رواية بيان الزين الفصل السابع 7 - بقلم هاجر الغريب

احمد: لحد امتى يابنتي هتفضلي مخبية؟ انتي بنت مين؟ بيان: بابا أنا مخبية عشان عاوزة ابني مستقبلي بمجهودي، مش عشان أنا بنتك. احمد: زي ما تحبي يابنتي، بس كله إلا الكذب. أوعي تكدبي وتقولي اسم عيلة تانية. بيان: لا متقلقش يابابا، أنا بقول اسمي واسمك بس. احمد: أمري لله، ماشي يابنتي. يلا أنا لازم أنزل دلوقتي عشان عندي شغل. بيان: ربنا معاك يابابا. في شارع ضلمة، هنا بتجري: سيبوني! انتو شاربين إيه؟

واحد من التلاتة: تعالي بس هظبطك. عمار: مين دي؟ وقف العربية ونزل منها يشوفها. هنا شافت عمار: الحقونــــــي! واستخبت في حضنه. عمار: يلا يله انت وهو، امشي من هنا. واحد منهم: ماهي تكفينا كلنا يابرنس. عمار: أنا هوريك ياروح أمك. ونزل فيهم ضرب. الاتنين التانيين خافوا وخدوا صاحبهم وجروا. عمار قام يبص للي مرعوبة وبتعيط. عمار: اهدى اهدى، خلاص مشيوا. هنا بدأت وشها يحمر ومش عارفة تتنفس وبتتخنق. عمار بقلق: هنا، انتي كويسة؟

اتنفسي اهدى. هنا أغم عليها. عمار: هنااااااااا. خدها على المستشفى بسرعة وقلقان عليها جدا. الدكتور خرج من عند هنا. عمار: طمني يادكتور، هنا مالها؟ الدكتور: متقلقش، هي اتوترت نتيجة إنها اتحطت في موقف مشابه لموقف حصلها زمان. عموما هي لازم ترتاح كويس وتبعد عن أي توتر. عمار: طبعاً يادكتور. أقدر أشوفها دلوقتي؟ الدكتور: آه طبعاً. عمار دخل عند هنا اللي بدأت تفوق. عمار: هنا، انتي كويسة؟ أحسن دلوقتي؟ هنا: أنا إيه اللي جابني هنا؟

عمار: أغم عليكي في الشارع وأنا شفتك وجبتك هنا. هنا بدموع وافتكرت اللي حصل: هما حد فيهم لمسني؟ عمار: إشششش، اهدى. مفيش حاجة حصلت. محدش فيهم لمسك ولا أي حاجة من دي. اهدى بس. هنا: أنا متشكرة جداً يابشمهندس عمار. أنا مش عارفة من غيرك كنت هعمل إيه. عمار: لا مفيش حاجة. أهم حاجة إنك بخير. هنا: ممكن تتصل بحد ييجي ياخدني؟ عمار: أنا موجود أهو. هروحك. هنا: أنا مش عاوزة أتعبك أكتر من كده.

عمار: لا ولا تعب ولا حاجة. أنا مصر. يلا أنا هشوف الدكتور وأروحك. هنا: تمام. عند بيان، بيان: يوه ياهنا مش بتردي ليه بس؟ عمر: أكيد زمانها جاية. بيان بضيق: شكراً. عمر: انتي ليه مش عاوزة تتقبليني؟ بيان: هو الحب بالعافية ياعمر؟ أنا مش بحبك والموضوع انتهى. أرجوك تبطل تضايقني. عمر: ماشي يابيان. هبطل أضايقك بس بعد ما تحبيني. بيان: دا في أحلامك. وأعلى ما في خيلك اركبه. سلام.

مشيت بيان وعمر بيتوعدلها إنها تحبه بالعافية أو بالذوق.