رواية بيان الزين الفصل الرابع 4 - بقلم هاجر الغريب

يلا بقا يا بيان خلينا نقوم نحضر الشنط علشان نرجع. خلينا شوية يا بياني مشبعتش منك. ولا أنا كمان، بس لازم نرجع علشان الكلية بتاعتي وكمان علشان شغلك، ونبقى نيجي في الإجازة. طيب قومي يلا. أقوم إزاي وأنا محاوطني كدا. ههه، خلاص خليكي، عاجبني الوضع ده. زين متحاولش، أنا عارفة النظرة دي. طب طالما عارفاها يبقا أكيد عارفة إن محاولتي ناجحة. ولسه هيقرب عليها، وقعته على الأرض. أاااااه، إيه يا بيان ليه كدة.

ههههه، علشان أوريك إن محاولتك فاشلة، وكمان علشان نرجع نوصل هناك على بليل. ماشي، لما نوصل وحياتك ما هسيبك. طيب يلا بقا روح خد دش على ما أحضر الشنط وبعدين أجهز ونمشي. ماشي، قايم. زين راح الحمام ياخد دش، بعد خمس دقايق سمع صوت حد بيقع، طلع بسرعة. بياااااان. *** في الشركة. هنا: ممكن أدخل. عمار وهو مركز في الورق: مش وقته ياروضة، امشي دلوقتي. هنا: نعم، روضة. عماااااااااااار. عمر اتنفض من صوتها. إيه؟ في إيه؟ الشركة بتولع.

شركة إيه؟ إيه يا هنا جيتي تدخلي على طول، إيه اللي موقفك برا وعمالة تزعقي، فزعتيني يا شيخة. حسن ما أنت مش عاوز ترد عليا ومندمج أوي مع الورق. بس إيه القمر دا. أيوة أيوة، كل بعقلي حلاوة، والله زي القمر، الخطوبة فاضل عليها يومين يا قمر انت وتبقى خطيبتي رسمي. هنا اتكسفت، أخيرًا هتبقى مع عمار، هي متنكرش إنها بتحبه، بس مش بتحب تظهر دا أوي، اعتقادًا منها إنها كدا تقلها.

حم حم، طب يلا بقا أنا رايحة أشوف شغلي، مش ينفع التسيب دا أبدًا. عندك حق، خصم يومين يا آنسة هنا، اتفضلي على شغلك. نعمة، قصد خصم يومين لروضة، مش بتعمل شغلها كويس. جبت ورا على طول. هو أنا أقدر يا قلبي. طيب يلا باي. باي. *** في بيت زين. زين بقلق: بيان فوقي ياحبيبتي، مالك. بيان بتعب: أنا كويسة ياحبيبي، متقلقش. كويسة إيه بس، انتي تعبانة أوي، لازم أطلب دكتور ييجي حالًا. دكتور منين بس، مفيش حد هنا غيرنا، انت نسيت.

أوه نسيت، طب تعالي ياحبيبتي على السرير. وشالها وحطها على السرير. حاسة بوجع فين. أنا بس دوخت شوية يا زين، عادي متقلقش. طب انتي كويسة دلوقتي. أنا كويسة، أنا بس هشرب قهوة تظبط دماغي وتفوقني. روح اعملهالك بسرعة. ماشي. بعد شوية زين عمل القهوة وطلع لبيان. تسلم إيدك يا زين، القهوة تحفة. انتي اللي قمر وربنا، أنا هقوم أحضر أنا الشنط، وانتي ارتاحي شوية. ماشي. *** مجهول: زين راجع الشركة امتى.

روضة: مش عارفة والله، بس أنا سمعت إن عمار خطوبته يوم الخميس اللي جاي، أكيد لازم يحضرها. مجهول: المهم أنا عاوز صفقة كندا ضروري. روضة: بس دي أهم صفقة عند زين، الورق مش مع حد غيره ومحطوط في الخزنة. مجهول: زي ما فتحتي الخزنة قبل كدة، افتحيها تاني وهاتي الورق ده. روضة: هحاول حاضر. ماشي، سلام دلوقتي. سلام. *** أيوه يا عمار، إيه الجديد. روضة فعلاً فتحت الخزنة وخدت ورق. خزنة المكتب بتاعي.

أه، خدت المفاتيح مني وفتحتها وأنا مش موجود، وعطلت الكاميرات، بس أنا عرفت من الكاميرا السرية بتاعتك. حلو، أنا أصلاً كنت حاطط ورق مزيف علشان عارف إنها هتعمل كدة. طيب، انت ليه لسه سايبها. علشان لو طردتها هتتقتل، وهي كمان وسيلة هنعرف بيها قريب مين اللي عاوز يوقعني. فكرة برضه، طيب سيبك بقا من الشغل، قولي انت هتنزل امتى. بجهز الشنط ونازل النهاردة. ومتقوليش. يا عم هو أنا لحقت، أنا أصلاً مكنتش هنزل لولا خطوبتك.

على فكرة، أنا لسه مقلتش لبيان، وقايل لهنا متقولهاش، خليها مفاجأة. معنى. علشان لو كانت عرفت كان زمانها بوظت شهر العسل وصممت ترجع القاهرة علشان تحضر للخطوبة مع هنا. ههه، للدرجة دي. عقلهم في حاجة باين. طيب يلا أنا هقفل دلوقتي علشان أشوف الشغل. ماشي، سلام. زين: عيوني. إيه ياحبيبتي. أنا سمعت كل حاجة. سمعتي إيه يا قلبي. ليه مقولتليش إن عمار وهنا هيتخطبوا. يا حبيبي، كنت عاملهالك مفاجأة والله. برضه، لأ كان لازم أعرف.

يا حبيبتي، ما إحنا راجعين أهو وهتبقى جنبها. حصل إيه. لأ، أنا زعلانة منك. لأ يا روحي، مقدرش على زعلك، خلاص حقك عليا، أنا أسف. ماشي، خلاص مسمحاك. متجوز قمر، طب إيه هتقدري تقومي تاخدي دش علشان نمشي. آه هقدر إن شاء الله، ساعدني بس، وديني الحمام. راح زين عليها وشالها. أنا قولتلك ساعدني، يعني اسندني، مش شيلني. ههه، علشان أوصلك أسرع. هو أنا راكبة أتوبيس، ولا انت غاوي تشيلني وخلاص. بصراحة، أنا بحب أشيلك علشان تبقي في حضني.

طب خلاص بقا نزلني، وصلنا. مدفعتيش الأجرة. كام الأجرة. بوسة. طيب نزلني الأول. أهو نزلتك. ادفعي. غمضي عيونك الأول. أهو غمضت. باسته من خده ودخلت الحمام ووقفت الباب. نصابة، هبلغ عنك. مش دي البوسة. ههه، معلش، تعيش وتاخد غيرها. أما أنا هاخد غيرها كتير لما نرجع، مش هسيبك. *** عسكري: الحق يامراد بيه. في إيه. على السيوطي هرب، الزنزانة بتاعته فاضية. إيه ده.