رواية بيتنا الصغير الفصل التاسع 9 - بقلم هدير عبد العليم

يمنى بتردد وصوت عالي: -يعنى أيه أتجوزك؟!! فى أيه يا هندسه؟! أيمن بخوف: -أنا بقول يعنى زين يتربى معاكِ وكده. يمنى بعصبية: -وأنا مين يربي ولادي؟! إذا كان حضرتك بتدور على مصلحة ولادك، فأنا مصلحة ولادي أهم. أيمن بدهشة: -ومين قالك إنك مش هتربي أولادك؟! يمنى بعصبية: -بص يا بش مهندس أنا بتعامل مع زين أنه إبني بس ده مش معناه إني بقرب علشان أتجوز وإذا كنت فهمت كده فدي غلطتي أنا، بعد إذنكم. شيماء: -يمنى هو فيه إيه؟

البش مهندس مغلطش في حاجة يعنى. يمنى باستسلام: -ولا غلط مش فارقة.. بعد إذنكم. شيماء: -استنى طيب أنتِ رايحة فين؟ يمنى: -بعد إذنكم هدخل أشوف المدير لأني هبدا شغل من النهارده. أيمن: -أتمنى إني مكنش زعلت حضرتك وعلاقتك تفضل زي ما هي بزين.

يمنى سكتت لفترة وأنا مش عارفة أعمل إيه، إزاي حد حارب علشان أقوم تاني بعد مرض مزمن وبعد كله ده أرفض إني أتجوز منه.. من أصعب الإختبارات اللي ممكن أي حد يتحط فيها هي أنه يختار بين أي حاجة وأولاده.. لكن أنا أولادي أهم عندي من أي حاجة… شيماء: -سرحتي في إيه؟! نقول السكوت علامة الرضا. يمنى بعصبية ورفع حاجب لشيماء وصوت عالي: -لا حضرتك مغلطش ولا حاجة يا بش مهندس.. بعد إذنكم. بعد خمس دقائق وفي الاستراحة.

زين جاي ومعه عصير تفاح: -أنا جبتلك عصير من شنطتي. يمنى: -لا يا حبيبي مش قادرة أشرب.. بعد إذنك يا زين. (وقتها قلبي اللي كان بيبكي مش عيني.. أصعب ما يمر على أي حد هو أنه يكون ظاهره أنه قوي وأنه مش لطيف مع حد بيحبه…) زين: -مس يمنى؟! هو حضرتك رايحة فين؟! أنا جاي هنا علشانك وبابا قالي إنك هتفضلي معايا عالطول.. هو أنتِ مش عايزة تعيشي معايا علشان مش بتحبيني؟! يمنى بلطف: -تعرف مس يمنى أتعلمت إيه من الدنيا؟! زين باستفهام:

-تؤؤ؟ يمنى بهدوء: -أتعلمت أننا ممكن نحب ناس كتير بس عادي جدا نكون مش مع بعض.. زين: -اه ما أنا عارف ده من ساعة ما ماما ماتت.. ماما ماتت كجسد لكن هي ديما في بالي.. تعرفي إني من بعد ما ماما ماتت كانت حياتي واقفة لحد ما شوفتك. يمنى بعد صمت طويل: -عارف أتعلمت إيه كمان؟! زين: -لا مش عارف.. حابب أعرف أوي. يمنى: -أتعلمت إن مش شرط كل حاجة بنحبها تكون لينا.. وإن حياتنا مش بتقف على حد.. يعنى أنا أهو انفصلت عن جوزي حياتي وقفت؟!

لا كملت حياتي تاني عادي. زين بسرعة: -بس إحنا بنزعل لما بنكون بنحب حاجة ومش بتكون معانا.. يعنى أنا لحد دلوقتي زعلان إن بابا رافض يجيبلي المسدس اللي كنت بحبه. يمنى بابتسامة: -كلامك أكبر من سنك بكتير. زين: -تفتكري؟! شيماء: -يا زين كلم بابا عايزك. زين بصدمة وحزن: -أيه ده هي مس يمنى مش هتيجي معاياااا؟ شيماء: -لا. زين بصدمة وحزن: -بجد؟! يمنى: -هستناك تيجي في أي وقت. زين بحزن: -ماشي. يمنى: -تعالى احضنك قبل ما تمشي..

زين بحضن: -أكيد هشوفك تاني. يمنى: -إن شاء الله. شيماء: -يمنى شوفتي الحزن اللي في عين زين وهو ماشي. يمنى: -اه. شيماء: -تفتكري البش مهندس كأنه هيحرمك من أولادك؟! يمنى بعصبية: -ممكن تقفلي الموضوع ده. شيماء:

-لا مش هقفل الموضوع.. كل واحد فينا بيحتاج سند ليه.. والسند ده بيكون جوزك.. بيحتاج شريك حياة يكمل اللي ناقص منه.. بلاش تحسي إنك قوية وهتقدري تكملي حياتك لوحدك بلاش دور القوة اللي أنتِ عايشة فيه ده، لأني عارفة إنك بتظهر إنك هتقدري تستحملي كل حاجة، لكن كله ده بيحيط على دماغك في الآخر.. لو مش بتتأثري مكنتش تعبتي وأنا كأن المرض كله من عند ربنا وقضاء وقدر.. إلا إن جسمنا بيحس باللي بنحس بيه من زعل وحزن.. يعنى لما تكوني مبسوطة جسمك بيكون نشيط والعكس..

يمنى بتسمح دموعها: -أنا؟! شيماء: -عموماً أنا حبيت أعرفك إن البش مهندس هيحب عيالك زي عياله بالظبط وعلى حسب تعاملك مع عياله هو هيتعامل معاهم... وهو بيته كبير متقلقيش.. يعنى هتقدروا تعيشوا في أمان. يمنى بابتسامة ساذجة: -ولو أنا وافقت، تفتكري سليم وليلى ومريم هيوافقوا؟! شيماء: -.. يمنى باستسلام وحزن: -فيه حاجات أكبر بكتير مني يا شيماء بلاش تضغطي على أعصابي أكتر من كده بالله عليكِ. شيماء: -يلا نشتغل. يمنى:

-أنا بقول كده برضو. بعد الشغل وفي البيت. تيته: -يومك إيه كأنه عامل إيه يا يمنى. يمنى: -يوم عادي مفيش فيه جديد. تيته بتردد: -متأكدة إن مفيش فيه جديد؟ يمنى بعصبية: -هيكون فيه إيه يعنى جديد يا ماما. تيته: يمنى: -أنا آسفة على طريقة كلامي.. نسيت أقولك أنه كان فيه جديد عملوا إحتفال برجوعي للمستشفى. تيته: -بجد كويس أوي.. ده معناه إنك محبوبة في المكان. يمنى: -اه الحمد لله.. تيته: -فيه حاجة تانية حصلت؟! يمنى:

-ماما قولي من الآخر عايزة تقولي إيه. تيته: -بصراحة..