رواية دهب و فهد الفصل الخامس 5 - بقلم وردة البنفسج

وقفنا المرة اللي فاتت لما مراد شاف ست كبيرة نازلة من على السلم واتصدم. جات له الذكرى في دماغه، كان بيكلم مامته: -بيقول لها: "ما تسيبنيش، انت جايباني هنا ليه يا ماما؟ استني، ما تسيبنيش! وهي قالت له: -"مش هينفع." وزقته وركبت العربية ومشيت. فاء من ذكرياته على الشاب وهو بيقول له: -"في حاجة ولا إيه؟ فمراد بيقول لها: -"ما فيش، ما فيش، أنا لازم أمشي." وبيمشي مراد بسرعة. وبتقول الست للشاب: -"في حاجة ولا إيه يا ليث؟

فبيقول لها: -"ده واحد وقع قدام باب الفيلا، وأنا جبته وجبت له الدكتور." فبتقول له: -"ماشي." فبيقول لها: -"انتي رايحة فين؟ فبتقول له: -"طالعه أوضتي، أصل مش قادرة أقعد." فبيقول لها: -"ماشي." فبتيجي تمشي، بترجع له تاني وبتقول له: -"دورت على أخوك يا ليث؟ فبيسكت ليث شوية وبيقول لها: -"دورت، بس زي ما تقولي الأرض انشقت وبلعته." فبتحزن جدا الأم وبتقول له: -"دور تاني! وتعيط وبتقول له: -"ما كانش قصدي، ما كانش قصدي اللي أسيبه!

نيجي عند مراد وهو خارج من الفيلا وبيفتكر اللي هو ازاي يتعمل في دار الأيتام وحش وكانوا بيعذبوه، ما بيخليهوش ياكل ولا يشرب لحد ما جت أسرة اتبنته وعملته كأنه ابنهم، وأخدوه سافروا وعاش معاهم لحد ما هم ماتوا. فاءمن شرود على التليفون وهو بيرن وبيلاقيها دهب، أول مرة ما بيردش، لكن تاني مرة بيرد وبيقول لها: -"عايزة إيه؟ فبتقول: -"انت فين؟ قاعدة برن عليك ما بتردش! قال لها: -"وانتي مالك؟ قالت له:

-"هو إيه اللي انتي مالك من ساعة ما قلت إن أنا هقعد وانت ما نطقتش طايق لي كلمة! بيقول لها: -"ما فيش، أنا مشغول، لازم أقفل." فبتقول: -"طب هتيجي بكرة؟ قال لها: -"لما أشوف، إن شاء الله." وبيقفل قبل ما هي ترد عليه وبيفضل يمشي لحد ما بيلاقي فندق، بيحجز الغرفة وبيطلع بيرمي نفسه على السرير وبيذهب في ثبات عميق. نيجي عند دهب وهي قاعدة على السرير شوية واستغربت من تغير مراد معاها، قطع شرودها فهد وهو بيقول لها:

-"إيه اللي مقعدك هنا؟ تعالي اقعدي معانا في الجنينة شوية." فبتوافق وبتنزل معاه وبيتكلموا شوية ويهزروا، وبعد شوية بيجي لهم قمر تقعد معاهم ويهزروا ويضحكوا ويتكلموا اللي هي ازاي كانت عايشة بره وكده، لحد ما الجد بينادي على فهد وبيقول له: -"تعالى يا فهد، عايزك." فبيقول له: -"حاضر." وبيقوم، وبعد كده قمر بتقول لدهب: -"الا قولي لي يا دهب، هو مراد مش هيجي تاني؟ فبتستغرب دهب وبتضايق شوية اللي هي بتسأل وبتقول لها:

-"لا، أنا كلمته وقال اللي هو جاي بكرة." فبتسكت قمر شوية وبتتكلم بتردد وبتقول لها: -"هو انت ممكن تديني رقمه؟ بتسكت شوية دهب وبص لها وهي متضايقة بس ما بتبينش وبتقول لها: -"أه طبعا يا حبيبتي، خدي." تديه لها وبتقول لها: -"شكرا." وبتسيبها وتقوم، فبيجي فهد بعد ما خلص مع الجد ويقول لها: -"انتي قاعدة لوحدك ليه؟ أمال فين قمر؟ فبتقول له: -"اللي هي طلعت أوضتها." بيقول لها: -"ماشي." فبتقول له:

