رواية بريئتي الجميلة الفصل الرابع 4 - بقلم شهد عبد السلام

بعصبية: ايهههه! ريماس بخوف عليها: معلش يا ابيه.. هي.... وسكتت بسبب نظرة عيسى ليها. عيسى: برا.... تخرج ريماس. هي على نفس وضعها تحاول الإفلات من يد عيسى. عيسى وهو يضغط على ذراعيها: أيو... قلتي إيه؟ لارا بخوف وعيونها مليئة بالدموع: لا.. أنا خـ... خايفة. عيسى وهو يحاول قدر المستطاع الهدوء: من إيه؟ لارا بوجع: اه... إيدي... عيسى بعصبية: اخلصي في يومك خايفة من إيه. لارا بتوتر وبكاء: ممكن يموتني صح هو حاول قبل كده. عيسى

بهدوء يأخذها بين أحضانه: اهدي متخافيش... مش هيقدر يعملك حاجة. لارا بشهقات بين أحضانه: لا هو كان هيموتني قبل ما يسافر. عيسى: قلتلك متخافيش يا لارا ويلا ننزل عشان نتطلق مش ده اللي انتي عايزاه. لارا تحرك رأسها بالموافقة. عيسى بحب: طب يلا. في المكتب. المأذون وعيسى ولارا والجد. عيسى بهدوء: يلا امضئي. وفعلًا لارا تقرب من الورق وتنهي كل حاجة بينها وبين آدم.

لارا بدموع فرحة: جدو بجد أنا كده خلاص يعني خلاص آدم ملهوش دعوة بيا صح مش هيضربني تاني؟ يحضنها إيهاب. عيسى ببرود مصطنع: أقدر أمشي أنا دلوقتي يا إيهاب بيه..... يدخل بعصبية وصوت عالي ولسه هيقرب منها يضربها. لكن عيسى يمسك يده. عيسى ببرود: أنت دخلتك علينا المكتب كده ليها حساب. عمار (أبو لارا) : اوعى أنت إيه اللي رجعك دي بنتي وأنا هربيها. عيسى بعصبية ويمسك ذراع عمار: أنت أخذت آخر فرصة ليك. واحد من رجالة عيسى يأخذ عمار.

عيسى بعصبية: وأنتي... مش كل حاجة تعيطي مش ناقصة هي. إيهاب: بالراحة عليها يا ابني. عيسى: على العموم أنا هفضل هنا كام يوم نصلح فيهم شوية حاجات. ويطلع. ويمر بقية اليوم آدم وعمار في مخزن خاص بتاع عيسى. وكل واحد من العيلة في غرفته. لارا بعدم تصديق: ريماس بجد مش مصدقة. ريماس بدموع: لا يا روحي صدقي خلاص خلصتي من أخويا. لارا تقرب عليها بحضن: أنتي كويسة مالك... أنا آسفة.

ريماس بحب: المفروض أنا اللي أقولك آسفة عشان بسبب أخويا عشتي أيام صعبة أوي زمان ووافقتي ترتبط حياتك بواحد مدمن عشان خاطري. لارا بدموع: لا مش بسببك بسبب خوفي. ريماس: آسفة بجد إنك بسبب واحد زي ده كنتي هتموتي. تاني يوم الصبح. عيسى بسخرية: فين الصغنن؟ نيروز بخبث: أكيد مش فاضية ماهي خلصت من آدم. عيسى بتحذير: بت أنا مش بكلمك وكده بدل ما تبقي جنب حبيب القلب وبسخرية. عقلّيها يا مها هانم.

تخاف نيروز من تهديد عيسى الصريح ليها فتسكت. يدق على باب المكتب. عيسى: ادخل. تدخل لارا بتوتر. وعيسى كل تركيزه مع الشغل. عيسى: سيبيها عندك واطلعي. (يحسب الشغالة جايبة القهوة) لارا بإحراج وصوت منخفض: أحمم. عيسى بتوتر حاول يخفيه: لارا... لارا قربت من المكتب بتوتر وهي بتفرك في إيديها وعينيها في الأرض: صباح الخير. عيسى ابتسم: صباح القمر في حاجة ضايعة منك ولا إيه. لارا وترفع وشها: هااا. وتنزل وشها تاني.

عيسى ضحك وقام قرب عليها: هاااا إيه بس. ويرفع وشها. عيسى لسه لامسها: في إيه بقي. لارا بتوتر أوي وبتبعد وكانت هتقع يمسكها عيسى من وسطها وهي لسه بتحاول تبعد يده. عيسى: اهدي. برضه بتحاول تبعد. عيسى قربها منه وبصوت هادئ جنب أذنها: مش بقول اهدي. لارا بخوف تحرك رقبتها بمعنى اه وهدأت وضربات قلبها سريعة جدًا من التوتر. عيسى ببرود وهو على نفس وضعه: أمم كنتي عايزة إيه بقي. لارا بخوف وهتعيط وإيديها على صدر عيسى: والنبي ابعد.

عيسى فعلًا استجاب لطلبها وبعد شوية عنها. مسك إيديها وقعدها. كانت قاعدة على الكرسي وعيسى على الترابيزة الصغيرة اللي بين كرسي التاني. عيسى ويقرب منها المياه بحنان: ينفع تشربي. فعلًا بتشرب بهدوء. وتعيط وتمسح دموعها بإيديها زي الأطفال. عيسى وكاتم ضحكته على منظرها الطفولي: طب بتعيطي ليه دلوقتي. لارا بلطف: بسببك... عيسى ابتسم: أنا... أنا عملتلك حاجة. لارا بزعل: اه خوفتني أنا مش بحب حد يقرب مني كده.

عيسى بمشاكسة: طب أصلحك إزاي يا ست لارا. لارا مرة واحدة تتخض تعيط جامد وتقوم. عيسى بخوف: لارا. ويمسكها من إيديها ويحضنها. لارا بخوف وجسمها كله بيترعش: هيضربني... هو قالي أوعى تتكلمي مع حد. (بتحاول تبعد) أوعى... هيموتني والنبي. عيسى وهو بيحاول يهديها: اهدي ماحدش هيقدر يعملك حاجة يا عيوني اهدي هو مش هيرجع تاني وأنتي هتفضلي معايا ماحدش هيقدر يعملك حاجة تاني خلاص. لارا بدموع وتبص لعيسى: بجد.

عيسى يحضنها أكتر: أنا مش هسيبك لوحدك أبدًا. لارا: قول والله. عيسى يضحك على طفولتها: والله يا حبيبتي. ويدق الباب. عيسى بيفوق على دق الباب. عيسى: ادخل. لارا تبعد عنه. عيسى: سيبي القهوة وعايز واحد لمون. وتخرج وتقفل الباب. ولارا لسه هتخرج. عيسى: استني هنا. لارا وعينيها في الأرض: نعم. عيسى: إيه تحبي أجي أحضنك ولا ترفعي وشك وتيجي لوحدك. لارا بتوتر وتقرب من المكتب. عيسى: اقعدي عايز أتكلم معاكي. لارا: نعم.

عيسى: في حاجات كتير أوي عايز أعرفها. لارا بتوتر: حاجات إيه. عيسى: أنتي وآدم.