رواية بيتنا الصغير الفصل الثاني 2 - بقلم هدير عبد العليم

أيمن: زين ماله؟!! في أيه؟! يمنى: أنا مش عارفة.. زين أنا ماما، رد عليا يا حبيبي أنت كويس؟ بدموع: يا دكتور يا دكتور. الدكتور: أيه يا يمنى.. يمنى: الحقني بسرعة يا دكتور مرة واحدة جسمه بقى أحمر ودرجة الحرارة بترتفع. الدكتور: هو بيشكي من أي أمراض؟!

يمنى: أبوه بره استنى هسأله بسرعة.. طلعت وأنا بعيط.. أول مرة أحس الشعور ده وأنا مع حاله، أنا مش عارفة أنا بعيط ليه أو من إيه.. فيه حالات كتير أصعب من زين بس أول مرة أضعف قدام حاله كده.. أنا مش عارفة أتكلم ولا قادرة أسأل أبوه.. فضلت شوية لحد ما بدأت أتكلم.. هو زين عنده أي أمراض؟! أيمن: أمراض؟!!! قصدي لا مش عنده حاجة الحمد لله. يمنى: لا يا دكتور مش بيشكي من حاجة الحمد لله.

الدكتور: الطفل ده أكل حاجة ملوثة من الشارع.. وهو مناعته ضعيفة هي اللي عملت كده.. لازم يدخل العمليات علشان يعمل تنظيف معدة. *** بعد أربع ساعات *** زين بدأ يفوق: ماما فين؟!؟! يمنى: أنا جنبك أهو.. أيمن بدأ يبتسم وهو مطمئن بكون يمنى مع. زين: أنا هنزل أشتري أكل وهجبلك عصير تفاح من اللي بتحبه يا زين. يمنى: بتحب عصير التفاح زييي، دا إحنا على كده أصحاب بقى.

زين: عارفة يا ماما أنا مكنتش عايش وأنتِ مش معايا.. ماما أنتِ هتسيبيني تاني؟! يمنى بدموع وتردد وخوف: مش عارفة يا زين بس خلينا في دلوقتي أنا معاك أهو.. ^^ بعد عشر دقائق ^^ أيمن: زين دلوقتي يقدر يشرب أو يأكل؟ يمنى: أه أكيد.. بس مش هينفع يأكل أي أكل من بره لمدة أسبوع.. زين: بس أنا جعان أوي. يمنى: أنا عاملة أكل ليا وحظك حلو النهاردة فيه فراخ و.. استني هجيبه وأجي. أيمن: والله مش عارف أقول لحضرتك إيه شكرا جداً.

يمنى: ولا أي حاجة يا أبو زين الشكر لله. الدكتور: زين عامل إيه دلوقتي؟! أيمن: كويس الحمد لله.. الدكتور: لازم يقعد أسبوع بدون أكل من بره… أيمن: أه عرفنا من مس يمنى. الدكتور: يمنى دي من أشطر الناس في المستشفى كلها ومحبوبة من الكل.. يمنى: أنا جبت الأكل يا زين باشا.. الأكل ده كله لازم يخلص ماشي يا باشااا. الدكتور بابتسامة: مش قولتلك محبوبة من الكل هنا. زين بدأ يأكل: الأكل جميل أوي يا ماما.

يمنى: هتفق معاك اتفاق حلو.. إيه رأيك؟ زين: اتفاق؟!! يمنى: لما يكون أم وأبنها أصحاب بيقولها باسمها.. فا بلاش كلمة ماما وقولي يا يمنى. أيمن: وعلشان زين محترم هيقولك يا مس يمنى.. صح يا زين؟ زين بدأ عليه الحزن.. بدأ يرجع لوراه ومش بياكل.. يمنى بترفع حاجبها: الأكل مش حلو؟! مش عاااااجبك يعني؟ زين: … يمنى: هو ماله؟! أيمن: لا عادي متشغليش بالك… أنا عملت حساب حضرتك في عصير تفاح مع زين اتفضلي. زين: بابا أنا عايز أمشي من هنا.

يمنى: مش أنت كنت عايز تقعد معايا على الطول واتفقنا إننا هنشوف بعض كتير. زين: مش فارقة.. يمنى بضحك: كلامك أكبر من سنك بكتير اللي يشوفك يقول عندك ١٧ سنة 😅.. اللهم بارك طبعاً. الدكتور: ماماااا؟!! هو ابنك؟! يمنى: هو… أيمن: هو ممكن حضرتك…