رواية بيتنا الصغير الفصل الثامن 8 - بقلم هدير عبد العليم

شيماء بسعادة: أيه رأيك!؟ يمنى بتردد: رأي في أيه؟! شيماء بضحك: خدي اقرأي، أنتِ ساقطة عربي ولا إيه؟ يمنى بضحك: والله دكتور محمد كأن معه حق لما قالك إنه حاسس إنه بيكلم سواق توكتوك. شيماء بضحك: يبقى آخرتها كده ماشي.. أنا ماشية، مش هفرحك… ولا أقولك لا لا أنتِ غلبانة أنا هقرا الكلام.. بصي يا ستي أولاً هتدفعي كام؟ يمنى بضحك: أنا كده حاسة إني لاقيتك قدام باب الجامعة إحنا هنشحت… وشديت منها الورقة. شيماء:

ماشي يا نص تشكرات.. اتصدمتي صح؟ يمنى: الكلام ده مستحيل؟! شيماء: وأيه بقى المستحيل فيه؟ ربنا اسمه الشافي، شكلك نسيتي إنك صحيتي خلاص وربنا شفاكِ.. أنتِ حبيتي قعدة البيت ولا إيه.. يلا يا حجة، المستشفى محتاجة ليكِ. يمنى: طب والمدير موافق؟! شيماء بعصبية: أنتِ هتشليني.. أنتِ كنتي تعبانة وربنا شفاكِ ومكانك لسه موجود. ليلى بفرح: يا ماما زين جيه. يمنى: أزيك يا حبيبي.. عامل إيه؟ زين:

يلا هنروح المستشفى دلوقتي لأن صاحبي تعبان وعايز يكشف هناك. يمنى: ليه؟ ماله ألف سلامة عليه. زين بغمزة لشيماء: يلا يا مس شيماء. شيماء بتردد وصوت واطي لزين: أنا بدأت أشك فيك يا ض أنت. زين بضحك: عيب عليك يا مس شيماء. شيماء: يلا يا يمنى. يمنى: مش قادرة بجد.. هبدا من بكرة. زين: مفيش بكرة.. هو دلوقتي إجباري. يمنى بضحك: أنا حاسة إنك جوزي مش عيل، هو إيه اللي ده كمان؟ زين: اعتبريها كده بس يلا بقى. يمنى:

الحمد لله.. استنوا بره عقبال ما ألبس. شيماء: ماشي.. ترد مقبول، يلا يا زيزو نستنى بره. *بعد خمس دقائق* شيماء: لسه بتلبسي كله ده؟ يمنى: أنا لحقت؟ عموماً أنا خلصت أهو. شيماء: يلا. يمنى: يلا. في المستشفى. يمنى بخوف: أيه ده؟ هو فيه إيه؟ الدنيا ظلام كده ليه؟ شيماء بصت لزين وابتسمت.. زين: نورك مغطي يا مس يمنى.. ولا إيه يا مس شيماء؟

(بدأ النور يتفتح وأشوف كل دكاترة المستشفى والممرضين وكله قدامي وبلونات وتورته وجوا جميل أوي.. وكل البنات بيحضنوا فيا وبيقولوا بصوت كله فرح: يااه كنا مفتقدينك أوي يا يمنى.. الفرحة اللي شفتها في عيونهم كأنها سبب إني أنسى كل التعب اللي مريت بيه.. عرفت وقتها إن زي ما فيه ناس مشت لما تعبنا فيه ناس تانية ظهرت علشان تقوينا وتدعمنا بدون مقابل.. ناس بتحب وجودنا علشان جمال الروح مش جمال الشكل) زين:

لسه فيه مفاجآت كتير.. مش عايزكِ تبكي. يمنى بابتسامة ودموع: كله ده يطلع منك أنت يا صغنن؟! زين بحضن: أنتِ أغلى ما ليا. يمنى: أنا عديت تعبي علشانكم أنتوا… كنت عارفة إنكم محتاجين لي.. أنت وليلى وسليم ومريم كلكم ولادي.. وعرفت كمان إن مش دايماً لازم أكون أنا السند.. أنا بحتاج كمان حد أسند نفسي عليه.. وكنتوا أنتوا السند رغم إنكم صغيرين إلا إن السند بيكون وقت الضعف بإني أحس إني مش لوحدي.. مش سند فلوس و.. زين مسك إيدي:

تعالي نشوف باقي المستشفى.. وحشتك صح؟! يمنى: وحشتني أوي والله.. كفاية إنها سبب إني أعرف. زين: شوفي مين هناك؟ يمنى: أزيك يا بش مهندس؟ أيمن: بلاش بش مهندس دي. يمنى باستفهام: يعني إيه؟! أيمن: يعني اللي بينا هيكون أكبر من الرسميات. يمنى: لا مش فاهمة كلام حضرتك والله. أيمن: توافقي تعيشي مع زين في بيت واحد؟! يمنى: لا مش فاهمة؟! شيماء بضحك: هو إحنا بنتعامل مع واحدة في حضانة؟؟ ركزي يا يمنى يا حبيبتي؟! يمنى: أيمن: تتجوزيني.

يمنى بتردد و..