رواية بسملة وسامر الفصل الأول 1 - بقلم أمل محمد

غمز - يا مدوبني. زعقت - يا قليل الأدب. - يخربيتك هتفضحي أمي، في أي. - هتقل أدبك هقل أدبي، لم نفسك كدا. ضغط على سنانه - أنا جوزك يا طـ ـورة. - جوزي من ساعتين بس. - لا والله المفروض يعدي شهرين مثلا. - لا طبعًا. ابتسم - يومين يعني! - لا سنتين. بعصبية - عليا النعمة من نعمة ربي أقوم أرقعك بالقلم. - اعملها كدا، ها اعملها وأنا أوريك مين هي بسملة. بص حواليه - بت بت قومي نروح، جتك داء يا شيخة. وقفت - جوازة الندامة. وقف - جوازة هم. - أووف. - يلا يختي من غير أووف. وصلني قدام البيت وقال بإبتسامة حنينة - سلام يابت. مردتش ومشيت أصل أنا جمـ ـوسة أصلاً عارفة و...... فتحت عيني بعد خبـ ـطة أخدتها على راسي من مجهول ولقيت نفسي في مكان كله ضلـ ـمة ومقفول وتلفون محطوط قدامي وجنبه رسالة محتواها "شوفي مين هينقذك بشرط يدفع فيكي مليون جنيه". بصيت للورقة - طب والنبي رسالة جمـ ـوسة من إنسان حـ ـلوف، أطلع مين أنا عشان حد يدفع فيا المبلغ دا كله، أنجلينا جولي!! مسكت التلفون - محمد أخويا هيتف في وشي، بابا هيلعن اليوم اللي جيت فيه، يبقى مفيش غيره، سامر قرة عيني. - الو. - ينعم. - الحقني يا سامر أنا مخطـ ـوفة.