رواية بيت العائلة الفصل السابع والعشرون 27 - بقلم مريم امين

رنيم بصدمة: جاية النهاردة. جلال بتوتر: آه، يعني ما انتي قولتي مش عاوزة فرح، وهو احترام رأيك. ويعني لازمتها إيه قعدتك كده؟ رنيم بجمود: تمام، وأنا جاهزة. سمعوا صوت جرس الباب. مسك راحت تفتح. مسك: أفندم، يلزم خدمة؟ مجهول: مش ده بيت رنيم هانم؟ مسك: أيوه، مين حضرتك؟ مجهول: أنا سواق دياب بيه. مسك: أيوه، نعم. السواق وهو بيديها البوكس: دياب بيه باعت البوكس ده للست رنيم هانم. مسك وهي بتاخد البوكس: تمام، شكراً.

السواق وهو بينسحب: بعد إذنك. مسك قفلت الباب ودخلت. جلال: مين يا مسك؟ مسك: ده سواق بتاع أبيه دياب، جايب البوكس ده لرنيم. مسك: خدي البوكس بتاعك ده. رنيم وهي بتفتح البوكس باستغراب. مسك بذهول: واو، إيه الجمال ده؟ بسم الله ما شاء الله، حلو قوي. كان عبارة عن درس أبيض ومع فصوص خرز من الألماس، وهيلز أبيض، وطرحة بيضاء، وخرز من الألماس، كان طقم ولا الخيال. رنيم بذهول: إيه الفستان ده؟ أنا مستحيل ألبسه. جلال: ليه يا بنتي؟

ده هو جابلك الفستان ده ليكي. رنيم بجمود: وأنا مش عاوزة حاجة منه. مسك: بس مينفعش إنك ترفضي. حتى لو انتي مش عاوزة ده احترام رأيك وعملش فرح، بس لازم إنك انتي كمان تحترمي إنه جابلك حاجة. رنيم: بس... مسك: بصي يا حبيبتي، أنا عارفة إنه بيحبك، بس انتي مش بتحبي. بس أساس أي علاقة الاحترام. شفتي احترام رأيك لما قولتي مش عاوزة فرح؟ انتي كمان احترمي إنه جابلك حاجة. رنيم بتنهيدة: ماشي.

جلال: طب يا مسك، خدي رنيم وروحي الحمام المغربي. مسك بطاعة: حاضر يا بابا. يلا يا رنيم. رنيم: بس أنا... مسك بملل: يوه، انتي زهقتيني. كل حاجة مش عاوزة. يلا بطلي دلع، وانت مش كل يوم بتتجوزي، مش كفاية معملتيش فرح؟ رنيم بقلة حيلة عشان متزعلش أختها: ماشى. مسك بفرحة: أيوه كده، يلا بقا عشان متتأخروش. وبعد وقت خرجت مسك ورنيم. ووصلوا المكان. مسك: يلا ادخلي، هستناكي هنا. رنيم: ماشي. ودخلت رنيم الحمام.

ومسك طلعت التليفون عشان تكلم ميرال. مسك: الو يا ميمو، عاملة إيه يا قلبي؟ ميرال بابتسامة: الحمد لله يا موزتي، انتي عاملة إيه، ومسك ورنيم عاملين إيه؟ مسك: كويسين الحمد لله يا قلبي، كلنا بخير. ميرال بابتسامة: وحشتوني قوي والله العظيم. مسك: والله وانتي أكتر، وحشتيني، وحشتيني قوي قوي. تكمل بين مشاعر متلخبطة بحزن وفرحة: يلا بقا، هنفتقد واحدة تانية في البيت. ميرال بعدم فهم: مين دي اللي هتسيب البيت؟

مسك: دياب النهارده جاي ياخد رنيم. ميرال بصدمة: إيه؟ النهارده؟ مسك: آه والله، النهارده. حتى أنا ورنيم في الحمام دلوقتي. ميرال بعصبية: هو ما حدش قالي ليه؟ هو أنا آخر واحدة أعرف؟ مسك: والله العظيم إحنا لسه عارفين من شوية. ميرال: طب أنا هلبس و جايه أهو. مسك: تمام، ماشي. وقفت مسك التليفون. عند ميرال في التليفون. ميرال: الو يا حبيبي. مراد بهيام: يبوي على كلمة حبيبي. ميرال: مراد. مراد: يا عيون مراد.

