رواية بيت العائلة الفصل الرابع 4 - بقلم مريم امين

يوسف باسف: ارتفاع السكر أداه لغيبوبة. البنات بصدمة: إيه؟ مسك بصدمة: قول إنك بتهزر. يوسف: يا آنسة، اهدي. ميرال بدموع: أهد إيه بس، أنت بتقول إيه؟ ريماس ورنيم واقفين يعيطوا. رنيم بدموع: طب هيقوم إمتى؟ يوسف باسف: ممكن يوم، شهر، سنة، الله أعلم. ريماس بنهيار: أنت بتقول إيه؟ يوسف: والله يا آنسة، الغيبوبة ملهاش وقت. ريماس: طب ممكن ندخل الأوضة؟ يوسف: أيوه طبعًا، اتفضلوا بس مطولوش. يوسف انسحب من الموقف.

يوسف: ربنا يقومه بسلامة، عن إذنكم. دخلوا البنات الأوضة شافوا جلال على السرير. ولا حول ولا قوة. ميرال بعياط: اللي حصل معانا ده. مسك بدموع: أنا مش مصدقة، كأني في حلم، لأ حلم إيه، ده كابوس. رنيم بعياط: يعني إيه مش عارفين بابا هيفوق إمتى؟ ريماس: ليه كل ده يحصل معانا، مش حرام كل ده؟ مسك: حرام، تقولي كده. ميرال: كل ما يصيبنا إلا ما كتب الله لنا. دخل يوسف الغرفة. يوسف: خلاص الوقت يا جماعة، مينفعش كده.

ريماس: هو إحنا مينفعش نقعد معاه؟ يوسف في سره: ده أنا نفسي تبقي قعدة علطول. رنيم: دكتور. يوسف بانتباه: لأ، مينفعش، ممكن تيجوا كل يوم في الزيارة. ميرال: طب الزيارة بتبدأ من إمتى؟ يوسف: من الساعة 4 لـ 6. ميرال: تمام، شكرًا. يوسف: تحبوا أوصلكم؟ مسك: لأ، شكرًا، مفيش داعي. يوسف: بس الوقت اتأخر. ريماس: ما خلاص قولنا شكرًا. وراحوا البنات البيت بكل حزن. ومرت أسبوعين على أبطالنا.

ومفيش أي جديد على البنات غير كل يوم يروحوا يطمنوا على أبوهم، ويوسف بيحاول يتقرب من ريماس. ودياب زي ما هو، كل يوم مع واحدة. ودينا اللي بتحاول تقرب من دياب. في بيت جلال. مسك: طب هنعمل إيه؟ ميرال: الأكل كله خلص. ريماس: وخلصت كل الفلوس اللي معانا. رنيم: وخدنا كل الفلوس اللي في البيت. مسك: ده حتى المستشفى عايزة فلوس. ريماس: أيوه صح، نسينا الموضوع ده كمان. ميرال: بس لقيت الحل. رنيم: حل إيه؟ ميرال: نشتغل. مسك: إيه؟ طب إزاي؟

ريماس: أيوه صح، إزاي، ده إحنا عمرنا ما تعاملنا مع حد. رنيم: لأ، وكما نشتغل. ميرال: خلاص، أنا هنزل أشتغل عشان مصاريف البيت والمستشفى. رنيم: خلاص، وأنا كمان هنزل أشتغل. ميرال: خلاص كده، أنا ورنيم هنشتغل، ومسك تخلي بالها من البيت، وريماس كل يوم تزور بابا، وفي الإجازة كلنا نروح المستشفى نقعد مع بابا. مسك: تمام كده. ريماس: بس هتشتغلوا إيه؟ رنيم: من بكرة الصبح أنا وميرال هننزل ندور على شغل.

وعدى يومين، وميرال ورنيم بيدوروا على شغل. رنيم بتعب: آه يا رجلي. ميرال: مش قادرة، بتوجعني أوي. مسك: بقالكم يومين بتلفوا على رجليكم ومش لاقيين شغل. رنيم: الحمد لله، أنا لقيت مطعم حلو وهشتغل فيه من بكرة. ريماس: طب الحمد لله. وأنتي يا ميمي؟ ميرال: أنا لسه ملقتش، بس هدور تاني. تاني يوم، صحيت رنيم، دخلت أخذت شاور. ولبست دريس أبيض وفيه ورد زهري، وحجاب زهري. رنيم: أنا نازلة يا كوكي، عايز حاجة؟ مسك: على فين، مش هتاكلي الأول؟

رنيم: لأ، معلش، عشان هروح بدري شوية. هي فين ميرال؟ مسك: بتلبس ونازلة تدور على شغل. رنيم: ربنا معاها. مسك: يارب. رنيم: شوفتي، هتأخر، يلا سلام. مسك: مع السلامة يا قلبي. خرجت مسك من البيت وركبت الموصلات. نزلت مسك أمام مطعم فخم.