رواية بيت العائلة الفصل الثلاثون 30 - بقلم مريم امين

عند غيث ومسك في العربية. غيث بابتسامة: مبروك يا حياتي. مسك بكسوف: الله يبارك فيك. غيث بمرح: ها تحبي نروح نتعشا فين؟ مسك: أي حتة تعجبك. غيث: أنا عندي حتة مطعم فخم وأناقة حلو أوي. مسك: لا مش بحب المطاعم الغالية دي. غيث: لا على فكرة هيعجبك أوي، تعالي شوفي الأول. وبعد وقت وصلوا المطعم. غيث: ها إيه رأيك؟ مسك: حلو بس... غيث: بس إيه مش عاجبك؟ أنا ممكن آخدك على واحدة أحلى وأشيك من دي.

مسك: لا مش حكاية كده، بس أنا مش مستريحة ومش عارفة أتكلم، حتة لو اتكلمت هتبقى بحساب وحاسة كله بيركز مع التاني. غيث: لا والله مين قالك كده؟ خليكي على راحتك وكل واحد في حاله، ده مكان هدوم. مسك: طب استنى أنا هوريك إن كل واحد مركز مع التاني ولا لأ. ومسك وهي بتمسك الشوكة. غيث: بتعملي إيه يا مجنونة؟ مسك: استني بس. ورمت الشوكة على الأرض. كله بص عليهم وبقى يتودد. مسك وهي بتشاور عليهم: شفت بقى كلهم مركزين إزاي؟

غيث وهو بيضحك: هههههههه يابت حرام عليكي، ده أكيد لازم يتفرجوا وإنتي ترمي الشوكة في الأرض. مسك بصرار: لا مليش دعوة، أنا عاوزة أمشي من هنا، أنا مش مستريحة كده. غيث: طب عاوزة تروحي فين؟ مسك: نمشي الأول وبعدين أقولك نروح فين. عند ريماس ويوسف. يوسف: ليه أبوكي مش عاوزة نعمل فرح؟ ده أنا زهقت بقى، ده كل أخواتك اتجوزوا مش نتجوز إحنا كمان، ولا عاجبك قعدتك كده وأنا مش طايل سما ولا أرض. ريماس وهي مستمتعة بالساندوتش الشاورما: ...

يوسف بغيظ: يا بت ردي عليا، كفاية طفاسة. ريماس بخنقة: يومه بقى مش مخليني أستمتع بالساندوتش، عاوز إيه؟ يوسف: هتتجوزي امتى؟ ريماس: وأنا إيش عرفني؟ يوسف بغيظ: أمال مين أبوكي؟ ريماس: مش كل شوية نتخانق بقى، استمتعي بجو... وتكمل بدلع: هو إنت مش واخد مراتك حبيبتك تخرجها عشان نقعد أنا وإنت؟ لي لازمتها نتخانق؟ يوسف بضحك: هههههههه على فكرة ميلقش معاكي الدلع خالص. ريماس بردح: ليه يا حبيبي مش بنت ولا إيه؟

عشان ميلقش معايا الدلع، على فكرة أنا بعرف أدلع وأنا دلوعة أصلاً. يوسف بضحك: أيوه يا واد يا جامد في الدلع ده من زمان. وتكمل بغرور مصطنع: بس مش كل الوقت عشان مبقاش مطمع لحد، وخصوصي إنت. يوسف وهو يمسكها من قفاها: هو إيه عشان مبقاش مطمع ليا؟ هو أنا يا بت شقتك من كباريه ولا إيه؟ ده إنتي مراتي وأنا جوزك. ريماس بخوف: طب أهدي يا شبح، هو أنا قولت حاجة غير كده؟ يوسف بغرور مصطنع: أيوه كده ناس تخاف متختشيش.

ريماس: طب يا عم جوزي مش ناوي تجيبلي أكل ولا إيه؟ يوسف: بت هو إنتي مش لسه واكلة سندوتشات؟ ريماس: إيه ده هما كانوا اتنين بس والله، وبعدين الكلام معاك بيجوعني. يوسف بقلة حيلة: طب عاوزة إيه؟ ريماس: اطلبلي اتنين كمان متبقاش بخيل. يوسف بتنهيدة: حاضر. ريماس: آه صح، لو إنت كمان جعان اطلبلك اتنين عشان أنا مش هديك حاجة. يوسف بغيظ: تصدقي إنك طفاسة. ريماس: من بعدكم. عند رنيم ودياب. دينا بمكر: أنا دينا حبيبة دياب.

رنيم بصدمة: إيه؟ دينا بخبث: أقصد يعني أنا دينا حبيبة ومرات أبو... رنيم: يعني إيه؟ إنتي قولتي... دينا: يعني أنا متجوزة عز أبو دياب. رنيم بخوف: بس إنتي قولتي إنك حبيبة دياب. دياب بخبث: أيوه أنا حبيته برضه، مش مرات أبو يعني زي صديقة، بس بلاش أم عشان أنا أكبر منه بسنتين تلاتة. وتستكمل بتناكة: وإنتي يا شبر ونص مرات دياب. رنيم وهي بتهز راسها بالموافقة.

دينا بحرقة من جمالها: بس أول مرة أعرف إن دياب ذوقه وحش أوي كده، هو طول بعرض سكس باكس جامد حاجة كده موز مش زيك كده، وبعدين يعني... بيجيب بنات كتير وقليلة. وتكمل بقرف: ملقيش غيرك إنتي يعني اللي يتجوزها، ولا أصل ولا فصل، مش عارف هو جايبك منين ومصر يتجوزك إنتي ليه؟ مش عارفة هو غلط معاكي ولا إيه عشان يتجوزك؟ رنيم على وشك البكاء. دينا بزلة لسان: طب ما أنا كنت قدامه وقولتله تعالِ وعرضت عليه كتير أوي بس هو مرضاش يجيب...

رنيم بدموع وذهول: يعني إيه؟ دينا بارتباك: أقصد يعني إنو أنا قولتله تعالِ أجوزك بنت من مقامك أدب وأخلاق. وتكمل باستفزاز: وشرف أحسن من قلة شرف. دياب بزعيق وغضب: دينااااااااااا!