رواية بين يدي الغامض الفصل العشرون 20 - بقلم رقية

قطع انسماجها رقم مجهول. = الحقينا يا إسراء. استغربت مين اللي بيتصل. = مين معايا؟ اتكلمت أختها بعياط متقطع. = أنا نسمة. الحقينا يا إسراء إحنا مرميين في الشارع. وقفت مصدومة من كلام أختها. = انتوا فين يا نسمة ومين عمل فيكم كده؟ = بابا. ضربت بإيديها على جبهتها. = طب إنتوا فين؟ ابعت حد يجيبكم. وصفتلها اختها مكانهم وقفلت. تدخلت إسراء لجواد. = جواد الحقني. = مالك يا حبيبي وشك أصفر ليه كده؟ = ماما يا جواد. = مالها؟ فهميني.

قالت وهيا بتعيط. = نسمة أختي رنت عليا قالتلي إنها في الشارع هيا وماما ولوحدهم. ممكن تبعت حد يجيبهم. مسك وشها علشان تهدي. = ممكن تهدي طيب. حاضر هبعت لمازن يجيبهم. هيا قالتلك العنوان فين؟ = أيوه. دقايق ورد. = مازن بعتلك لوكيشن. هتروحه دلوقتي هتلاقي والده إسراء واختها مستنيينك. هاتهم وتعالى على شقة اسكندرية. قعدت تستناهم. *** = انت هتخسره في أعز ما يملك ولا انت ناوي على إيه يا عادل؟ ضحق بسخرية.

= أنا ناوي على كبير بس افوقله بس. = انت مش قد الضرغام. قال باستهزاء. = لا يامي خوفت. انشف يالا. مالك فيه إيه؟ انت لسه بتخاف من حتة العيل ده؟ = قلبته وحشة يا كبير. = على نفسه. اعمل زي ما اتفقنا. مستني رده بليل. *** وصلت والدتها واختها. أخدتهم إسراء بالأحضان. سابهم جواد لوحدهم على انفراد. = هاتي يا ماما الشنطة دي. خدتها ودخلت لاوضتهم. لاقيته واقف قدام المراية بيسرح شعره. حضنته من ورا ضهره. بصلها في المراية. ابتسم.

= مبسوطة؟ هزت راسها. = أوي. ربنا يخليك ليا يا حبيبي ويباركلي فيك وفي عمرك. ابتسم على كلامها الحلو. = كلمة حبيبي طالعة منك زي السكر. ضحكت بصوت عالي. = بجد ياعني مبطلش مقولهاش؟ اتعصب على صوت ضحكاتها العالية. = ضحكتك دي ماتطلعش غير ليا أنا بس هااا. اتلم. كتمت ضحكتها. = حاضر. عاد للي كان عليه بابتسامته. = أه. وماتبطليش تقوليها. بس ممكن نجدد علشان منزهقش ياعني مرة عيوني ومرة قلبي ومرة حياتي. كده التغيير مطلوب برضه.

بصت لعينه بكسوف. = طيب. حاولت تغير مجرى الحديث. حضنته وقالت. = ماما معجبة بيك أوي. بتقول إنك جنتل مان. بتقولي ربنا عوضك بالبطل الحقيقي. رفع حاجبه. = وانتي إيه رأيك في كلام ماما؟ اتنهدت. = ماما مبتغلطش. ابتسم وهو مبسوط إنه قدر يفرحها. = ربنا يباركلي فيكي واعيس وافرحك. هو أنا ليا مين غيرك؟ = ربنا يباركلي فيك يا جوزي العزيز. قطع كلامهم صوت غادة وهيا بتنادي عليها. *** = هالو مامي. أي أخبارك وأخبار عمو إيه؟

= بخير حياتي. انتي أخبارك إيه انتي وجواد؟ لسه برضه محنش ليكِ؟ قالت بحزن. = لسه مامي. خلاص جواد اتجوز. قالت والدتها بخبث. = واي المشكلة حياتي. العبي عليه وحاولي تغريه. الرجالة بتحب الحاجات دي. = للأسف مامي. جواد مش من النوع ده. مش أي واحدة بتدخل دماغه وعمره ما لمس أي بنت في حياته. = ههه بيضحك عليكي. مايا حبيبتي. مافيش حاجة اسمها عمره ما لمس بنت في حياته. دي غريزتهم كلهم. = I don’t know mamy.

= حياتي صدقيني اللي زي جواد الغمري ده ما يتسابش. الحقي كوشي على فلوسه قبل مراته ما تكوش على كله. قفلت مع امها. قعدت فكرت ف اللي قالته. *** خرجت لأمها واختها. قعدت معاهم. خرج جواد بعد ما ده. = منورة يا حماتي. قال هكذا ثم نظر لإسراء وغمز بعينيه. بصتله والدتها. = بنورك يا حبيبي والله. = إسراء تعالي عايزك. قامت إسراء وراه. وصلت قدام باب الشقة.

= امسكي الفلوس دي. لو احتاجتوا حاجة ولو خلصت انتي كده كده عارفة بقيت الفلوس فين. هبعت محمود بأكل ليكم وأنا هنزل علشان اسيبكم على راحتك. أخدت الفلوس منه وبصتله بصه شكر وامتنان. فهم نظراتها. باس جبهتها وسابها وخرج. = خلي بالك من نفسك. لا إله إلا الله. بصلها. = محمد رسول الله. ابتسمت. = ماغلطتش لما قولت إنك الجنتل مان بتاعي. دخلت لامها قعدت جمبها. = معلش بقي يابنتي خضيناكم وجوزك مشي على ملا وشه. بصت بحزن.

= إيه يا ماما الكلام اللي انتي بتقوليه ده؟ البيت بيتكم وجواد مش متدايق والله. ده مبسوط إنكم هتقعدوا معايا. المهم لو عايزة تاخدي دش دافي في مايه سخنة جوا استحمي وغيري وتعالي نامي شوية على السرير. *** = جواد باشا الحق فيه مصيبة. = إيه يا خالد!! = صفقة الأسلحة اللي سلمناها من شوية طلعت مضروبة. قال بغضب وبنبرة هجومية. = يعني إيه مضروبة؟ ومن إمتى وأسلحتنا مضروبة؟ = معرفش يا باشا. = اقفل. اقفل. أنا جاي المخزن.

ضرب بإيديه علي الدريكسيون وقال بحقد. = ماشي يابن ستين كلب. أنا هوريك الضرغام هيردها إزاي. *** = طمني عملت إيه. = تم يا باشا اللي اتفقنا عليه. كان قاعد على كرسيه حاطط رجل علي رجل. وشه مسلطه على شباك الأوضة. = تعجبني يا مون. امسك ال ٥٠ ألف أهم. مش خسارة فيك. مسك بيديه وقبلها بقله عزة نفس. = حبيبي يا عادل باشا. كله من خيرك. = طب يا مون اتكل انت على الله. *** وصل لمخزن الأسلحة. لقي الأسلحة نصها مضروب ومُهلكة.

فهم مين السبب ورا كل الخراب ده. = نهار أبوك أسود يا عادل الديب. مبقاش راجل بشنبات إن ما حرقت قلب الديب عليك يا حيلتها. طلع من المخزن ووشه عليه علامات غضب. راح ياخد حقه ويندمه على عملته دي.