رواية بيتنا الصغير الفصل الخامس 5 - بقلم هدير عبد العليم

تيته: فيه آيه؟!!! يمنى: مفيش يا ماما.. تيته: حصل اللي كنا متوقعين إنه يحصل؟!! يمنى بحزن: ماما أنا مش قادرة أتكلم.. وخصوصًا في الموضوع ده. تيته: والله أنتِ عبيطة… أنتِ فاكرة إنك خسرتي حاجة.. دا هو اللي خسرك وهيندم طول حياته إنه بعد عنك. يمنى: معتقدش إنه هيندم.. أنا فيه أحسن مني كتير.

تيته: محدش أحسن منك وأنا كنت أحسن منك في الشكل.. أنتِ روحك جميلة ومحبوبة من الكل.. الجمال جمال الروح والقلب، جمال الشكل ده مش دايم أفهمي بقى. يمنى: بس أنا مش شكل بس وأنتِ عارفة! أنا فيه سبب أكبر من الشكل. تيته: المواقف هي اللي بتظهر الناس على حقيقتهم يا بنتي وكل موقف صعب مر عليكِ أكيد اتعلمتي منه.

يمنى: بس ده مش وقت إني أتعلم، أنا كأن نفسي يفضل جنبي لأنه أكتر حد عارف إني بمر بوقت صعب.. ماما أنتِ متخيلة أنا بواجه إيه.. ماما أنا حاسة بهزيمة من كل الناس. تيته: حسيتي بهزيمة مني؟! يمنى بدموع: أنتِ الوحيدة اللي حاسة إنها معايا.. أنا لولا وجودك مكنتش اتحملت كله ده. تيته بابتسامة: طب أنا مش كفاية عليكِ، مش دي يمنى اللي أنا عارفها.. يمنى أقوى من أي حاجة، لو مكنتيش قوية لازم تكوني قوية علشان ليلى ومريم وسليم…

يمنى بحضن ودموع: أنا مش عارفة من غيرك كنت عملت إيه.. الا صح سليم جه من الدروس على هنا صح؟! أنا كنت متفقة معه إنه هييجي على هنا؟ تيته: اه جه من بدري. يمنى: طب الحمد لله. تيته: هقوم اعملكم الأكل. يمنى: مش قادرة آكل.. تيته: من النهاردة مفيش حاجة اسمها مش قادرة. ليلى: ماما هو فيه آيه؟ و ليه جينا هنا وهنقعد كام يوم؟! تيته: مفيش حاجة يا ليلى، ماما عندها بس شغل كتير وإحنا أقرب للمستشفى؟ ليلى: اه.

يمنى: نسيت أقولكم إن فيه طفل كان عندنا النهاردة في المستشفى وفضل يشكر في الأكل اللي ساعدتوه فيه. مريم: بجد يا ماما؟ يمنى: اه بجد يا أجمل مرسوم. سليم بضحك: أنا هبقى أساعد معاكم في الأكل. ليلى بضحك: أنت؟؟؟ قول كلام غير كده طيب.. دا أنت الوحيد اللي بتكسل تعمل حاجة. سليم: بس يا بت أنتِ.. ردي عليها يا ماما. يمنى بابتسامة: هي كدبت؟؟ دا أنا بيطلع عيني علشان تعمل مصلحة. سليم: بقى كده؟؟ ماشي يا ست ماما شكرًا.

تيته: سليم معلش ممكن تجيب… سليم: أنا جاي من الدروس مش قادر أعمل حاجة. مريم بضحك: دا إحنا لسه بنتكلم. سليم بتردد: اممم.. عايزة إيه يا تيته. تيته بضحك: لا أنا مش عايزة حاجة، أنا بس كنت بجرب أشوفك هتتغير ولا إيه؟! ليلى: يلا يا تيته نعمل الأكل. مريم: ياريت علشان أنا جعانة أوي. يمنى: اه علشان آكل وأنام، عندي شفت مسائي بكرة و.. تيته بدهشة: يمنى ما بلاش أاا. يمنى: ماما مش عايزة أتكلم في أي حاجة تخص حياتي الفترة دي ينفع؟

… أنتِ عارفة يا ماما أنا بفرح أوي لما أساعد حد.. عارفة أنا بحب شغلي لأني بكون سبب إني أهون على حد تعبه. ليلى: ماما إحنا بنتعلم منك كل حاجة. يمنى: ربنا يديمكم ليا يا حلوين. *تاني يوم الساعة ٢ بالليل وفي المستشفى* يمنى: شيماء أنا حاسة إني تعبانة أوي.. شيماء: مالك طيب؟! يمنى: حاسة بصداع وإرهاق. شيماء: تعالي طيب نخلي دكتور يكشف عليكِ، إحنا كده كده في المستشفى أهو. يمنى: لا.. شيماء: هو إيه اللي لا؟

يمنى: بصي أنا غلطانة إني اشتكيت قدامك أصلاً. شيماء: نسيت أقولك زين سأل عليكِ قبل ما يمشي. يمنى: يا روحي عسل أوي تصدقي بالله حبيبته أوي. شيماء: هو قمر بصراحة.. فات ليكِ الجواب ده. يمنى: جواب！！！… شيماء: مالك فيه آيه؟! الجواب فيه آيه طيب؟! .. يمنى أنتِ كويسة.

يمنى: خير تعمل جبرًا تلقى.. عارفة زين كاتب جواب يشكرني فيه على اللي عملته معه وبيقولي إنه شاف فيه إني مامته.. وتبرع بصدقة ليا في جمعيات خيرية.. متخيلة إن طفل يفكر فيكِ كده.. ياااها دي أجمل حاجة حصلتلي. شيماء بصدمة: يمنى؟!