رواية بيتنا الصغير الفصل السادس 6 - بقلم هدير عبد العليم

شيماء بصدمة: يمنى؟؟! فيه آيه؟! يمنى: ... شيماء بتوتر: يمنى فيه آيه أنتِ كويسة؟! ردي عليا طيب يمنى: ... شيماء بسرعة وتوتر بتنادي على الدكاترة. ^^^بعد ساعة^^^ شيماء: يا دكتور نتيجة التحاليل ظهرت أتفضل الدكتور بسرعة واندهاش وحزن: أيه ده؟ شيماء: أيه يا دكتور ساكت ليه؟ فيه أيه؟! الدكتور: ... شيماء: فيه آيه يا دكتور .. التحاليل فيها أيه؟! الدكتور: لازم حد من أهلها ييجي؟! شيماء أخدت التحاليل منه علشان تشوف فيها أيه:

هو اللي أنا شوفته ده صح؟! ولا أنا مش مركزة؟ الدكتور: للأسف صح، هنعمل أيه؟! شيماء بحزن وآسف: مش عارفة .. يمنى كأن عندها ظروف صعبة أوي في البيت أتخيل إن كمان يحصل ليها حاجة زي كده؟ الدكتور: أنا عارف أنه صعب جداً بس ربنا أكيد عارف إنها هتتحمل البلاء والتعب ده … ربنا أرحم بينا من نفسنا شوفي إحنا زعلانين عليها إزاي ربنا أرحم واللطيف بيها مننا متخيلة بعد كله ده يكون البلاء شر ليها أكيد لا؟ شيماء: الحالة أيه بالظبط؟!

الدكتور: مش هقدر أحدد المرحلة غير لما أعمل تحاليل كتير تاني علشان أشوف بالظبط هي عندها أيه.. شيماء: معاك حق .. عموماً أنا هكلم طنط وأعرفها إن يمنى هتتأخر شوية علشان عندها شغل الدكتور: خلاص تمام *بعد ربع ساعة* _طنط؟!!! هو أنتِ جيتي؟ =كان لازم أجي كنت حاسة إن يمنى تعبانة مش مجرد إن عندها شغل _قلب الأم .. =يمنى عندها كانسر على المخ بس الحمد لله _بدهشة يعني حضرتك عارفة؟؟!!! =و يمنى كمان عارفة _بجد؟!! طب عرفتي إزاي؟!

وليه نزلت الشغل؟ =يمنى أهم حاجة عندها تساعد الناس اللي حواليها _يا طنط طب أنتِ إزاي وافقتي إنها تنزل؟ =بدموع .. أوقات كتير الشخص بيكون عارف الصح بس هو مش قادر يعمله، لأنه عكس رغبته فاهمة يعني أيه توقفي كل حاجة عايزاها وعلشان حاجة تانية مش بإيدك؟ .. فتهربي من الحاجة التانية وتكملي حياتك وأنتِ عارفة إنك بتيجي على نفسك .. _لا مش فاهمة؟

=يمنى رافضة تبدأ مرحلة العلاج … فا بتهرب من الخوف بإنها تنزل تساعد الناس هنا في المستشفى، يمنى بتكون مبسوطة وهي بتساعد الناس يمنى مش عايزة تقعد في البيت _بس ده أ.. يا دكتور .. معلش يا طنط هرجع ليكِ تاني ^^^^ شيماء: يمنى عندها كانسر مش محتاجة تتأكدي يا دكتور الدكتور: اتأكدتي إزاي؟ شيماء بدموع: من طنط (أم يمنى) الدكتور: يعني يمنى عارفة؟ شيماء: الدكتور: طب ليه نزلت المستشفى؟ شيماء:

