رواية دائرة الخطر الفصل الخامس 5 - بقلم هنا سلامة

بتستغل إن البت تعبانة وبتتحرش بيها! دي كانت لسه بتحاول تنتحر يا شيخ! "إخرسي! شدها من دراعها بره الأوضة وقال بعصبية: "أنا بنيمها وبهديها بس." بسخرية: "وهديتها إزاي يا حنين؟ قعد على كرسي جمب الأوضة وقال ببرود: "ملكيش فيه يا آلاء.. دلوقتي ادخلي ريحي ونامي مع سهر.. وأنا هفضل هنا." آلاء بتنهيدة: "طيب لو عاوز حاجة ادخلي." بابتسامة: "حاضر." دخلت آلاء الأوضة لسهر وفردت جسمها على الكنبة بتعب وإرهاق.

أما أكمل ابتسم وسند راسه على الحيطة وهو بيفتكر اللي حصل بينه وبين سهر من دقايق معدودة. بخوف: "إنت هتعمل إيه؟ اتنهد وضمها ليه أكتر وقال: "هحكيلك حدوتة يا ستي، لما كنت بخاف كان عمي بيحكيلي حدوتة." سهر بصوت مهزوز مبحوح من صريخها: "بس أنا مش خايفة.. أنا تعبانة.. أنا نفسي أموت." أخد نفس عميق ومسح دموعها بكفوفه، فغمضت عينها وأخدت نفسها بإضراب وقالت بتنهيدة: "ممكن تبعد شوية.. أنا هبقى كويسة." اتنهد: "حاضر."

قفل النور وقفل الباب. اطمنت سهر إنه خرج وانفجرت في العياط لحد ما حست بإيد على خدها. اتنفضت وهي بتتشحتف، فقال بصوت حنين رجولي: "إهدي.. أنا هنا ممشيتش من ساعتها.. عيطي يا سهر، اصرخي، طلعي ضعفك مرة واحدة، دفعة واحدة.. عاوزك تنهاري مرة واحدة بس وبعدها.. بعدها." قرب منها في الضلمة ومسك راسها بين كفوفه وبص في عيونها الوارمة. شافت ملامحه من الضوء الخافت اللي داخل من الأوضة وعيونه اللي بتطلع شرار انتقام ماله آخر.

"بعدها عاوزك تبقي قوية.. ولا تتهزي ولا تضعفي وأنا اللي هساعدك تجيبي حق أختك." جسمها اتهز وهي بتقول بعياط: "مش هعرف.. أنا طول عمري ضعيفة ومش هعرف أجيب حقها.. أنا أضعف من إني أواجه ناس زي دي! ضمها ليه بقوة، وهو بيضغط على أكتافها بكفوفه وقال بصوت غامض: "هكون معاكي.. هقويكي أنا." فضلت تعيط لحد ما هدت وقالت بصوت مرتجف: "كتافي يا أكمل." "آسف."

همس في ودنها وغطاها ومسح دموعها بهدوء وحط إيده على جبهة راسها جامد وهي بدأت تنام. ابتسم أكمل وبعدها غمض عينه بإرهاق وطبق إيده الاتنين على صدره وسند راسه على الحيطة ونام على كرسي جمب الأوضة من بره. "الصُبح" بزعيق: "إنتَ يا أستاذ فوووق! فتح أكمل عينه ببرود وقال بصوت نايم: "أفندم؟

الدكتور بغيظ: "سيادتك دافع 24 ساعة بس في المستشفى والـ 24 ساعة خلصوا من 5 ساعات بحالهم.. فـ بدون شوشرة تاخد البنتين اللي معاك وتمشي عشان متأذيش في شغلي." أكمل بعصبية: "خلاص خلصناااا.. هدفع تمن الـ 5 ساعات الزيادة وهنمشي حالًا.. خلاص؟ طلعت سهر بتعب من الأوضة وقالت: "فيه إيه يا أكمل؟ إيه صوت الزعيق ده؟ آلاء طلعت وراها وهي ماسكة الشنطة بتاعت الإيد بتاعتها، فـ قال أكمل بضيق: "كويس إنكم صاحيين.. يلا عشان نمشي."

