رواية بيت العائلة الفصل السابع عشر 17 - بقلم مريم امين

عائشة بابتسامة: تبارك الرحمن، دي ريماس مطلعتش لوحدها اللي زي القمر ده. أنا خايفة إني أحسدكم والله. جمال بضحك: حرام عليكي يا شيخة، كل ده ومحسودمش؟ ميرال: لا يا عمو متقولش كده، دي طنط عيونها زي القمر، مستحيل تحسد. عائشة: حبيبتي تسلميلي. هنا بقا الجرس الباب رن، راحت مسك تفتح الباب. مراد بابتسامة: بابا موجود يا بنتي؟ مسك بهزار: أقوله مين يا عمو؟ مراد بهزار: قوليلو إنكل مراد. مسك بخبث: بابا، إنكل مراد على الباب.

جلال باستغراب: إنكل مين يا بنتي؟ مراد وهو بيزق مسك: أنا يا عمي. جلال: اتفضل يا ابني. مني بابتسامة: ازيك يا مسك يا حبيبتي؟ مسك: الحمدلله يا طنط، حضرتك عاملة إيه؟ مني: كويسة الحمدلله. مسك: آسفة لحضرتك والله، ماخدتش بالي إنك ورا مراد. مني: ولا يهمك، عادي يا قمر. مسك: اتفضلي حضرتك، واقفة على الباب ليه؟ وبالفعل دخلت مني، وقبل ما تدخل مسك، مسكها مراد من قفاها. مراد: إنكل مين يابت إنتي؟ صدقتي ولا إيه، يا بت ده أنا أد ابنك.

مسك: ليه يا حبيبي، خلفتك ونسيتك مثلاً؟ مراد بضحك: حد يقول لجوز أخته، خلفتك ونسيتك. مسك بهزار: بلاش خلفتك ونسيتك، أخليها إنكل. مراد بغيظ: إيه إنكل دي؟ حسّني ألفاظك يا بغل إنتي، ده أنا زي أخوكي برضه. مسك بضحك: بلاش إنكل، خليها أبيه، إيه رأيك؟ مراد بتفكير: ماشي، حلها أحسن من إنكل الصراحة. مسك: طب اتفضل بقا يا أبيه. مراد: آه صح، مين اللي عندكم؟

مسك: ده الدكتور يوسف جاي يتقدم لي ريماس، أصل هما الاتنين كانوا بيحبوا بعض في السر زيك كده، وأنتي وميرال. مراد بضحك: إيه يا بت ده، إنتي مش بيبل في بوقك فولة. مسك بضحك: أصل أنا سوسة وبحب أفتن. ويلا ادخل بقا، وكفاية رغي، تعال ورايا. مراد بتفكير: إيه ده، مين الكبير فينا؟ وبالفعل دخل مراد. مراد بهزار: ازيك يا دكتور يوسف، ولا أقولك يا عديلي؟ يوسف بضحك: لا دكتور إيه بقا، خليها عديلي أحسن. وضحك العائلات، وتعرفوا على بعضيهم.

وانتهى اليوم على فرح مراد وميرال بعد أسبوعين، وخطوبة ريماس ويوسف في نفس اليوم. جلال براحة: ربنا يتمم لكم على خير يا ولاد. ريماس فرحة: آمين يارب. جلال باستغراب: يوه، بدل ما تكوني مكسوفة؟ ريماس: لا مكسوفة إيه بقا، مش خلاص خطبني. ضحك جلال والبنات عليها. مسك: آه صحيح يا بابا، ليه قولت إن رنيم مخطوبة؟ جلال: عادي يعني. رنيم بعياط: إزاي عادي يا بابا؟ إنت عارف إني مستحيل أخطب ولا أتجوز.

جلال بحزن: عشان كده أنا قولت إنك مخطوبة. ميرال: إزاي يعني؟ جلال: عشان محدش يجيب عريس لرنيم. جريت رنيم بعياط اللي الأوضة. جلال بحزن: لا حول ولا قوة إلا بالله. وبعد أسبوع ونص، البنات نزلت جابوا الفساتين، وجابوا كل حاجة ناقصة لميرال وريماس. ميرال بتعب: آه يا رجلي. مسك بتعب: منك لله يا ميرال إنتي وريماس، كل ده بنلف عشان حاجة تعجبكم. ريماس بتعب: يعني مكناش بنلف معاكي، ده إحنا مطحونين من الصبح بسبب ميرال.

ميرال: يعني مش بجيب حاجتي. رنيم بتعب: كده ناقص إيه تانية؟ ميرال: كده مش ناقص غير الفستان، انهارده بليل أنا ومراد هننزل نجيبه. رنيم: يا شيخة حرام عليكي، ده الواد مطحون معاكي كل يوم ينزل يدور على أم الفستان. ميرال: يوه، ما هو مفيش حاجة بتعجبني. مسك: أيوه صحيح، حجزتي حمام مغربي؟ ميرال: أيوه، حجزته. رنيم بهزار: ربنا يتمم لكم على خير عشان نخلص من قرفك وطلباتك. ميرال بردح: ليه يا ست رنيم، قاعدة على قلبك ولا إيه؟

رنيم بضحك: لا، قاعدة في الأوضة عشان نخف شوية. نزلت ميرال ومراد بليل المول. مراد بتعب: حرام عليكي، رجلي وجعتني أوي. ميرال بتمثيل: في إيه يا مودي؟ هو أنا كل يوم بتجوز؟ مش ده فرحي ولا إيه؟ مراد بتعب: يعني لسه مفيش حاجة عجبتك. ميرال مرة واحدة وقفت قدام فستان. ميرال بفرحة: لا، لقيت فستان أحلامي. وهي بتشاور على فستان. مراد وهو بيشوف الفستان: عبارة عن فستان ضيق أوي، سق واسع من الديل، وشيفون من الدرعاد، والصدر الدهر.

مراد بزهول: ينهار أبوكي أسود، إيه ده؟ ميرال ببساطة: فستان يا قلبي. مراد بغيظ: ما أنا عارف إنه فستان، بس فستان نوم تلبسيهولي أنا لوحدي، مش لناس كلهم. ميرال بخجل: إنت قليل الأدب، وده أصل فستان فرح. مراد بغيظ: إنتي يابت بتكسفي تلبسيهولي لوحدي، وعايزة تلبسيه في الفرح؟ إنتي شايفاني مركب أرون ولا إيه؟ ميرال: بس. مراد: بقولك إيه يابت، إنتي شوفي لك حاجة تانية، اللي والله العظيم آخدك من غير فرح. ده أنا ماسك نفسي بالعافية.

ميرال بخجل أكبر: طب اسكت بقا. وبعد لف كتير أوي، الحمدلله لقت فستان حلو أوي. وبعد يومين، جه معاد الفرح.