رواية بتاعت ليه الفصل الثامن 8 - بقلم أمل صالح

بصتلها حنان بطرف عينها وصرخت: جرا إيه يا رهف، جاية تهديني ولا تزيدي همي؟ قومي غوري أحسن. فجأة دخلت مامتها وزعقت: الحقيني يا حنان، أخوكي خد رفد. قامت بسرعة لبست الطرحة وجريت على مدرسته. لقيته في أوضة المدير. ايه يا أستاذ علي، عمل إيه؟ شاور على علي وزعق: البه فتح دماغ الباشا، لولا ستر ربنا ولحقناه. زعقت: أكيد الباشا بتاعكم عمل حاجة، أنا عارفة أخويا ميعبوش العيبة. مش كده يا علو؟ علي: كده يا حنون. المدير قال بعصبية:

آنسة حنان، لولا الباشا رفض إن البيه أخوكي ياخد رفد نهائي، خلينا رفض أسبوع. : ليه عشان أخوكي مش محترم. : ليه عشان معرفتوش تربوه. ضربت على المكتب بإيدها: لأ، إنت كده بتغلط وهرفع عليك قضية سب يا أستاذ، وابقى خلي الباشا بتاعك ينفعك. يلا يا علو. مسك أخوها إيدها وبص للمدير بقرف: يلا يا أوختي. خرجوا من المدرسة وهي ماسكة أخوها من قفاه: بقا بتتشطر على شرطي يا أهبل؟ يابن الهبلة؟ ليه أبوك شرطي ولا أمك محامية؟ فارض جناحاتك ليه؟

: يووووه، هو شتم الأول. : ليه عملت إيه؟ : مش إنتي وإنتي بتديني درس الدفاع عن النفس قولتي أي حد يكلمك قوليله ليه؟ : أه. قال بثقة: هو قالي اسمك إيه؟ قولتله ليه. قالي عشان أجيبلك حلاوة. قولت ليه. قالي عشان إنت شاطر. قولت ليه. قالي يخربيتك، إنت نفس نسل أختك. بصت ليه باستغراب: اسمه إيه؟ دارى كتفه: معرفش، بس سمعته بيكلم واحد في التليفون وبيزعق وبيقول: الحق يا محمود، دي عدوة منتشرة بين عيلتها كلها. ضغطت على سنانها:

سامر ابن الوحشة. عرفته؟ : بقول يلا عشان أديك درس كيفية الرد على قلة الأدب.