رواية بيت العائلة الفصل العاشر 10 - بقلم مريم امين

الصباح عند البنات ريماس: طب هي راحت فين؟ مسك بقلق: والله مش عارفة، هي قالتلي إنها هتتأخر. ميرال: طب اهدوا يا جماعة، هي ممكن عندها ضغط شغل. مسك: طب هي تليفونها مقفول ليه؟ ريماس: يا بنتي اهدي شوية، ما هي علطول بتقفل تليفون في الشغل. مسك: طب خلاص، هروح أشوف في الشركة. ريماس: هاجي معاكي. مسك: لا خليكي هنا عشان لو جت. ميرال: طب وأنا كمان هنزل آخد إذن من عم إبراهيم. ريماس: طب تمام، متعوقوش.

وبالفعل، ذهبت مسك للشركة وسألت على رنيم. موظف: والله يا بنتي لسه مجتش. مسك: طب ممكن أقابل المدير. الموظف: بس أستاذ دياب لسه مجاش، فيه أستاذ غيث. مسك: يا عمو، دخلني عند أي حد. الموظف: طب استنى. دخل عادل مكتب غيث. عادل: أستاذ غيث، فيه بنت عاوزة حضرتك بره. غيث: بتقول جاية من طرف رنيم؟ غيث: تمام، دخلها. وبالفعل دخلت مسك. مسك: حضرتك أنا أختي لسه... مسك: هو انت! غيث: هو انتي! مسك: وأنا رايحة أسأل عبيط على الصبح.

غيث بغيظ: بقولك إيه يا بت انتي، اتعدلي لا تخرجي بره. مسك: هي كلمة ومشيت، أختي لسه مجتش لحد دلوقتي. متعرفش هي فين. غيث باستغراب: لسه مجتش لحد دلوقتي إزاي؟ استنى، أه، هتلاقيها روحت دلوقتي عشان امبارح كانت في شغل بره. مسك: شغل إيه؟ كانت فين كل ده؟ غيث: يا ستي، انتي مالك؟ مسك: إزاي أنا مالي؟ دي أختي. غيث: على العموم، هي كانت في اجتماع مع أستاذ دياب وهي وشوية من الموظفين. مسك: تمام، شكراً، عن إذنك. غيث بسرعة: رايحة فين؟

ما انتي قاعدة معايا شوية. مسك باستغراب: أفندم؟ بتقول إيه؟ غيث: أقصد يعني، ممكن تيجي في أي وقت. مسك: لا، أكيد هتيجي على البيت. غيث: طب أوصلك. مسك بسخرية: لا شكراً، وصل نفسك الأول. ~~~~~~* عند رنيم رنيم بنوم: آه يا دماغي، وجعاني أوي كده ليه؟ ولا جسمي، أكني كنت في خناقة. رنيم فتحت عينيها. أي ده؟ دي مش أوضة بتاعتي. وبصت على نفسها لقت لا يسترها غير ملاية. رنيم بصدمة: إيه ده؟ مين اللي عمل فيا كده؟

هنا بقى طلع دياب من الحمام. دياب بابتسامة شماتة: صباحية مباركة يا عروسة. رنيم بصدمة أكبر: اا أنت؟ بت عم ل هنا؟ إيه؟ وإيه اللي جابني هنا؟ دياب ببرود: ده بيتي، وأنا جبتك على سريري، أكيد عارفة الباقي. (ضحك) رنيم بسري: أنت عملت فيا إيه؟ انطق يا حيوان! دياب ببرود: أنا هعدي الشتيمة عشان انتي لسه في صدمة، بس هتتعودي. رنيم قامت وهي لافة الملاية عليها. رنيم بانهيار: أنت عملت فيا إيه؟

أنت دمرتني ودمرت مستقبلي ودمرت عيلتي. أنا بكرهك، بكرهك يا ابن الـ... وكانت لسه هتديله قلم. دياب وهو بيمسكها من شعرها: دياب بغضب: بقولك إيه يا زبالة؟ هتقلي أدبك؟ هخرجك من الشقة بالملاية وهفضحك. يعني مكنتش ليلة، انتي عجبتني، واخد اللي عايزة، هعودك وبقرشين حلوين. رنيم بانهيار: أنت فاكرني إيه؟ من البنات اللي تعرفهم؟ آخد قرشين وأسكت؟

أنت دمرتني ودمرت مستقبلي وخلتني أحط راس عيلتي في الطين. يا شيخ، حسبي الله ونعم الوكيل فيك. كملت رنيم: (افعل يا ابن آدم كما تشاء، كما تدين تدان) حسبي الله ونعم الوكيل فيك. ولبست واخدت حاجتها ومشيت وهي منهارة. ~~~~~~* عند البنات مسك بارتياح: الحمدلله، رنيم كلمتني وقالتلي إنها جاية، بس صوتها كان غريب أوي. ريماس: طب الحمدلله. ميرال: أكيد تعبانة من الشغل. مسك: ربنا يقويها.

ميرال: طب أنزل أنا بقى عشان عم إبراهيم في المحل لوحده. مسك: ماشي يا قلبي. ميرال: وانتِ يا ريماس، مش هتشوفي بابا انهارده؟ ريماس: لا، نازلة. ميرال: طب يلا ننزل أنا وانتِ. وبالفعل خرجوا. مسك: لما أقوم أعمل أكل لرنيم. بعد شوية، سمعت خبط على الباب. مسك: استني اللي على الباب، جايه أهو. أول ما فتحت الباب. مسك: رينو حبيبتي، حمد الله على السلامة. كنتي فين كل ده؟ دخلت رنيم بعياط بس. مسك بقلق: في إيه؟ وشكلك عامل كده ليه؟

ولبسك إيه اللي مبهدلك كده؟ رنيم بعياط بس. مسك بقلق أكبر: وهي بتهز فيها. في إيه؟ ردي عليا. رنيم: آه. مسك وهي بتشوف إيديها وجسمها. مسك بخوف: أوعي تكوني اللي بفكر فيه؟ هنا بقى انهارت رنيم. مسك بزعيق: ردي عليا، مين اللي عمل فيكي كده؟ رنيم بعياط. و يتبع.