رواية بين يدي الغامض الفصل الأول 1 - بقلم رقية

أصوات في المطبخ الساعة 9 الصبح وصوت الراديو شغال على الإذاعة القرآنيه. = إسراء يا إسراء يالا ياحبيبتي مش النهارده أول يوم شغل ليكي. = والنبي سيبيني يا ماما مش عايزه أروح. = قومي يابت يالا بطلي دلع ماسخ بقي. = طب خمسايه وصحيني تاني. = لا ياحبيبتي. وقبل ما تكلم كان شبشب الأم المصرية نازل على دماغي. = يا ماما حرام عليكي يا ماما أنا كبرت على الكلام ده أنا بقيت عروسة.

= قومي يابت يالا بلاش مناهده على الصبح يالا أحسن تتكرشي من أول يوم. = أوووف حاضر يا ستي. قمت غسلت وشي، وغسلت سناني، واتوضيت وصليت، ولبست وفطرت حاجة بسيطة كده. = أي يامريم فينك كل ده. = أنا نازلة أهو، انتي اللي فين يا أختي. = أنا عند الموقف، اخلصي يا رخمة. = حاضر أهو أهو جايه سلام. بعد ربع ساعة الهانم شرفت. = كل ده بقالك ساعة تقولي نازلة. = فكك من كل ده، تفتكري هنتقبل ولا إيه. = ما إحنا اتقبلنا يا أذكى أخواتك.

= أنا فاهمة يابنتي، أقصد يعني الاختبار اللي هيعملوه قبل ما نشتغل على طول ده. = يعني إحنا نجحنا في اللي قبله مش هنجح في ده. كلي كلي. = انتي جايبة بتنجان وبصل يا شيخة حرام عليكي على الصبح ناكل بصل كده. = لا والأنيل وإحنا رايحين الإنترفيو. = هاتي والله مانتي طافحة يبعيدة. = منك لله على ألفاظك اللي على الصبح دي. وصلنا مقر الشركة. = ماشاء الله شايفه يابت الشركة الحلوة إزاي ولا كإنها قاعة آمال من جوا هتبقى عاملة إزاي.

= بلاش شغل الحرمان بتاعك ده، ولا كأنك أول مرة تشوفي شركة. = ماتكسفناش قدام الناس بقي. = الله يرحم أبوكي يابت، انتي يابت مش وش شغل انتي وش بهدلة كل يوم مع عم سعد الله اللي كل يوم يهينك ويمسح بكرامتك الأرض. = ناااااعم ياختييييي مين ده اللي يمسح بكرامتي الاررررض انتي عبيطة يابتتتت ولا إي. = شردحي شردحي يالي منك لله يالي دايماً كسفانا كده اتنيلي ادخلي. طلعنا أول دور ناس كتير قاعدة على مكاتبهم منتظمين.

= أهلا بحضراتكم أقدر أساعدكم إزاي. = لو سمحت إحنا دلوقتي كنا مقدمين هنا على شغل واتقبلنا والنهارده أول يوم لينا ولسه منعرفش فين مكاننا ولا أي حاجة. = أهلا بحضراتكم ممكن تتفضلوا معايا. = آه آه أكيد. طلعنا الدور التاني دخل بينا في مكتب كبير وألوانه متناسقة. عجبني الديكور والتصاميم اللي فيه. = أستاذ عيسى الآنسات دول اتقبلوا في الإنترفيو وأول شغل ليهم النهارده هيتعمل لهم الاختبار دلوقتي.

= أيوه يا منعم تقدر تتفضل وتسيبهم. = متشكر جداً. = اتفضلوا جوا لمكتب أستاذ عيسى هو شريك في الشركة مع أستاذ جواد هيقدر يجاوب على كل استفساراتكم. دخلنا لمكتب أستاذ عيسى. = مين اللي هتبدأ الأول علشان الاختبار. = أنا هبدأ. أسألني 5 أسئلة بالانجليزي عن إزاي أبيع وأشتري وأستثمر في الشركة وإزاي أتعامل مع العملاء. جاوبت بمهارة لإني شاطرة جداً في الإنجليزي وده اللي خلاني أقدم بالذات في الشركة دي. الحمد لله اتقبلت أنا ومريم.

= أحب أعرف حضراتكم إنه تم قبولكم كأفراد أساسية في الشركة تقدروا تشتغلوا من دلوقتي. = كل شهر بيبقى فيه إيفينت من رئيس الشركة أستاذ جواد هو مش بيجي بانتظام تقدروا تقولوا إنه شخص مجهول للشركة بس الأفراد المميزة هنا في الشركة هما اللي بيحضروا معاه الإيفينت ده سواء في الشركة أو خارج مصر على حسب امتيازاتكم وشطارتكم. = واستاذ جواد ده ليه مجهول يعني مبيتكشفش على بنات.

= احمدي ربنا إن أستاذ جواد ماسمعش كلامك ده وإلا كان طردك برا الشركة حتى لو كنتي من أشطر العملاء اللي موجودين لإن دي حياته الخاصة. اشتغلنا واليوم مشي تمام ولسه لغاية دلوقتي مقابلناش صاحب الشركة. رجعت البيت وأنا مش قادرة جسمي كله متكسر عايزة أشوف سرير وأنام عليه لمدة سنة كده. = مساء الخير نورتي عملتي إيه النهارده في الشركة. = مش قادرة يا ماما جسمي كله متكسر أنا إيه اللي بلاني البلوة دي بس.

= هو الشغل كده ياحبيبتي استحملي بقي. = يالا مش مشكلة المهم أسلي وقتي وفراغي. = طب يالا ادخلي توضي وصلي وتعالي علشان تاكلي. توضيت وصليت واتعشيت ودخلت أريح على السرير شوية. = عملتي إيه في يومك النهارده يا بسبوسة. = اسكتي يانسمة اديوم كله عبارة عن ضحك أنا والبت مريم بت فصيلة. = المهم يعني مقابلتيش مدير الشركة ووقعتيله القهوة على هدومه والشغل بتاع المسلسلات ده. = ام المسلسلات التركية اللي لحسالك مخك دي يابت.

= أي يابت هو المدير وحش ولا إيه. = مشوفتوش أصلآ. = إزاي يابت اومال مين قبلك في الشركة. = شريكه عيسى. = طب عيسى حلو. = أبيضاني ملون عادي يعني. = وهو الأبيضاني وحش يابت. = مش بحب الراجل الأبيض بحس الجسم الأبيض ده مناسب للست مش الراجل، الراجل لايق عليه قمحاوي أسمر الحاجات دي وبعدين أنا مالي دي خلقة ربنا. بليل الفضول أخدني وقررت أبحث عن المجهول. كتبت Gawad elhawary ظهرلي أول أكونت. دخلت الأكونت واتفاجئت من اللي شوفته.