رواية ضحية الاختيار الفصل الأول 1 - بقلم دوداا حوده

اسمى صدفه، اسمى غريب شويه بس بحبه. بشتغل في شركه لصناعه الحلوي، عندي 26 سنه ومش متجوزه. بحب واحد اتجوز وطلق، وبرضه لسه بحبه ومعنديش الشجاعه اني اروح اقوله كده. بكتب شعر وكلام حلو اوي بليل، واصحى الصبح اقطع الكلام ده علشان مروحش اديه ليه. عارفه كل مناسبه بيحبها وكل حاجه بيكرها. برضه عارفه عنوانه. بيحب ياكل اي، كل عيد ميلاد ليه لازم ابعت هديته على البيت، وللأسف لحد دلوقتي ميعرفش اني انا اللي بعمل كده. وبيتعامل معايا اني صاحبته مش زملته. البت الهدايا اللي الكل يشوفني حلوه معاده هو.

وصلت شغلي ودخلت مكتبي. مروه: مالك فيكي ايه؟ صدفه: مفيش، تعبانه شويه. مروه: يا صدفه يا حبيبتي، روحي قوليله انك بتحبي. صدفه: انتي عبيطه؟ مروه: مش احسن من اللي بتعملي ده. صدفه: امبارح كان عيد ميلاده. مروه: وجبتي ايه؟ صدفه: فاكره الاسبوع اللي فات لما قال إن مفيش حد يغسل ليه مواعين؟ مروه: ايه؟ روحتي غسلتي ليه المواعين؟ صدفه: رخمه. مروه: عملتي ايه طيب؟ صدفه: جبت ليه غساله اطباق. مروه: انتي كمان بتجهزي؟

يابنتي كده هيروح يشوف غيرك. صدفه: لا والنبي، المره دي انا بموت فيها. مروه: طيب، لازم تاخدي خطوه جد. صدفه: اعمل ايه طيب؟ احمد: صباح الخير. مروه: صباح الخير يا أستاذ احمد. احمد: اتفضلوا. مروه: ايه ده؟ احمد: امبارح اختي صممت تعمل ليا عيد ميلادي، ودي تورته. صدفه: ايه ده؟ هو عيد ميلاد حضرتك كان امبارح؟ مش كنت تقول. مروه: معقول نسيتي؟ مهو قايل الاسبوع اللي فات. صدفه: ولا فاكره. مروه: يا شيخه. صدفه بصت لمروه وبرقت.

احمد: عارفين هديه كل سنه؟ مروه: ايوه، من المجهوله دي. صدفه: مش يمكن حد قريبك؟ احمد: لا، وبعدين لو قريبي، اكيد هيجبهالي. هو حد بيجيب لحد هديه من غير ما يعرفوا؟ صدفه: وانت ايه اللي خلاك متأكد انها واحده مش واحد؟ احمد: واحد هيعمل كده ليه؟ صدفه: مش يمكن تكون طلقتك؟ احمد: تفتكري؟ معقول. بعد اذنكم. صدفه: الحقي، شكله هيتصل بيها. مروه: انتي غبيه يا بت، والله العظيم انتي غبيه. صدفه: هي ممكن مراته تقوله اه هي.

مروه: احسن، تستهلي والله اللي يحصل. صدفه: والنبي، اعمل ايه؟ مروه: اشتغلي وانتي ساكته. وراح احمد اتصل بدينا. احمد: الو، ايوه يا دينا، عامله ايه؟ دينا: بخير والله، انت عامل ايه؟ احمد: كويس، شكرا اوي على الهديه. دينا: هديه ايه؟ احمد: دينا، احنا ليه طلقنا؟ احنا ممكن نحل مشاكلنا. دينا: احمد، انا خلاص اتخطبت، ولو فاكر ان كده انا ممكن ارجعلك، يبقى بتحلم. احمد: يعني مش انتي اللي جبتي ليا الهديه؟ دينا: وهعمل كده ليه؟

من حبي فيك مثلا. احمد: شكرا لذوقك. دينا: معلش، خطيبي على الويت، سلام. احمد: انا هتجنن. وجت مروه. احمد: خير يا مروه؟ مروه: أستاذ احمد، ينفع اتكلم معاك شويه؟ احمد: اه، اتفضلي. مروه: لا، في المكتب، مش هنا. احمد: تمام، تعالي. ودخلت المكتب. ريحه البرفن بتاعك تحفه. مروه: بجد؟ شكرا ليك. انا عايزه اقولك حاجه بس، ياريت تقولي رايك بصراحه.