رواية بريئة في عالم قاسي الفصل الحادي عشر 11 - بقلم الكاتبة المجهولة

ندي بعياط: عشان بكرهك. عز بصدمة: إيه ده! أنا عملت لك إيه؟ أنا أول مرة أشوفك كانت امبارح. ندي: عشان أنت كل شوية ترخم عليا. عز: نعم يا روح أمك، هو عشان برخم عليكي تحطيلي سم؟ ندي بسخرية: أنت يعني اللي شربته؟ عز بص لها باشمئزاز وسابها ومشي. ندي بعياط: يارب أنا غلطت، ما كان ينفع أعمل كده. أنا مش بحب قدر وعايزاها تبعد عن رحيم، بس مش عاوزاها تتأذي بسببي. ربنا يشفيها ويعافيها يا رب. *** في المستشفى. قدر: اممم، أنا فين؟

رحيم بلهفة: أنتِ كويسة يا حبيبتي؟ فيكي حاجة؟ قدر بتعب: الحمد لله كويسة يا حبيبي. رحيم: كنت هموت وأنا شايفك كده قدامي. قدر بحنية وهي بتطبطب على إيده: متقلقش يا حبيبي، أنا معاك أهو. رحيم من لهفته حضنها وفضل متمسك فيها زي الطفل اللي في حضن أمه، ودمعة نزلت على كتفها. قدر: خلاص بقى، عشان خاطري، هعيط والله. رحيم بابتسامة: هجيب الدكتور يشوفك. قدر هزت راسها وهو قام وطلع.

سليم بترجي: أنا بحبك يا سجدة، والله مقدرش أعيش من غيرك. سجدة بعياط: أنت متجوزني انتقام مش أكتر. سليم بلهفة: يشهد ربنا إني بحبك، كل لحظة معاكي كانت بحب، كل لمسة والله العظيم بحبك. سجدة: وأنا مش عاوزة حبك، خليهولك. عن إذنك. ولسه جاية تطلع، مسك إيديها وشدها عليه وقرب من شفايفها وباسها بكل رقة. وهي حاولت تبعد بس قربها أكتر لحد ما اتجاوبت معاه. بعد ساعة. سليم ببحة رجولية: بحبك. سجدة دفنت راسها في صدره: قليل الأدب.

سليم بضحك: أنا لوحدي يعني؟ سجدة: عااا، سليم اسكت. سليم ضحك بصوته كله وضمها أكتر لحضنه: بحبك أوي. سجدة بحب: وأنا بعشقك. *** في البيت الكبير. سناء بخبث: ها يا ندي، هنعمل إيه؟ ندي باستغراب: إيه يا ستي؟ سناء: فتحي مخك كده، هنعمل إيه مع قدر؟ ندي: لا خلاص، هما بيحبوا بعض، مش هعمل حاجة. سناء: إزاي يعني؟ أنتِ... ندي بعياط: حرام بقى، حرام! مش هفرقهم أنا. رحيم من وراها: تفرقوا مين يا ندي؟ ندي بتوتر: ولا حاجة، ولا حاجة.

سناء بسخرية: ست الحسن، عاملة إيه؟ رحيم بخبث: كويسة أوي الحمد لله. الجد: إيه اللي حصل عاد؟ رحيم بتنهيدة: لو سمحت يا جدي، أنا مش قاعد هنا. وفرحي هعمله في القاهرة مش هنا. الجد: ليه يا ابني؟ رحيم بتنهيدة: معلش يا جدي، عن إذنك. ونادى بصوت عالي: عزززززز، اميييييييي. عز: إيه؟ في إيه؟ رحيم: البس يلا، جهز حاجتك، هنمشي. الأم: ليه يا ابني؟ رحيم: بعدين هقولك، يلا بس. عز هز رأسه وهو مش مطمن، وبص لندي بصة غريبة وطلع.

رحيم طلع لقدر: ادخلي البسي ي حبيبتي عشان نمشي. قدر هزت راسها ودخلت. *** نور: ياسين، هما مش ليهم صوت ليه؟ ياسين بغمزة: تعالي وأنا أقولك ليه. نور بضحك: بطل بقى. ياسين ضحك بصوته كله وحضنها. نور: اممم، عايزة أنام. ياسين: بقيتي بتنامي كتير يا نوري. نور: معلش بقى. وحضنته وغمضت عينيها. شالها وطلع أوضتهم. عند سليم وسجدة. سليم كان نايم وحاضن سجدة. جاله رسالة، فتحها وانصدم لما.