علشان دي يمنى .. الشخص اللي مش بيقدر يشوفك حد محتاج مساعدة ويرفض.. يمنى بتحب تشوف كل الناس مبسوطة حتى لو هتيجي على نفسها الدكتور: شيماء: يمنى رافضة تبدأ مرحلة العلاج. الدكتور: إللي هو إزاي وليه؟؟ شيماء: مش عارفة.. ^^^^^ يمنى: شيماء أنتِ إزاي قولتي لماما تيجي؟! شيماء: للأسف هي اللي جات … بس أنتِ تعبانة جيتي ليه؟ يمنى بدموع: كنتِ عايزاني أقولك إني تعبانة علشان كله يعطف عليا ويتعاطف معايا صح؟

.. ولا علشان كله يمشي زي ما فارس عمل؟ مش عارفة إيه المشكلة لما أكون تعبانة وأحاول أتجاوز تعبي لوحدي؟! شيماء: المشكلة إنك كده مش واثقة في حبنا ليكِ ، الناس لبعض في الحزن قبل الفرح ، والتعب قبل الصحة .. شكلك نسيتي إنك أكتر واحدة بتساعد الكل .. أنتِ أخت للكل قبل ما تكوني صاحبة .. أم لكل طفل قبل ما تكوني ممرضة وبعد كله ده عايزة تعدي مرحلة تعبك لوحدك؟ ماما:

وبعدين أنتِ تستاهلي حد أحسن من فارس.. فارس معرفش يقدرك افهمي بقى … مش كل الناس وحشة يمنى: بس معظم الناس وحشة. ماما: مش معنى إنك قابلتي شخص وحش يبقى حياتك هتقف بعده . الدنيا مش بتقف على حد إلا لو إحنا اللي قررنا أننا نقف والحزن يسيطر علينا ، أنتِ عندك عيالك المفروض تكملي حياتك ابدأي العلاج علشان نفسك مش علشان حد شيماء: والله يا طنط كلامك صح .. وبعدين يا يمنى هانم كفاية وقفتك معانا كلنا .. مش عايزينا بقى نقف معاكِ؟!

الدكتور: أول حاجة هنعمل التحاليل تاني علشان نبدأ العلاج .. وهتاخدي إجازة مرضية فترة .. وأنا واثق إنك هتقومي وتكوني أقوى من الأول يمنى: تفتكري؟! الدكتور: أنا واثق، يمنى أقوى من العلاج والمرض … يمنى اللي بيقف مع الكل وب تساعد المرضى كلهم هتقوم تاني علشان مكانك هيفضل موجود لحد ما تيجي .. أتفقنا يمنى: مش عايزة الولاد يعرفوا حاجة … عايزة حياتهم تمشي زي ما هي شيماء: محدش هيعرف يا ستي .. إمتى هنبدأ العلاج يا دكتور؟ الدكتور:

بعد أسبوعين إن شاء الله يمنى: أتفقنا الدكتور: متقلقيش أنتِ لسه في الأول وسهل تتعالجي تيته: يا رب يا بنتي تقومك بالسلامة يمنى بدموع: ماما العيال أمانة في رقبتك في فترة تعبي ولو ربنا افتكرني يبقى.. تيته بسرعة: بلاش كلامك العبيط ده .. بعد عمر طويل يمنى: سليم قوليله دايماً إنك ملكش غير أخواتك البنات وإن الدنيا .. تيته بدموع: أيه يا يمنى الكلام ده الدكتور بضحك:

لا يا يمنى هانم مش هتهربي من مسؤولية العيال ربنا هيقومك بالسلامة وتزعقي وتعلمي وتربي يمنى بضحك: شيماء دايماً فضحانانا كده الله يكسفك يا شيخة (بدأت في العلاج.. أحياناً مش بنكون عايزين حاجة غير أننا نحس أننا مش لوحدنا .. إن فيه حد معانا في وسط تعبنا .. حد يهون التعب اللي إحنا فيه .. وده حسيته في شيماء وماما ودكاترة المستشفى.. حسيت إني لازم أقوم علشان فيه ناس عايزاني أكون معاهم .. ناس لسه بتحبني رغم تعبي) *بعد ٣ شهور*

شيماء: يا أم سليم فيه ضيف جاي معايا ممكن يدخل يمنى: ضيف!!!! مين