-"عن إذنك أنا لازم أنا كمان أطلع عشان تعبت من القعدة." فبيقول لها: -"ماشي، اتفضلي، وأنا كمان هطلع أنام." نيجي عند قمر وهي بتبص على رقم مراد ومترددة ترن عليه ولا لا، وبعد كده بتشجع نفسها وترن عليه، بترن أول مرة ما بيردش، تاني مرة ما بيردش، ثالث مرة بيرد وهو نعسان وبيقول: -"أيوه، مين؟ فبتقول له: -"الو مراد، معايا." فبيقول لها: -"أيوه، مين؟ فبتقول له: -"أنا قمر." بيقول لها: -"قمر مين يعني؟ فبتقول له: -"قمر بنت خال دهب."

فبيقوم مراد مخضوض بسرعة وبيقول لها: -"دهب هي فيها حاجة؟ قالت له: -"لا لا، إيه ده؟ أنا بس بكلمك عشان كنت عايز أقول لك على حاجة." فبيتنرفز وبيقول لها: -"حاجة إيه؟ فبتقول له: -"مش هينفع في التليفون، ممكن نتقابل؟ فبينفخ مراد وبيقول لها: -"ماشي، نتقابل فين؟ فبتدي له عنوان الكافيه وبتقول له: -"بكرة على الساعة ١٢ نتقابل هناك." فبيوافق مراد. بيقول لها: -"ماشي." وبيقفل معاها، وبتقوم قمر تتنطط على السرير من الفرحة وبتقول:

-"لازم أوقعك في حبي زي ما انت وقعتني من أول ما شوفتك! وبنيجي تاني يوم وبتصحى قمر وتجهز نفسها، على نزلة دهب هي كمان على السلم فبتقول لها: -"دهب، إيه الشياكة دي؟ شكلك خارجة رايحة فين على الصبح؟ فبتقول لها: -"هقول لك لما أرجع." وبتسيبها وتخرج، فبتستغرب قوي دهب وبتقول: -"يا ترى هي رايحة فين؟ بتدخل دهب غرفة السرة وبتقعد عشان تفطر، فبيسألها الجد: -"عامله إيه النهاردة يا دهب؟ فبتقول له: -"الحمد لله، أنا كويسة، انت عامل إيه؟

بيقول لها: -"الحمد لله." بينزل فهد وبيقول لها: -"ازيك يا دهب؟ تقول له: -"الحمد لله." وبيقعدوا يفطروا، وبعد كده فهد بيقول لهم اللي هو خارج عشان عنده شغل وبيخرج. وبعد ما بتخلص دهب بتطلع أوضتها وبترن على مراد ما بيردش عليها، وفي الوقت ده مراد بيبقى بيجهز نفسه وعامل التليفون سايلنت عشان هينزل يقابل قمر وما بيشوفش التليفون وهو بيرن، وبينزل يركب تاكسي وبيروح على عنوان الكافيه.

نيجي عند قمر لما وصلت الكافيه وكل شوية تبص في الساعة لأن مراد اتأخر عليها وتنفخ، وبعد كده بتبص تلاقيه داخل فبتقوم وتسلم عليه، فهو ما بيرضاش يحرجها وبيسلم عليها وبيقول لها: -"عايزة إيه؟ فبتقول له: -"طب اقعد، اشرب حاجة." فبينفخ مراد ويقعد وبتقول له: -"تشرب إيه؟ قال لها: -"قهوة." فبتنادي للوتر وبتقول له: -"واحد قهوة وواحد عصير." فبياخد طلباتهم وبيمشي، وبيقول لها: -"ما قلتليش عايزة إيه." بتقول له: -"مراد، هو انت مرتبط؟

