رواية بيان الزين الفصل الثاني 2 - بقلم هاجر الغريب

في صباح يوم جديد في الجزيرة. بيان: إنت صحيت من بدري؟ زين: مش بدري أوي، أنا قمت من نص ساعة بس. بيان: وبتعمل إيه كل ده؟ زين: بتأمل القمر. بيان اتكسفت وغطت وشها. زين: يا خوفي كسوف دا، يلا قومي عشان ننزل نفطر وأفرجك على الجزيرة. بيان: طب قوم إنت الأول. زين: ماشي يا ستي، هقوم. بعد شوية، كان زين وبيان خلصوا ونزلوا يفطروا. بيان: إيه دا، هو مين اللي عمل الفطار؟ زين: أنا اللي عملته. بيان: هو إنت بتعرف تطبخ أصلاً؟

زين: ستي، عملت فطار خفيف كده على قد ما أعرف. بيان: طب يلا نفطر وبعد كده أنا هعمل الأكل على طول. زين: ماشي يا ستي، يلا. في فيلا الشوني. ريم: جدتي، عاملة إيه دلوقتي؟ ماجدة: الحمد لله يا حبيبتي، إنتي كويسة؟ ريم: طيب، متنسيش تاخدي الدوا بتاعك. أنا مضطرة أمشي دلوقتي عشان عندي محاضرات مهمة في الكلية، لازم أمشي. ماجدة: طيب يا بنتي، خلي بالك من نفسك ومتتأخريش. ريم: حاضر، سلام بقى يا ست الكل. ماجدة: سلام يا بنتي.

في مكان غامض بعيد عن الناس. شاهي: اتجوزها يا نور وسافر بيها ومحدش يعرف عنه حاجة. نور: وإنتي مالك؟ هو إنتي بتحبيه أصلاً؟ شاهي: كنت فاكرة إني مش بحبه، بس للأسف حبيته. نور: بس هو مستحيل يحبك يا شاهي، هو عارف كويس إنك بتلعبي عليه. وكمان دلوقتي هو اتجوز اللي بيعشقها، مستحيل يقضي معاكي لو ليلة واحدة بعد دلوقتي. شاهي: أنا بس هستناه لما يرجع، ومش هسيبه، لازم يحبني وأنا هعرف أخليه إزاي يبعد عنها. نور: مظنش، بس ماشي.

في جامعة الهندسة. عمار: هنا. هنا: عمار، بتعمل إيه هنا؟ عمار: جاي أشوف خطيبتي اللي هتقدملها بكرة. هنا: سلام، ما إنت كده كده هتشوفني بكرة. عمار: كنت جاي عشان جايبلك هدية، الحق عليا يعني. هنا: بجد؟ هدية إيه؟ عمار: جبتلك فستان في العربية. هنا: بجد؟ الله. عمار: إنتي خلصتي محاضرات؟ هنا: آه، كنت رايحة. عمار: طب تعالي أوصلك وشوفي الفستان بالمرة. هنا: ماشي، يلا. بليل في منزل مراد الجارحي. مراد: اتفضل يابشمهندس.

عمار: عمي، أعرفك الأول على أسرتي، أمي نوران. مراد: أهلاً وسهلاً نوران هانم. نوران: أهلاً يا مراد بيه. عمار: أختي نيرة. نيرة: أهلاً، تشرفت بمعرفتكم. نوران: إحنا أكتر يا بنتي. عمار: إنتو طبعاً مشفتوش أمي ولا أختي قبل كده لأنهم كانوا عايشين في كندا. أنا والدي متوفى كمان. زين يبقى ابن خالتي، بس زي ما إنتو عارفين هو مسافر دلوقتي. مراد: أكيد يابشمهندس، أنا مقدر. وبعدين وجودك إنت وأسرتك يكفيني.

عمار: شكراً يا عمي. احم، أنا جاي أطلب إيد بنت حضرتك هنا. مراد: أنا عن نفسي موافق يا ابني، المهم رأي هنا إيه؟ رأيك إيه يا بنتي؟ هنا: أنا موافقة يا بابا. مراد: على بركة الله. طبعاً أنا مش هطلب منك حاجة لأني عارف إنك هتعمل الواجب وزيادة ومش هتزعلها. عمار: في عينيا يا عمي، متقلقش. مراد: طيب، يبقى الخطوبة إن شاء الله الخميس اللي جاي. عمار: بعيدة شوية دي عمي، بس ماشي، هستنى عشان خاطر هنا. مراد: طيب، نسيبكم مع بعض شوية.

عمار: أنا عارف إن السجادة بتاعتكم حلوة، بس أنا وشي أحلى على فكرة. هنا بكسوف: ها؟ عمار: ها إيه؟ هو إنتي بتتكسفي زينا؟ عادي. عمار: أيوه، هنا ظهرت أهي، قلقتيني عليكي يا بنتي. هنا: إنت اللي أجبرتني أطلع الروح الشريرة اللي جوايا. عمار: ههههه، ماشي. بس إيه القمر دا، الفستان طلع حلو أوي عليكي. هنا بكسوف: بجد؟ عمار: طبعاً بجد، جميلة. أنا لو كنت أعرف إنك هتبقي بالفستان كده، مكنتش جبته. هنا: ليه بقى إن شاء الله؟

عمار: عشان مش عاوز حد يشوفك بالجمال ده، حتى لو عيلتي وعيلتكم. مراد دخل عليهم. مراد: مش كفاية كده يا ولاد، ابقوا اتكلموا وقت الخطوبة. عمار: حاضر يا عمي، أنا هستأذن بقا دلوقتي. مراد: ماشي يا ابني، اتفضل. ومشى عمار وأسرته.