رواية بيان الزين الفصل الثالث 3 - بقلم هاجر الغريب

لالا يازين مش بعرف أعوم أنا خايف. همت: متخافيش مش هسيبك، أنا ماسكك. أوه: لالا طلعني. زين: أمال لو كنا في بحر بقا، دا حمام سباحة عادي، امسكي فيا براحة كدا. أوه: هنغرق. زين: لالا ياماما، طلعني هنغرق. أوه: هههههه هو انتي بتصدقي أي حاجة، هنغرق إيه، أنا بعرف أعوم ودا حمام سباحة عادي. زين: بياني بصيلي وخليكي مركزة معايا.

بيان بصت في عينيه وسرحت معاه، وهو استغل الفرصة دي وبدأ يفك ايديها من حوالين رقبته براحة وينزلها الماية، حس بيها بدأت تخاف. زين: بياني حبيبتي مفيش حاجة تخوف، سيبى نفسك متخافيش. أوه: إيه دا، أنا لامسة الأرض برجلي. زين: أهو شفتي محصلش حاجة، اقفي متخافيش. بيان فرحت وقعدوا في الماية شوية يهزروا ويضحكوا. مجهول: عملتي اللي قولتيلي عليه ياروضة. روضة: أيوه يابيه، بس هو انت مين؟

مجهول: مش مهم، فلوسك هتوصلك مع الراجل اللي هييجي ياخد منك الملفات، فاهمة؟ روضة: فاهمة يابيه. أحمد: آنسة روضة. روضة: أيوه يا أستاذ أحمد، في حاجة؟ أحمد: لا مفيش، كنت بطمن عليكي بس. روضة: أنا كويسة، شكراً، عن إذنك. عمار كان شايف كل دا من الكاميرات اللي في مكتب زين وبيراقب روضة زي ما زين قاله، بس اللي يعرفه إن روضة كانت بتتعامل مع علي وهو دلوقتي في السجن، يبقى بتتعامل مع مين دلوقتي. في الجامع. رولا: ريم إزيك.

ريم: الحمدلله، إزيك يارولا. رولا: أنا تمام، إيه بقالنا كتير مش بنشوفك في الشلة، اختفيتي فجأة. ريم: الامتحانات قربت وأنا بذاكر كويس علشان الامتحانات. رولا: آآآه الامتحانات، طيب أسيبك أنا علشان معطلكيش. ريم: تمام. جاسر: ها عملتي إيه. رولا: هعمل إيه يعني، قالت إنها بتذاكر علشان الامتحانات. جاسر: ماشي، روحي انتي. جاسر: هاي ريم إزيك. ريم: الحمدلله يا جاسر، إنت تمام.

جاسر: أنا تمام، إنتي مختفية بقالك فترة عن الشلة، قولت أكيد في حاجة، كويس إني شوفتك. ريم: لا أنا تمام، أنا بس مشغولة بالمذاكرة. جاسر: لو محتاجة حاجة أنا ممكن أساعدك، أنا عامل مكان عندي بنتجمع فيه كلنا قبل الامتحانات ونساعد بعض، ممكن تيجي لو حابة. ريم: فكرة حلوة، إمتى؟ جاسر: بتبقى الساعة 5 كل يوم في ********، هنستناكي. ريم: آه تمام، عرفت المكان، شكراً. جاسر: العفو. في الجزيرة. زين: مين اللي بيرن يابيانى.

بيان: دي هنا، أنا مبردش عليها من وقت ما سافرنا وهي دلوقتي أكيد مضايقة. زين: طب ردي عليها. بيان: حاضر، يلا بسم الله، واحد اتنين تلاتة. هنا: إنتي يا**************** ه. بيان: كل دا مبترديش عليا. هنا: والله يا زين مكنش مخليني أرد على حد خالص. بيان: إسلام، وأنا أقلق عليكي بقا عادي. هنا: خلاص ياستي متزعليش نفسك، هانت وهاجي وهتشوفيني. بيان: آه قاعدة إنتي بقا هناك وسايبة الامتحانات.

هنا: هههههه لا زين أجل الامتحانات بتاعتي، همتحنها بعدكم. بيان: ومين بقا هيشرحلك المحاضرات اللي فاتتِك يا فالحة. هنا: زين برضو، ماهو مهندس. بيان: إيه دا، كل حاجة زين. هنا: أمال أنا كنت بسجل المحاضرات لمين؟ بيان: ما أنا هاخدها وهسمعها أكيد. هنا: ماشي، المهم يعني، أنا هستفاد منك إيه، بقيتي حامل. بيان: هههههه يابنتي حامل إيه، أنا لسه مكملتش شهر. هنا: وحشتيني أوي بجد، الكلية من غيرك وحشة.

بيان: إنتي كمان وحشتيني ياقلبي، كفاية بقا لحسن نعيط، يلا روحي دلوقتي بقا. هنا: ماشي، سلام. زين: إيه في إيه مالك زعلتي ليه. بيان: أصلها وحشتني أوي. زين: قربنا ننزل وهتشوفيها، إنتي زهقتي مني ولا إيه. زين: طب قوليلى بقا إيه موضوع الحمل دا، مين اللي حامل. بيان: دي هنا بتقولى بقيتى حامل ولا لسه. زين: فكرة برضو، طب إيه بقا، مش لازم ننفذ طلب هنا، دي صحبتك الانتيم يعني، يلا تعالي.

وشالها وطلع بيها أوضتهم في وسط ضحكاتها وخجلها. عمار: إزاي يعني الورق دا راح فين. روضة بتوتر: أكيد موجود في حتة ياعمار بيه. عمار بزعيق: إزاي يعني الورق دا مطلعش من الخزنة والمفتاح مش مع حد غيري أنا وزين، وأنا مفتاحي كان معايا ولما رجعت لاقيته على المكتب، يبقى إزاي بقا، روحي خلي الأمن يفرغ كاميرات الدور والمكتب بسرعة. روضة: قولتلهم وقالوا إن الكاميرات اتعطلت امبارح ياعمار بيه. عمار: إزاي يعني ومين اللي عطلها؟

روحي انتي دلوقتي وأنا هتصرف.