فبيبص لها مراد وبيبرق شوية وبيقول لها: -"وانت جايباني المسافة دي كلها وتقولي لي أنا مرتبط ولا لا؟ قالت له: -"قمر." رد بس قال لها: -"لا، مش مرتبطة، عايزة إيه تاني؟ قالت له: -"هو احنا ما ينفعش نرتبط؟ فبيتصدم من جرأتها وبيقول لها: -"انت بتقولي إيه؟ انتي اتجننتي؟ فبتقول له: -"مراد، أنا معجبة بيك." فبيقول لها: -"وانا مالي؟ فبتقول له: -"جرب، مش هتخسر حاجة." فبيقول لها:

-"انتي الظاهر اتجننتي، أنا عمري ما شفت بنت بتعرض على ولا اللي هو يرتبط بيها." فبتقول له: -"عادي." فبيقوم مراد وكان لسه هيمشي بتقول له: -"انت رايح فين؟ قال لها: -"وانت مالك؟ وبيسيبها مراد ولسه هيمشي فبتقول له: -"على فكرة، دهب شكلها معجبة بفهد." فبيقف شوية كده مراد ويقول لها: -"وانا مالي." بس هو من جواه حاسس اللي فيه خنجر دب في قلبه وبيسيبها ويمشي وبيركب التاكسي وبيقول له: -"وديني على معرض عربيات."

بيوديه سواق التاكسي وبينزل مراد وبيدخل وبيشتري عربية وبياخدها ويروح عند دهب، على دخله قمر فبتنادي له تاني فبينفخ وبيقول لها: -"يا بنتي سيبيني في حالي." فكان لسه هيمشي فبتمثل اللي هي كانت هتقع فبيساعدها ومرضه وبيقول لها: -"مالك؟ حصل لك حاجة؟ بتقول له: -"رجلي مش قادرة أدوس عليها." فبيقول لها: -"طب تعالي أساعدك." فبتقول له: -"مش قادرة أمشي." فبيسندها مراد وبيخش القصر وبيقعدها وبيشوف لها رجلها بتوجعها وبيقول لها:

-"الحتة دي بتوجعك؟ فتمثل اللي هي بتوجعها وبتقول: -"أيوه يا مراد، الحتة دي بتوجعني." على نزلة دهب وبتقول: -"هو في إيه؟ فبيقول لها: -"تعالي شوفي، بنت خالك رجليها شكلها اتلوت." فبتقول له: -"شكلها تلوت، أه طب تعالي يا قمر يا حبيبتي، لما أسندك وأطلعك على الأوضة بتاعتك." فبتتغازل قمر بس ما بتبينش بتقول لها: -"ماشي." وبتقول: -"دهب نازلة لك أه يا مراد؟ فبيهز مراد دماغه بيقول لها: -"ماشي." وبتطلعها أوضتها وبتسيبها

وتنزل لمراد وبيقول لها: -"عامله إيه النهاردة؟ تقول له: -"الحمد لله." بيقول لها: -"لسه تعبانة؟ تقول له: -"لا أنا بقيت كويسة." فبتقول له: -"أنا كنت برن عليك، ما بتردش ليه يا مراد؟ فبيقول لها مراد ببرود: -"وانا مش هرد عليكي ليه؟ فبتقول له: -"هو في إيه؟ انتي بتكلمني ببرود ليه؟ قال لها: -"ما أنا بكلمك على طول كده." تقول له: -"لا انت شكلك متغير." فبيتوه في الكلام وبيقول لها: -"أمال ماما سارة فين؟ فبتقول له:

-"ما أعرفش، استنى." فبتروح تنادي مامتها وبتسيب مراد قاعد، وبعد شوية سارة بتيجي وبتسلم على مراد عشان هو بيعتبرها مامته وبيقعدوا يتكلموا شوية وهو مطنش دهب، طيب أنا همشي أنا بقى وبيقوم وبيسلم على سارة فبتقول: -"دهب استنى، هوصلك لحد الباب." وبتوصلوه دهب وبتقول له: -"ما تزعلش مني، أنا أول مرة أكسر كلامك بس هو ما كانش قصدي وأديك شايف جدو." فبيقول لها: -"جدو؟ طيب." فبتقول له: -"أمال يعني هبقى قاعدة لمين؟ قال لها:

-"هو انت نسيت اللي هو عمل فيكي؟ اتعصبت دهب وقالت له: -"لا ما نستش، عارف إن انتي كنتي بتحبيه وهو كان بيعاملك بطريقة وحشة." قالت له: -"خلاص، مش كل شوية تفكرني، أنا ما نسيتش! اتعصب وقال لها: -"لا هفكرك يا دهب، واضح إن انت نسيتي." قامت رايحة مزعوجة فيه وقالت له: -"مراد ما تتدخلش في اللي ما لكش فيه! فبيزعل مراد اللي هي أول مرة تزعق عليه بيقول لها:

-"ماشي، أنا ما عدتش هتدخل في اللي ما ليش فيه، ولا عدتي هتشوفيني وش تاني، واعتبري لصداقتنا انتهت." وبيخرج مراد بسرعة، فبتطلع تجري وراه دهب وبتقول له: -"مراد أنا آسفة، طب استنى، رد عليا طيب، اسمعني، ما كانش قصدي، انت عارف لما بتعصب بقول أي كلام! بيسيبها ويمشي ويركب العربية وبيمشي على أكبر سرعة، فبتدخل دهب القصر وهي بتعيط، فسارة بتبص لها وتقول لها: -"مالك يا دهب بتعيطي ليه؟

فبتحكي لها دهب على اللي هي زعقت علي مراد وهو زعل وقالت له كمان ما لكش دعوة بحياتي، بس ما جابتش سيرة فهد ولا أي حاجة، فبتقوم سارة مزعوجة لها وبتقول لها: -"انتي ازاي تكلمي مراد كده يا خسرانة تربيتي فيك! وبتزقها وتسيبها وتمشي، فبتطلع دهب أوضتها وبترن على مراد ما بيردش عليها.

نجي عنده مراد وهو سايق العربية على أقصى سرعة وبيفتكر اللي دهب عملته واللي مامته سابته في الملجأ وسابته ومشيت، وبيفتكر اللي كانوا بيعملوا ازاي في الملجأ وبيحس اللي هو مرفوض واللي ما حدش بيحبه، وهو سرحان بتيجي عربية من العدم وهو ما بياخدش باله فبيقوم داخل فيها وبتتقلب العربية كذا مرة والناس بتتجمع عليها وبيطلعوا عشان يودوه المستشفى، فبيلاقي راجل تليفون بينور بيلاقي واحدة اسمها دهب بتتصل بيه فبيرد وبيقول لها: -"الو."

فدهب بتستغرب من الصوت الغريب وبتقول له: -"مش ده تليفون مراد؟ قال لها: -"أيوه بس صاحب العربية عمل حادثة." بتتصدم وتصوت فا بيطلعوا لها كل اللي في البيت وبيقولوا لها: -"في إيه؟ فبتقول لسارة: -"في إيه؟ فبتقول لها: -"مراد يا ماما! فبتقول لها: -"مراد ماله؟ بتقول لها: -"عمل حادثة! فبتقول لها: -"إيه؟ فبتمسك التليفون بسرعة اللي وقع من إيد دهب وبتقول: -"الو." فبيقول لها:

-"حضرتك صاحب التليفون ده عمل حادثة واحنا مودينه المستشفى." فبتقول له سارة: -"مستشفى إيه؟ فبيقول لها: -"مستشفى….." طب تقفل سارة بسرعة وبتقول: -"احنا لازم نروح يا جماعة نقف مع مراد! فبيجهزوا كل اللي في البيت بسرعة وبيروحوا على المستشفى وبيسالوا الاستقبال عن اللي فيه حادثة جت فبتقول لهم: -"أيوه، هو في العمليات الدور الثالث." فبيطلعوا بسرعة على خرجت الدكتور بتجري عليه دهب وسارة وبيقولوا له: -"مراد كويس يا دكتور؟ فبيقول:

-"انتو تبع الحالة اللي جوا؟ فبيقولوا له: -"أه." فبيقول لهم: -"للأسف…….."