيدها وقال: "هقولك على الطريق." ياسين أوقف سيارة وملك ركبت عالطول وياسين ركب أيضاً ومشوا. *** (على الجهه الأخري)

_رد عليكي؟ أحمد: "لسه." ياسمين نفخت وقالت: "طب وبعدين؟ أحمد رفع إيده لكي تكف الياسمين عن الحديث. _الووو. ياسمين فرحت أوي والمتصل قال: "لسه طالعة يا بيه." أحمد هز رأسه وقال: "حلو أوي." أحمد أغلق الهاتف وقال: "مفضلش إلا السائق بتاع الشاحنة." ياسمين بصت في الساعة وقالت: "هيوصل كمان خمس دقائق." أحمد: "المهم يوصل قبل ما العربية تمر من هنا." ياسمين: "إن شاء الله هيوصل قبل الموعد." أحمد

ابتسم وياسمين قالت بحيرة: "بس أنا نفسي أعرف انت عايز تقتل رنيم ليه؟ أحمد مسك دراعها جامد أوي وقال وهو بيكز على سنانه: "مالكيش دعوة بالموضوع ده." ياسمين هزت رأسها وقالت بخوف: "حاضر حاضر." أحمد زقها وسائق الشاحنة وصل فعلاً. أحمد بخبث: "كويس إنه وصل." ياسمين كانت تريد أن تقبض روح أحمد في إيدها، ولكن كيف، فهو يساعدها. السائق فتح الباب ونزل وقال: "فين الفلوس؟ ياسمين بعصبية: "احنا اتفقنا بعد ما تتم العملية."

مد ايده وقال: "الفلوس الأول." أحمد بص لياسمين اللي بصت له أيضاً. _هااااا. أحمد ضرب الراجل على راسه ليفقد الوعي تماماً. ياسمين وضعت إيدها على فمها وقالت: "إيه اللي عملتوه ده؟ أحمد عدل هدومه وقال: "اللي كان لازم يتعمل." ياسمين مسكت في الجاكيت بتاعه وقالت: "انت مجنون ولا إيه؟ وبعدين مين اللي هيسوق العربية دلوقتي؟ أحمد مسك إيدها وقال: "احنا." ياسمين بلعت ريقها بصعوبة وقالت بارتباك: "آآ٠٠٠٠آ٠٠٠٠آآي؟

أحمد فتح الباب وقال: "احنا اللي هنقتل رنيم." ياسمين هزت رأسها وقالت بخوف: "أنا مستحيل أعمل كده." أحمد ترك الباب وقال: "مش عايزة سيف ولا إيه؟ ياسمين: "بس... أحمد ركب الشاحنة وقال: "لو عايزة سيف، يبقى ليكي اركبي." ياسمين بعد تفكير دام عشرين ثانية قررت تركب فعلاً. أحمد بص لها وقال بابتسامة: "شاطرة." ياسمين بصت من شباك الشاحنة لتري رنيم وتقول: "العربية اهااا." أحمد شغل الشاحنة وقال وهو بيقود العربية: "أنهي واحدة؟ ياسمين

وهي بتشاور على العربية: "العربية اللي لونها أبيض." أحمد زود السرعة وقال: "حلو أوي." *** رنيم رنت على سيف اللي رد عليها خلال ثواني معدودة. رنيم: "بقولك يا أبو تيا." سيف وهو مركز في الملفات اللي قدامه: "قولي يا روحي." رنيم: "أنا دلوقتي على الطريق ورايحة المول، ممكن... سيف بمقاطعة: "رنيم، خليكي معاياااا." رنيم هزت رأسها وأسامة بص في المراية وقال: "الشاحنة دي ماشية ورانا من بدري."

رنيم بصت وراها وياسمين نزلت لتحت عالطول وأحمد أدار وجهه. رنيم بابتسامة: "عادي يا أسامة." أسامة هز رأسه وزود السرعة. سيف: "كنتي بتقولي إيه يا روحي؟ رنيم رأت أن سيف مشغول لتقول: "ولا حاجة يا حبيبي، سلام." رنيم أغلقت الهاتف والشاحنة اصطدمت بالعربية من الخلف. رنيم بخضة: "في إيه؟ أسامة: "مش عااارف، بس الظاهر الشاحنة دي ناوية على قتلنا." رنيم بصدمة: "إيه؟ الشاحنة بدأت تخبط في العربية من وراء وأسامة بدأ يزود السرعة أكتر.

ياسمين بحماس: "الضربة القاضية بقاااا." أحمد زود السرعة وقال بابتسامة شيطانية: "الوداع يا حلوة." أحمد قاد الشاحنة بأقصى سرعة ورنيم قالت: "أسامة، وقف العربية." أسامة: "مش هينفع يا مدام... لو وقفت العربية هنموت فورا." رنيم مسكت تليفونها ورنت على سيف مجدداً. سيف وضع السماعة في ودنه وقال: "إيه يا قلبي؟ رنيم بصوت مقطع: "س س سيف." سيف قام وقال بخضة: "رنيم."

وفجأة التليفون وقع من إيد رنيم بعد ما دخلت الشاحنة في العربية من الخلف. العربية لفت برنيم وأسامة عدة مرات. _عااااااااااااااااااا. ياسمين بابتسامة: "اخيراااا." أحمد ابتسم بخبث وقال: "بعد الجولة دي أعتقد متوا." ياسمين: "طب وقف العربية خلينا نطمن." أحمد هز رأسه وحاول يوقف الشاحنة لكن معرفش ليقول: "الشاحنة شكلها مفيهاش فرامل." ياسمين بصدمة: "انت بتقول إيه؟ أحمد حاول يفتح الباب لكن معرفش وياسمين كذلك. ياسمين

بصت قدامها وقالت بصدمة: "في في جبل قدامك." أحمد بص قدامه أيضاً وانصدم حين رأى الجبل. ياسمين وأحمد حاولوا يفتحوا الباب وياسمين بدأت تصرخ بأعلى صوت. وفجأة الشاحنة وقعت من فوق الجبل لتصرخ الياسمين بأعلى صوت: "عااااا." بعد عدة ثواني الشاحنة انفجرت لتعلن عن وفاة أحمد وياسمين.