رواية دعينا نعود كما كنا الفصل الثامن 8 - بقلم شروق خليل

ندا فتحت عيونها شافت معتز نايم. حاولت تقوم بس معرفتش. فضلت بصاله باهتمام: "ليه كدا! أنا مش عاوزاك تسيبني زي ما كل حاجة سابتني. أنا مش عارفة غيرك دلوقتي، أنت وبابا وماما. أنا من وقت ما فقدت ذاكرتي وأنا تعبانة ومليش غيركم. خطيبي سابني في فرحي وأنت اللي اتجوزتني، ودي الحاجة الوحيدة اللي بحمد ربنا عشانها. بس ليه بتعمل معايا كدا! معتز فتح عيونه بكسل. ندا غمضت عيونها بسرعة.

معتز باس راسها بهدوء: "مش لازم تمثلي إنك نايمة عشان تهربي من كلامك معايا." ودخل الحمام. ندا فتحت عيونها بكسوف وقامت خرجت من الأوضة قبل ما يخرج من الحمام. عليا: "حبيبتي بقيتي أحسن." ندا: "أيوا يا ماما الحمد لله." عليا: "طيب أنا همشي أنا بقي. كان نفسي أفضل بس عشان بابا مسافر النهارده." ندا حضنتها: "ماشي يا حبيبتي وسلميلي على بابا." عليا بخوف: "هتبقي كويسة! ندا: "متخافيش عليا مش هعمل حاجة تتعبني."

عليا مشيت بعد ما قالت لندا إنها عملتلها أكل وموجود في المطبخ. عند ملك، كانت برا البيت بتجيب حاجات من برا لنفسها. وكانت عاوزة تتكلم في الموبايل بعيد عن ندا. ملك: "أيوا روحت بس هي مش متقبلاني خالص وبتتعب." أحمد (خطيب ندا القديم) : "طيب هنعمل إيه! طيب معتز رأيه إيه؟ ملك: "معتز بيقول إن الدكتور قالتله إن ذاكرتها بترجع، وإننا مجبرين نكمل عشان ذاكرتها ترجع." أحمد: "أنا نفسي أعرف كل اللي حصلها دا حصل إزاي."

ملك: "كلنا مش عارفين. هي الوحيدة اللي تقدر تعرفنا لما تبقي كويسة. مين قالها إن معتز كان معايا." أحمد: "خير إن شاء الله. أنت كويسة! ملك بحزن: "أنت متخيل إن أقرب صاحبة ليا دلوقتي مش عارفاني غير إني عدوة ليها." أحمد: "كل حاجة هتتحل صدقيني." ملك: "يارب." عند ندا، كانت قاعدة بتتفرج على التليفزيون. معتز خرج من الأوضة لما ملقهاش وشافها قاعدة. معتز باس راسها وقعد جنبها.

كانت بتبعد بس هو منعها: "كفاية تصرف العيال الصغيرة دا يا ندا." ندا كانت لسه هتتكلم بس هو قاطعها: "طنط فين مش شايفها." ندا بهدوء: "ماما مشيت عشان بابا مسافر." معتز كان قاعد بيتفرج معاها بهدوء بعد ما جبرها تاخد العلاج ومنعها إنها تبعد عنه وتقوم تدخل الأوضة. بس هي اتكلمت بضيق: "أومال هي فين." معتز بنفس الهدوء وهو بيمسد على شعرها: "مين! ندا بعدت: "اللي جاي يعيش هنا ويقاسمني في بيتي." معتز حاول يكون

هادي عشان ما يضغطش عليها: "مفيش حد يقدر يقاسمك في بيتك، هي بس جايه ضي... ملك كانت بتفتح بالمفتاح وداخلة: "مساء الخير. يارب تكوني بقيتي أحسن يا ندا." ندا كانت باصة لمعتز بذهول: "هي خدت مفتاح البيت كمان." معتز مردش. وملك كانت واقفة مش عارفة هي عكيت ولا عملت إيه. ندا شالت إيد معتز من على إيديها: "واضح إنها ضيفة ودخلت أوضتها."