رواية بيت العائلة الفصل العشرون 20 - بقلم مريم امين

مسك وهي بتمسك إيد رنيم مسك: رايحة فين؟ رنيم: هروح الحمام وأجي علطول. مسك: طب بسرعة عشان الراقصة بتاعت مراد وميرال. رنيم: هظبط الفستان وأجي علطول. وهي رايحة للحمام اتخبطت في حد وقعت. رنيم من غير ما تبص مين هو: رنيم بوجع: انت أعمى يا عم انت! مجهول: أنا آسف والله. وجاي عشان يقومها، هي قامت بسرعة من على الأرض. رنيم بصدمة: أنت! دياب بخوف عليها: انتي كويسة؟ حصلك حاجة؟ رنيم بخوف وصدمة: أنت اللي جايبك هنا؟

دياب بقلق: ردي عليا، انتي كويسة؟ رنيم بدون وعي وهي بتهز راسها بالموافقة. دياب براحة: طب الحمد لله إنك كويسة. رنيم وهي بتحاول تقوى: أنت اللي جابك هنا؟ دياب ببساطة: معزوم. رنيم باستغراب: إيه معزوم؟ ومين اللي عزمك؟ دياب ببرود: وإنتي مالك؟ رنيم بغيظ: يعني إيه أنا مالي؟ ده فرح أختي وكل الناس هنا عارفاهم، وأنت مين اللي عزمك؟ محدش يعرفك عشان يعزمك. دياب وهو بيفتكر: Flash Back في شركة الصياد. دياب وهو قاعد بيشتغل مع غيث:

غيث: كفاية كده، أنت من الصبح عمال تشتغل، ارحم نفسك شوية. دياب بتعب: وإيه يعني؟ ما أنا مرحمتهاش وهي تحت إيدي، وأنا اللي بعملو في نفسي مجاش ربع اللي عملت فيها. غيث: طب ما أنت قدامك فرصة، مش مراد عزمك على فرحه؟ دياب باستغراب: آه، وإيه يعني؟ غيث: يبقى تروح الفرح وتتكلم معاها. دياب بخذلان: وأنت فاكر إني مفكرتش في كده؟ غيث باستغراب: طب ما تروح.

دياب بحزن: ولما أروح هيحصلها انهيار تاني والفرح هيبوظ والناس هتعرف المستخبي وهبوظ سمعتها. غيث: خلاص اهدى، وصلي على النبي. دياب بتعب: اللهم صلي وسلم وبارك على سيدنا محمد. هنا تليفون دياب رن. دياب: الو. مجهول: عامل إيه يا دياب يا ابني؟ دياب باستغراب: الحمد لله، مين حضرتك؟ مجهول: أنا جلال أبو رنيم. دياب قام وقف. دياب بلهفة: إزاي حضرتك؟ عامل إيه؟ ورنيم عاملة إيه؟ هي كويسة؟ حصلها حاجة؟

جلال: اهدى يا ابني، رنيم كويسة الحمد لله. دياب براحة: طب الحمد لله. جلال: أنا كنت جاي أقولك إنك معزوم على فرح بنتي. دياب بحزن: ألف مبروك لحضرتك، بس أنا مش هقدر آجي عشان رنيم. جلال: ما أنا عازمك عشان كده. دياب باستغراب: إزاي يعني؟ جلال: هو أنت مش عايز تتجوز رنيم؟ Back رنيم: إيه يا عم الحاج؟ رد. دياب بانتباه: إيه الرغي ده كله؟ مسورة وتفحت. اهدى شوية، ده فرح صاحبي. رنيم باستغراب: مين صاحبك؟ قصدك مراد؟

دياب: آه، مراد صاحبي في الشغل. رنيم بغيظ: الله يسمحك يا مراد، جبتلنا بلاوي. دياب بضحك: سمعتك يا حبيبتي. رنيم: حبك برص يا حزين. زاد ضحك دياب ورنيم اتغاظت ومشيت. داخل الفرح. مسك: إيه يا بنتي؟ كل ده في الحمام؟ رنيم بتوتر: أصل كنت بظبط الفستان. مسك باستغراب: مالك؟ عرقانة متوترة كده ليه؟ رنيم وهي بتحاول تخفف التوتر: لا أبد، أتوتر من إيه بس؟ الدنيا حرة. مسك: حر إيه يا بنتي؟ ده المكيفات في كل حتة. قطع كلامهم.

نزول مراد وميرال من الكوشة وبدأت الأغنية. أغنية خليني في حضنك يا حبيبي -تامر عاشور. مراد وهو شبه حضن ميرال: (خليني في حضنك يا حبيبي ده في حضنك بهدي وبرتاح ده أنا كل مشاعري معاك راحو وكمان قلبي لقلبك راح وأنا بضحك وأفرح من قلبي غير لما جنبي كانو عينيك لو تبعد عني ولو ثانية بتجنن يا حبيبي عليك وبتحلى الدنيا في عيني وأنا جنبك فماتبعدنيش

حبك فعلاً بيخلي أتمسك في الدنيا وأعيش في قربك بيروح خوفي وده وعد ومُلزم أنا بيه مهما تكون يا حبيبي ظروفي قلبك عمره ما هاجي عليك) وبعد كده شالها ولف بيها.