بصت سهر لآلاء باستغراب ومشوا ورا أكمل وسهر تعبانة لسه رغم كده بتدوس على نفسها وبتحاول تسند طولها. "قدام المستشفى" آلاء: "هروح أنا الشغل عشان المدير مستحلف لينا إحنا الاتنين والمفتاح معاك.. خد سهر وروحوا." أكمل وهو بيفرك في رقبته: "طيب بس هنقعد لوحدنا.. يعني.." قاطعته سهر بابتسامة: "لا متخافش أنا بثق فيك." آلاء ضحكت لها وقالت: "طيب سلاااام." وجريت عشان تلحق تاخد تاكسي. التفت أكمل لسهر وقال: "حمد الله على سلامتك."

بابتسامة وهي بتحط شعرها ورا ودنها: "الله يسلمك." وقفوا يستنوا تاكسي ملقوش أي تاكسي تقريبًا، لحد ما جه ميكروباص ومكنش فيه غير مكان واحد. سهر بتعب ودوار: "أكمل اتصرف أنا معتش قادرة." "الجيزة يا باشا؟ سندت سهر على أكمل وأكمل بيسأل السواق، فـ قال الراجل وهو بيبص على سهر: "بس إنت وهي راسين يا باشا.. والكنبة اللي ورا محملة 5 بدل 4.. ومعيش غير مكان لرأس واحدة بس." أكمل ببرود: "تمام هنركب."

دخل أكمل ركب في المكان الفاضي، فحطت سهر إيدها في وسطها وقالت بغيظ: "والله؟؟ أكمل: "هيكفينا متخافيش." دخلت سهر قعدت جمبه وقفلت الباب. اترج الميكروباص بسبب مطب، فمسكت في دراعه بخوف وقالت بدوار: "حاسة إني دا*يخة أوي." أكمل بتنهيدة: "متخافيش هتبقي كويسة." فضل باصص في عيونها لدقايق وهي باصة في عيونه، اللي عمرها ما ساعة ما قبلته ما فهمت عيونه عايزة تقول إيه. لحد ما حمحمت بكسوف، فطبطب على شعرها وقال ببرود:

"ريحي على كتفي.. ريحي ومتخافيش." "في قصر ضخم.." وهي بتدلك أكتافه بزيت في الجاكوزي: "عيب عليك يا باشا.. هجيبلك أكمل ده تحت رجلك.. بس الصبر." ضحك التاني وهو بيشرب سيجار وقال بخبث: "عفارم عليكي.. المهم أنا عاوزك تخليه يثق فيكي على الآخر.. لحد ما نهايته تبقى على إيدي." كمل بغيظ وقال: "بروح أمه عاوز يحبس مؤسسين دايرة الخطر!! أهو قتلنا خطيبته.. والدور جاي عليه." البنت بخبث: "وأنا مطلوب مني إيه باشا؟ حرك

لسانه على شفايفه بشر وقال: "هقولك." "عند سهر وأكمل في شقة آلاء" أكمل: "يلا قولي بسم الله ودوقي." سهر: "بسم الله الرحمن الرحيم." أخدت معلقة من المكرونة اللي هو عاملها وفجأة برقت وقالت وهي رايحة للحوض ترجعها: "يع! كل دي شطة يا أكمل!! إيه؟ لوى بوزه وقال وهو بياكل: "دي جمدان.. أنا مكنتش أعرف إنك مش بتحبي الأكل الحراق.. طيب هتاكلي إيه؟

سهر بتنهيدة: "متشغلش بالك.. أنا هاخد باكو بسكوت نواعم وأسقه في شاي بحليب وكده هتبقى قضيت." أكمل بابتسامة وهو بيغسل إيده: "تمام يا ستي." فضلوا قاعدين سوا طول اليوم بس كل واحد في عالم لوحده. أكمل بيفكر في خطيبته اللي ماتت وهي بتفكر في أختها اللي ماتت. بس أكمل مجبلهاش سيرة خطيبته نهائي. لحد ما جه الليل ودخلوا يناموا. دخلت سهر أوضة آلاء ودخل أكمل أوضة الضيوف وغمض عينه بإرهاق ونام. "الساعة 4 الفجر"

حس أكمل بشعر ناعم على دراعه. فتح عينه بنعاس لقى آلاء لابسة قميص نوم ونايمة على صدره!!!