رواية بيت العائلة الفصل الثامن 8 - بقلم مريم امين

مسك في التلفون ريماس: انتي هتروحي رنيم الشركه؟ مسك: ايوه بصراحه انا متحمسه اشوف الشركه و كمان هروح عند ميرال اوديهم المسقعه اللي بيحبوها. ريماس: ماشي بس متعوقيش. مسك: ليه انتي مش هتروحي؟ ريماس بسرعه: لا، اقصد يعني مش هينفع اسيب بابا في الزيارة. مسك بشك: بابا برضو ولا دكتور بابا؟ ريماس برتباك: ايه دكتور ايه لا طبعًا. مسك: علي العموم متعوقيش سلام. وقفت مسك الفون وذهبت إلى ميرال في المحل. ~~~~~~* عند رنيم ايه

زميلة رنيم في المطبخ ايه: بقولك ايه يا قلبي، روحي ودي القهوة للمدير عقبال ما أشوف مولي هانم. رنيم: بس انا معرفش المدير فين ده. ايه: المكتب اللي في الوش على طول. وبالفعل ذهبت رنيم للمكتب واستأذنت المدير، سمعت صوت اتفضل. رنيم: القهوة يا أستاذ. المدير: تمام حطيها هنا. رنيم بصدمة: انت! انت اللي جابك هنا؟ ثانية بس انت المدير؟ دياب بسخرية: طلعتي نصحة وبتلقطيها وهي طايرة. رنيم بزهول: يعني أنا شغالة عند واحد حاول يتحرش بيا؟

طب أنا عاوزة أقدم استقالة. دياب ببرود: مينفعش عشان دخلتي الشركة ومحدش يخرج غير بإذن مني، انتي فاهمة. رنيم بعصبية: يعني إيه هو بالعافية؟ دياب ببرود: آه، إذ كان عجبك يلا اخرجي لشغلك. رنيم بغيظ تركت المكتب ورحلت. ~~~~~~~~* عند ميرال وهي بتغني بقولك إيه يا قمر ممكن آخد وردة؟ ميرال وهي بتلف ميرال بفرحة: كوكي انتي جيتي هنا إزاي؟ مسك بابتسامة: إيه رأيك في المفاجأة دي؟ قولت أعمل مفاجأة ليكي ولرنيم.

ميرال بحب: وأحل مفاجأة يا حياتي، ها قوليلي جبتي معاكي إيه؟ مسك: حزر فزر، عاملة مسقعة. ميرال: بجد ده أنا بحبها أوي. مسك: طب يلا عشان متبردش. وهما يتحدثون دخل مراد. مراد: لا لا ده أنا حماتي بتحبني. ميرال: أهلاً أستاذ مراد اتفضل معانا. مسك: يتفضل في مين ده انتي تعرفي؟ ميرال وهي بتخبط مسك في إيديها ميرال بوشوشة: اسكتي الله يخربيتك ده مراد. مسك بصوت عالي نسبياً: هو ده بتاع الورد والكرت؟ هنا تبسم مراد.

ميرال: اسكتي بقا هفضحييني. مراد: إيه ده انتو مش هتاكلوني ولا إيه؟ ميرال: لا طبعًا اتفضل بس دي مسقعة. مراد: إيه ده بجد ده أنا بحبها أوي، يلا وسعوا كده عشان آكل. وبالفعل بدأوا يأكلوا مع بعض في هزار وضحك. مسك: يلا أنا همشي. ميرال: ليه بس ما انتي قاعدة معايا. مسك: لا عشان هروح لرنيم. اتشرفت بمعرفتك يا أستاذ مراد. مراد: ده الشرف ليا إني عرفت اخت حبيبتي، أقصد ميرال. مسك بابتسامة: يلا سلام يا اخت حبيبتي. ~~~~~~~~* عند رنيم

رنيم: يعني إيه بقا أنا مش هعرف أمشي من الشركة دي؟ ايه: إيه يا بنتي انتي بتكلمي نفسك؟ رنيم بغيظ: لا ولا حاجة. ايه: طب روحي ودي القهوة للمدير. رنيم بخضة: مدير إيه أنا مش رايحة للمدير. ايه: لا مش أستاذ دياب ده أستاذ غيث. رنيم: إذا كان كده ماشي هاتي. وبالفعل ذهبت رنيم لمكتب غيث واستأذنت وسمعت صوت اتفضل. رنيم: اتفضل. غيث: انتي اللي جابك هنا؟ رنيم بصدمة: انت؟ ده انتو عصابة بقا. غيث بضحك: طب اهدي.

رنيم بغيظ: يا عم غور انت وهو. تركت ومشت. غيث بضحك أكتر: دي مجنونة ده ولا إيه؟ غيث: لما أنزل أتغدى. ~~~~~~~~* عند مسك مسك وهي بتلف الشركة: واو كل دي شركة، يا بختك يا بت يا رنيم. مسك وقفت شخص. مسك: لو سمحت ممكن أعرف فين المطبخ؟ غيث وهو بيبص عليها من فوق لتحت. غيث بتصفير: إيه القمر ده كله؟ مسك: أفندم بتقول حاجة؟ غيث: بقول اطلعي فوق تاني أوضة على اليمين. مسك: ماشي شكراً. غيث: استني بس انتي جاية لمين؟

مسك: أنا اخت رنيم اللي بتشتغل هنا. غيث بغمزة: صلاة النبي انتو كلكم حلوين كده. مسك: وانت مال أهلك. غيث بغمزة: طب ليه الغلط؟ مسك: إيه الرخامة دي. غيث بوقاحة: أموت أنا. مسك: متت ولا يكلك، أطر أنا مالي. وكانت لسه هاتمشي رجعت تاني. غيث: أيوه كده الصنارة غمزت. مسك: يعم انت عبيط ولا إيه؟ أنا جاية أقولك إن المشكلة الغمزة العين دي ليها علاج، روح لأي دكتور يكتبلك على علاج بدل ما انت عبيط كده. وتركته وهو لسه في صدمة.

غيث بذهول: بتقول عليه عبيط؟ دي هما كلهم عيالها مجانين. ~~~~~~* عند رنيم مسك بصوت عالي: مفاجأة. رنيم بخضة: إيه فيه إيه؟ المطبخ بيولع؟ مسك بضحك: إيه يا بنتي كنتي نايمة ولا إيه؟ رنيم: مسك حبيبتي إيه المفاجأة الحلوة دي؟ مسك: إيه رأيك، كنت عند ميرال وقولت أعدي عليكي انتي كمان، إن ما أنا عاملة مسقعة، قولت لازم تاكلي منها. رنيم: طب حتى عشان أنا جعانة. وبدأوا يأكلوا.