رواية بيت العائلة الفصل السادس والعشرون 26 - بقلم مريم امين

مر اسبوعان على أبطالنا يوسف وريماس. لم يتوقفا عن الخروجات والفسح والهزار. ضحكوا. غيث أصبح يكلم مسك كل يوم. بدأت مسك تحس بمشاعر تجاه غيث، وهذا جعلهم قريبين من بعض. دياب يحاول يكلم رنيم، لكن مرة ترد وعشرين مرة لا. رنيم لا تزال على حالها منذ الفرح. مراد وميرال لا يزالان في العسل. مراد نزل الشغل وهو متضايق جداً لأنه لا يزال عريساً. *** عند جلال. جلال: يا مسك، تلفونك يرن. مسك من داخل المطبخ: حاضر يا بابا، جايه أهو.

جلال: طب يلا، عشان البت دي مش مبطلة رن. مسك بستغراب: بت مين يا بابا؟ جلال: اسمها حبيبة. مسك بصدمة وهي تجري: ينهار... جلال بستغراب: في إيه يا بنتي، واحدة واحدة. مسك بتوتر وهي تأخذ التلفون: أصل... أصل البت حبيبة دي زنانه قوي، مش هتبطل كلام وقت تانية. هرد عليها. جلال: يا بنتي ردي عليها، يمكن عايزة حاجة. ده من الصبح عمالة ترن. مسك بتوتر واضح: أنت معاك حق، أصل أنا لو مردتش هتعمل مصيبة. وانه عارفها بتحب المشاكل زي عينيها.

جلال: طب ردي. مسك بتوتر: أه... إيه؟ دلوقتي يعني؟ جلال بشك: أه دلوقتي، هتردي إمتى يعني؟ مسك بخوف: يعني أه، أكيد هرد دلوقتي، أومال هرد إمتى يعني؟ مسك وهي ترد بخوف. غيث في التلفون: الو، إيه يا بت، مش بتردي ليه؟ مسك بخوف باين من صوتها: الو... إيه يا حبيبه؟ غيث بضحك: حبيبه إيه يا بت؟ ومالك عاملة زي العربية الخربانة كده ليه؟ مسك بخوف وتوتر: عم... ترني من الصبح ليه؟ غيث وهو يركز في صوتها: في إيه؟ مالك؟ في حد جنبك؟

مسك بسرعة: أه... أه. غيث بتوتر: طب أهدي و... جلال: طب ادهالي يا مسك، أسلم عليها. غيث وهو في التلفون: ينهار أسود! مسك بصدمة: إيه؟ جلال وهو يأخذ التلفون منها: الو يا بنتي، عاملة إيه؟ هنا مسك حطت إيديها على قلبها. غيث وهو بيحاول يغير صوته: الو، الحمد لله يا عمو. إزيك حضرتك؟ عامل إيه؟ جلال: كويس يا بنتي، أنتِ عاملة إيه؟ غيث بيحاول أكتر: تمام الحمد لله يا عمو. جلال: ديما يارب يا بنتي. خدي مسك معاكي، أهي.

مسك بتوتر: إيه يا حبيبه؟ غيث بأمان: متخافيش، كلو تمام. مسك: ماشي يا حبيبه، سلام بقا. وأغلقت التلفون. جلال: صحبتك مؤدبة، بس صوتها خشن شوية. مسك بتوتر: أه، ما هي صوتها كده. ريماس قبل ما تخرج من البيت. ريماس: بابا حبيبي، أنا نازله. جلال بيأس منها: إيه يا بنتي؟ حرام عليكي، كل يومين والتاني تخرجي؟ ده كده، وبعدين الناس تقول إيه؟ وكده هتخربي بيت الراجل. ريماس: أنا مالي؟ هو اللي بيقولي تعالي نتغدى بره.

جلال: يا بنتي، هو بيقول كده وخلاص. أنتِ بتمسكي في الكلمة. ريماس: طب أعمل إيه؟ جوزني عشان نخلص. جلال: طب ماشي يا ختي، شوفي هتروحي فين. ريماس بضحك: شوفت، نستني الواد تحت. ومشت وتركته. تلفون جلال رن. جلال وهو يرد على الفون: الو، إيه يا ابني، عامل إيه؟ ... طب ديما يارب. ... أنا كويس الحمد لله. ... أه، أكيد تنور في أي وقت. ... هتيجي تاخدها انهارده؟ ... أه تمام، هقولها برضو. ... تمام، هستناك بليل. ... سلام.

جلال أغلق الفون. جلال في نفسه: طب أنا هقولها إزاي؟ جلال وهو ينادي على رنيم. جلال: يا رنيم. رنيم وهي جايه: نعم يا بابا؟ جلال: دياب جه انهارده بليل عشان ياخدك. رنيم بصدمة.