رواية بتاعت ليه الفصل التاسع 9 - بقلم أمل صالح

ضغطت على سنانها: سامر ابن الوحشة. عرفته. بتقولي إيه؟ بقول يلا عشان أديك درس كيفية الرد على قلة الأدب. تاني يوم. دخلت مكتب سامر في القسم. وقفت قصاد المكتب وضربت بإيدها عليه: بقولك إيه يا باشا، ملكش دعوة لا بيا ولا بأخويا، ومترجعش تقول بنتحجج عشان نشوفك، وانت أساسًا حتة شرطي لا راح ولا أي جا. وقف من على الكرسي وزعق: جرا إيه يا آنسة؟

انتي هنا في قسم شرطة مش في دكان على شارعكم. أنا ممكن أعمل محضر دلوقتي أوديكي في ستين داهية. زعقت: اعمل يا بابا، ادينا واقفة مستنية. حتى الواحد نفسه يجرب الحلاوة جوة السجن. زعق: كدا؟ طب يمين بالله لو مامشيتي لتكوني قاعدة في السجن دلوقتي وابقى غني ظلموه. زعقت: مبتفهمش؟ بقولك عايزة أجرب السجن يا بيه. الو بت يا رهف الحقيني. عملتي إيه يا مصيبة؟ أنا!! دانا كيوت. اخلصي. أنا محبوسة في السجن يبت.

هيييه يا مصيبتك يا حنان. بتعملي إيه يبت عندك؟ أنا يختي قولت أعمل فيها سبع البرمبة وجيت أعدت أزعق على أساس يبقى لطيف. طلع جحش. بتزعقي لظابط يابنت الهبلة! يوووه، اللي حصل بقا. هتيجي ولا لأ. دخلت رهف المركز وسألت على مكتب سامر. احم، إزي حضرتك يا فندم. نعم. الله، انت بتعمل كدا ليه؟ انتي مين يا شاطرة؟ أنا صاحبة حنان وجاية أطلعها. تاخدي صاحبتك من هنا وتربيها يا آنسة، فاهمة؟ متزعقش. عفواً. بقول حاضر حاضر.

خشي ياللي فضحانا، خشي. يوه، عايزاه يشتمني وأسكت؟ شتمك إمتى؟ يختاااااااي. قال للواد على أخويا إننا مجانين. وهو كددددددددب. رهف غوري من هنا. طبعًا أحلى مشاكل ست هانم وبعدين أغور. تاني يوم. كانت راجعة من مدرسة أخوها بعد ما أقنعت المدير يرجعه من غير رفد. وفجأة طلع سامر قصادها.