رواية بيت العيلة الفصل الأول 1 - بقلم عادل عبدالله

ياسمين: عارفه يا زفتة الطين انتي لو ملمتيش نفسك هعمل فيكي إيه. سماح: هتعملي إيه يعني؟ وإيه زفتة الطين دي؟ انتي نسيتي نفسك ولا إيه؟ ياسمين: أنا مش هرد عليكي، بس عارفة لو دلقتي ميه وسخة على غسيلي تاني... دخلت سماح وجابت جردل ميه ودلقته وغرقت كل الهدوم اللي ياسمين نشرتها. سماح: هو انتي مش فالحة غير في التهديد؟ وريني بقى هتعملي إيه. ياسمين: (بغيظ) عليا النعمة لأوريكِ يا سماح. الكلب دخل.

ياسمين جابت جردل ميه مليان وإزازة صابون وطلعت لسماح. ياسمين وهي بتخبط: لو انتي جدعة بجد بقى افتحي الباب يا جبانة يا بنت الجبانة. سماح وهي بتفتح الباب: ده مين دي اللي جبانة يا بنت ال... ولسه مكملتش كلامها، لقت ياسمين غرقتها بجردل ميه وبهدلت لها سجاد شقتها. ياسمين: علشان تبقي تتحديني تاني يا سماح. ونزلِت تجري، وهي بتنزل دلقت صابون على السلم وراحت تلم غسيلها قبل ما سماح تدلق حاجة على هدومها.

سماح نزلت تجري وراها، قامت اتزحلقت على السلم. أحمد: ياسمين... ياسمين: ياسمين يلا قومي. ياسمين وهي بتتقلب: صحيتني ليه يا أحمد؟ ده أنا حلمت حلم، ربنا يجعله من نصيبها. أحمد: ليه؟ في إيه؟ احكي احكي. ياسمين: لا مش هحكي، يمكن يتحقق. لسه ياسمين بتقوم لقوا الباب بتاع شقتهم بيخبط جامد. يسرا: حمات ياسمين وسماح. ما يلا يا ياسمين، يلا يا أحمد، الفطار جهز. ياسمين: قوم انزل وأنا هغير وأنزل علطول. أحمد: طيب هستناكي تحت.

ونزل أحمد، وقامت ياسمين وغيرت ونزلت. سماح: يا صباح الفل يا عرسان. مش المفروض عدى كده تلت شهور من ساعة جوازكم؟ ياسمين: آه، قصدك إيه؟ سماح: مش هتجيبوا نونو بقى؟ وهي في سرها بتدعي إن ياسمين متخلفش. ياسمين: ربنا هو اللي بيرزق، ربنا يرزقك انتي كمان يا سماح. سماح سكتت ومشيت، حطت بقية الأكل على السفرة. عم حسين: حما ياسمين وسماح. قبل ما نبدأ أكل في خبر حلو. يسرا: قولي يا حاج. عم حسين: أنا هخطب لسليم.

سليم: بس أنا مش عاوز أتجوز يا حاج. عم حسين: متعترضش يا سليم، انت الأخير في إخواتك، وكمان بعد جوازك هيكون دور اختك. سلمي: اخت سليم وأحمد ومحمد. طب أنا مالي دلوقتي؟ سليم: يا بابا بعد إذنك أنا عاوز أختار شريكة حياتي. سماح: اللي حشرة مناخيرها في كل حاجة. وماله يا سليم، الحاج مستحيل يختارلك حاجة وحشة. سليم: ممكن متدخليش بعد إذنك يا سماح. عم حسين: انت هترد على مرات أخوك قدامي يا قليل الأدب.

سماح: لا يا حاج، معلش متزعقلوش علشاني. عم حسين: لا لازم يتعلم الأدب. سليم: مش واكله. وقام راح جامعته، هو آخر سنة ليه في الجامعة. عم حسين: ماشي يا سليم، وع فكرة اللي بقول عليه هيحصل بمزاجك أو غصب عنك. يسرا: خلاص يا حاج، متعصبش نفسك، وراحه على الواد. عم حسين: خلاص ابدأوا كلوا علشان ورانا شغل كتير. أكلوا وخلصوا أكل، قامت ياسمين لمّت الأكل هي وسماح واقفين في المطبخ.

ياسمين: متزعليش مني يا سماح، بس مينفعش ندخل في كلام الأب وعياله. سماح: (ببرود) ملكيش دعوة يا ياسمين. لسه ياسمين هتتكلم، حسِت نفسها دايخة ومسكت راسها. سماح: اعملي نفسك دختي علشان تهربي من الشغل. ياسمين أغمي عليها واتهدبت في الأرض. سماح: يخرب بيتك! إيه اللي حصل ده! ماما يسرا! يا ماما يسرا! يسرا: في إيه؟ صوتك جايب آخر الدنيا... إيه اللي حصلها؟ سماح: أغمى عليها مرة واحدة. يسرا: روحي اتصلي بالدكتور بسرعة.

سماح: حاضر، حاضر. بعد شوية، عم حسين وأحمد رجعوا من الشغل بسرعة أول ما عرفوا، والدكتور جه. أحمد: طمني يا دكتور، في إيه؟ الدكتور: مفيش حاجة خطيرة. يسرا: هي مش حامل يا دكتور؟ الدكتور: لأ. عم حسين: اومال هي أغمى عليها ليه يا دكتور؟ الدكتور: ممكن يكون بسبب تعب وإرهاق. أنا هكتبلها على الدوا ده، ويا ريت تجيبوه بسرعة. سماح: أنا هروح أجيبه. يسرا: روحي روحي. نزلت سماح هي والدكتور.

سماح: برافو عليكي، وزي ما اتفقنا بقى، هجبلك الفلوس اللي اتفقنا عليها. الدكتور: طيب ماشي، بس الدوا ده ممكن يجبلها عقم. سماح: هو ده المطلوب، بس اكتبيلي على دوا إرهاق جنب دوا منع الحمل علشان أبَدل البرشام جوه العلبتين. الدكتور: حاضر. سلمى وهي طالعة على السلم. سماح: انتي سمعتي حاجة؟ سلمى: هسمع إيه؟ وعملت نفسها بتشيل السماعة. سماح: لا مفيش، أنا هنزل أجيب الدوا بتاع ياسمين علشان تعبت وأغمى عليها. ونزلت هي والدكتور.

سماح: بس حلو دوا الإغماء ده، أول ما شربت العصير اللي عملته أغمى عليها علطول. الدكتور: عيب عليكي، هو أنا هكتب أي كلام. ونزل الدكتور مشي، وهي راحت تجيب الدواء. ونزلت سلمي وراها، لأنها كانت سمعتها. سماح وقفت في المدخل تبدل الدوا. وسلمي كانت مراقباها. سماح طلعت وأدت الدوا لياسمين. سلمي: أعمل إيه؟ مينفعش أسكت. أنا لازم أفضحها. وهي رايحة تقول لباباها ومامتها على اللي شافته، رسالة وصلت تليفونها.

شخص مجهول: حلوة أوي الصور دي مش كده؟ سلمي: انت مين وإزاي عرفت تجيب الصورة دي أصلاً؟ شخص مجهول: أنا مش هتكلم كتير، أنا عايز 50 ألف جنيه، ولو مبعتهومش على الرقم ده خلال 3 أيام، أنا هنشر الصور كلها اللي عندي.