رواية بيان الزين الفصل السادس 6 - بقلم هاجر الغريب

على: ها عملت اللي قلتلك عليه؟ المجهول: أيوه يا علي باشا، بس فين الفلوس؟ على: هتلاقي رصيدك زاد في البنك. المجهول: كده تمام. شكلك هتقع يا زين ومحدش هيلحقك. أخيراً. في الشركة. زين: عمار، علي بدأ يلعب على التقيل وفاكرني مش عارف. وشكلي كده هبدأ أخلص منه. عمار: هو شكله بدأ فعلاً يجيب آخره ولازم نتحرك. زين بتفكير: متقلقش، كده نلاعبه على الهادي. عمار: ناوي تعمل إيه؟ زين: مستني بس نخلص الصفقة دي وبعدين أقولك.

عمار: والله خايف من دماغك دي. زين: سيبك أنت بس وخلينا نخلص الشغل ده. في جامعة الهندسة. ريم: آه، أنا آسفة جداً. هنا: لا، ولا يهمك يا قمر، عادي. ريم: أنا اسمي ريم. هنا: أنا اسمي هنا، اتشرفت بمعرفتك يا قمر. أنتِ في سنة كام؟ ريم: سنة أولى، وأنتِ؟ هنا: سنة تالتة. ريم: اممم، نبقى أصحاب بقى. هنا: طبعاً يا قمر. أنا هروح دلوقتي عشان ورايا محاضرات. بيان: هنااا، تعالي بسرعة أحسن الدكتور الجديد جه. هنا: يلا، يا رب يكون حليوة.

بيان: هههه، طب يلا يا أختي بدل الدكتور الحليوة ما يطردك من أول محاضرة. هنا: هههه، يلا في المحاضرة. زين دخل والكل اتفاجئ، بما فيهم بيان وهنا. زين: أحب أقدم لكم نفسي، أنا زين عز الدين الشوني، الدكتور الجديد بدل دكتور سيف لأنه سافر. بيان: بت، أنتِ بتفكري في اللي بفكر فيه؟ هنا: شكلها هتبقى سنة سودة على دماغنا. بعد ساعتين. زين: هنقف لحد هنا النهارده، وإن شاء الله المرة الجاية نكمل.

زين خرج من المحاضرة وسط نظرات الكل، منهم اللي معجب بيه، ومنهم اللي بتفكر إزاي توقعه، ومنهم اللي مهتم أصلاً. بس يا ترى زين أخد باله من بيان ولا لأ؟ زين: الو، يا شاهي، اسبقيني على الشقة. شاهي: عيوني يا زينو. زين في نفسه: هنشوف آخرتها معاك يا علي، ونبتدي اللعب بقى على المكشوف. عمار: ريم، إزيك عاملة إيه؟ ريم: الحمد لله يا بي، أنت عامل إيه وبتعمل إيه هنا؟ عمار: الحمد لله، جاي أشوف زين، كنت عايز في كام حاجة كده.

ريم: هو دلوقتي مشي، مش عارفة راح فين. ريم شافت هنا. ريم: هنا. هنا: ريمو، إزيك يا قمر. ريم: الحمد لله. أعرفك يا هنا، دا بيي عمار مهندس. هنا في سرها: غني عن التعريف، مش ده المهندس التقيل اللي في أي شركة. ريم: إيه، روحتِ فين؟ هنا: معاكي. اتشرفنا يا بشمهندس. عمار ببلاهة: أنا اللي اتشرفت يا قمر. هنا: طيب، أسيبك بقى يا ريم عشان ألحق أروح. يلا سلام. في شقة زين. شاهي: أخيراً يا زينو، وحشتني.

زين بخبث: وأنتِ كمان وحشتيني. لحظة واحدة، أنا عامل لك عصير جوافة. شاهي: بجد يا زينو؟ دا كمان فراولة من اللي بحبه. لسه فاكر أنا بحب إيه. زين: طبعاً يا شاهي. اشربي يلا. شاهي شربت الكوباية كلها وبدأت تهلوس. زين: مين اللي زقك عليا؟ شاهي: ع... علي باشا. زين: ليه؟ شاهي: عشان عايز يوقعك وياخد الصفقات اللي هتقوم شركاتك منه. زين: مين اللي بيساعده جوه شركتي؟ شاهي: ر... روضة. زين: كنت حاسس إنها هي.

شاهي نامت بتأثير الدوا اللي خدته ومحستش بحاجة، وزين أخد حاجته ومشي. ياترى هيعمل إيه مع روضة، وهل هي فعلاً اللي بتساعد علي؟