رواية بريئتي الجميلة الفصل الثالث 3 - بقلم شهد عبد السلام

لارا: وأنت مالك؟ صرخة قوية من لارا بسبب وجع شعرها من يد آدم. آدم يقترب منها: أنتِ مراتي... يعني كل حاجة فيكِ ملكي... وكلامي أمر عليكِ. ويتركها. لارا تقع على الأرض وجدها يقترب منها. الجد بعصبية وهو يقترب من لارا: إزاي تعمل فيها كده وأنا موجود؟ طلّقها! آدم باستفزاز: طلاق مش عندي، ودي مراتي أعمل فيها كل اللي عايزه. الجد بصرامة: أنت الواضح كده مش هيربيك غير عيسى. آدم يخرج من الغرفة بعدم اهتمام.

ولارا تقرر أنها ستروح عند عمتها أم إياد (نسيت أقول إن إياد يبقى ابن عمتها) بتروح الشركة. حبيبة بتوتر: ألو. الشخص بسرعة: قولي يا حبيبة عشان عندي اجتماع، في إيه؟ حبيبة بتوتر: لارا كلمتني وكانت بتعيط أوي الصراحة. الشخص بخوف: من إيه؟ بعصبية: اخلصي قولي! حبيبة: معرفش والله، هي جاية الشركة حبيت أقولك وهي زمانها طالعة. الشخص يقفل الخط. الشخص بعصبية وصوت عالي: الغي الاجتماع ومش عايز بني آدم يدخل عليا المكتب، فاهمة؟

السكرتيرة بخوف: فاهمة. الشخص يدخل المكتب ويفتح اللابتوب الخاص به ويشغل الكاميرا اللي في مكتب حبيبة. في مصر، في الشركة، وتحديدًا في غرفة حبيبة. كانت تبدأ لارا بقول ما حدث من آدم اليوم، وكلما تحدثت زادت عصبية الآخر ويحلف في كل ثانية أنه سوف يندم آدم على كل ما حدث. الشخص بعصبية مبالغة: والله يا آدم كل الأيام اللي جاية عليك سواد!

فات أسبوع بالكامل عليها وهي مقيمة في بيت عمتها، تحاول قدر المستطاع الهدوء وأخذ قراراتها، وإياد دائمًا بجانبها، وكل يوم يحاول الجد أنها توافق على رجوعها البيت، وفي المرة الأخيرة قال لها أن ابن عمها عيسى أتى إلى مصر وعليها أن تعود لارا ليراها، وعاد المكالمة وقرر نفس الكلام، ولكن لارا رافضة تمامًا أنها ترجع، وطول هذا الأسبوع سافر آدم. لارا وهي تفتح باب غرفتها: نعم. ياسمين بحب (عمتها)

: ممكن تيجي نروح عند بابا يشوفك بس ونرجع تاني؟ لارا: لا يا ماما لا، أنا مش عايزة أرجع عشان خاطري. (لارا تحب ياسمين مثل أمها لأنها منذ وفاة أم لارا تعتني بها ياسمين) ياسمين: متخافيش يا حبيبتي، آدم مسافر. لارا بإصرار: أنا مش خايفة ولا بردو هرجع. ياسمين وهي قاصدة أنها تخوفها: لارا يا حبيبتي عيسى رجع، وأنتِ عارفة قد إيه هو عصبي، ولو عرف أن جدك كلمك وأنتِ مش موافقة ترجعي ممكن يعمل إيه، وبعدين أكيد نازل عشان يساعدك.

لارا: بس هرجع معاكِ صح؟ ياسمين وهي تحضنها: صح يا قلبي. (لارا متعرفش عيسى كشكل بس دائمًا بتسمع عن قسوته وأن هو الوحيد اللي عرف يظبط كل حاجة في العيلة) في العربية. لارا بخوف وعياط: ياسمين أنا خايفة، ممكن آدم يبقى هناك صح؟ لا روحيني. ياسمين وهي في حضن لارا: لا يا روحي، مسافر من كام يوم. تصل العربية. تدخل لارا الغرفة وتكون العيلة متجمعة فيها. وأول ما لارا بتشوف آدم بتترعب وبتعيط وهي بتبص لياسمين. يبتسم آدم ابتسامة خبيثة.

ياسمين بخوف عليها وحب: والـ... تخرج لارا بخوف. لسه بتخرج بتخبط في عيسى. يمسكها من كتفها برقة وهي بين أحضانه، حاولت لارا البعد عن عيسى لكنه رافض وكان ماسكها من كتفها. عيسى بصوت هادئ: ينفع تهدي شوية؟ لارا بتزيد أكتر في العياط وهي عيونها مقفولة وفي الأرض. آدم وهو يقرب عليها: لارا... في اللحظة دي لارا خوفها بيزيد أكتر وبتحضن عيسى. عيسى ببرود: ارجع مكانك. يأخذ لارا وهي في نفس وضعها على المكتب، يبقى جدها موجود.

أول ما لارا بتسمع صوت جدها بتجري عليه وبتبقى في حضنه ولسه بتعيط. الجد بحب: اهدي يا حبيبت جدو. عيسى بيشاور أن الجد يقعد ويقعدها. عيسى بعد ما بيقعد على المكتب، وقدامه الجد ولارا. عيسى ببرود: وأنتِ بقى يا ست لارا عايزة إيه؟ ما فيش رد وعيونها في الأرض. عيسى بعصبية خفيفة: سمعتِ أنا بقولك إيه؟ لارا عيونها في الأرض: جدو عايزة أمشي. عيسى بعدم اهتمام: أظن كده يا إيهاب بيه إن هي عايزة تبقى مع آدم. لارا بخوف وسرعة: لا...

لا والنبي أنا عايزة يبعد عني. عيسى بنفاذ صبر: يعني أعملك إيه أنا دلوقتي؟ لارا بخوف وهي بتمسك في حضن إيهاب: جدو... الجد: بالراحة عليها شوية يا ابني، هي عايزة تطلق. عيسى: أسمعها منها هي. لارا بصوت منخفض: عايزة أطلق. عيسى بكدب: إيه... مش سامع... لارا: عايزة أطلق وبسرعة... وأروح أي حتة بعيد عنه. عيسى: تمام. وبيفتح الفون وبيتكلم. عيسى: المأذون فين؟ ... تمام خليه يدخل. عيسى للجد: صح... مقابل طلاق الحلوة دي إيه؟

إيهاب: اللي أنت عايزه. عيسى بخبث: تمام وقت تاني بقى نشوف المقابل ده. بعد شوية. كانت لارا في أوضتها مع ريماس. يدخل عيسى عليها الغرفة. عيسى ببرود: يلا عشان تنزلي ونخلص. لارا بخوف: لا... عيسى بعصبية يمسكها من ذراعها ويقربها عليه. بعصبية: إيهههه؟