ميرال: أنا رايحة لبابا النهارده. مراد: من غير ما تقوليلي يا حياتي، روحي زي ما انتي عاوزة. لي يكمل باستغراب: بس مش معنى النهارده. ميرال: أصل ميرال النهارده هتتجوز. مسك: إيه؟ هتتجوز النهارده؟ طب إزاي؟ ميرال: أصل رنيم مش عاوزة فرح ودياب موفق. يعني القاعدة في البيت ملهاش لازم. مراد: أيوه، على رأيك، هتقعد كل ده ليه؟ ميرال: طب أنا رايحة، وانت لما تخلص شغل تعال، هستناك. مراد: ماشي يا حياتي.

ميرال: طب يلا بقا سلام عشان ألحق أنزل. مراد: ماشي يا قلبي، سلام. في المساء. في فيلا الصياد. دياب جاله تليفون. دياب: إيه يا زفت، فينك؟ هروح لوحدي يعني؟ غيث: لا يعم، ده أنا واقف تحت البيت مستنيك. ده انت اللي متأخر و بتلومني أنا. دياب: طب أنا نازلك أهو. دياب وهو بيبص على نفسه في المرايا، هيبة وشموخ، وبيحط البرفيوم. كان عبارة عن بدلة أبيض في أبيض، كان زي الفارس. دياب وهو نازل على السلم قابل دينا.

دينا بسخرية: على فين العزم إن شاء الله؟ دياب ببرود: وانتي مالك؟ كمل: ولا أقولك، رايح أجيب مراتي. دينا بسخرية: قول كده، عشان كده لابس ومتشيك، لا و لابس أبيض كمان. دياب ببرود: لا بقولك إيه، أنا مش ناقص الرغي بتاعك ده. وسابها ومشي. دينا بحقد وغِل: بتقولي أنا مالي؟ ده أنا هوريها النجوم في عز الضهر. وتكمل بخبث: بس تصبر عليا. في الخارج. غيث: إيه يا عم الحج، كل ده؟ دياب: أعمل إيه، مش كنت بلبس. بس قولي إيه رأيك؟

غيث: لا جامد، ده هي أول ما تشوفك هتغم عليها. دياب: طب يلا، وبلاش أوفور. وبالفعل تحركوا بالعربية. عند جلال. ميرال بإنبهار: بسم الله ما شاء الله تبارك الرحمن، ربنا يحميكي. رنيم وهي واقفة قدام المرايا بتبص على نفسها، كانت زي القمر. رنيم بدموع وهي بتجري على حضن ميرال. ميرال بخضة: مالك بس يا قلبي؟ رنيم بدموع: خايفة قوي قوي. ميرال بحنان: متخفيش يا قلبي، بس... رنيم بدموع: مخافش إزاي بس؟ ده أنا رايحة بيت معرفوش.

ميرال: طب ما أنا كمان رحت بيت معرفوش، بس دلوقتي هو بيتي، ومقدرش أعيش غير في بيتي. رنيم: بس انتي بتحبي مراد وهو كمان بيحبك، عشان كده متقدريش تعيشي من غيره. تكمل بحزن: بس أنا مليش حد هناك عشان أحب البيت. ميرال بحنان: مين قالك كده؟ ده دياب بيحبك قوي قوي. وتكمل بخبث: وانتي كمان بتحبي، بس انتي بتكبري عشان اللي عملوه فيكي. يعني هو معاكي، مش هيسيبك. ورنيم لسه هترد، سمعوا صوت مسك وهي بتقول: أبيه دياب جه. رنيم.