رواية ضحية الاختيار الفصل الثاني 2 - بقلم دوداا حوده

احمد: اتفضلي. مروه: إيه رأيك في غسالة الأطباق؟ احمد: هو إنتي عرفتي منين الهدية اللي جت؟ مروه: بصراحة، أنا مش عارفة أخبي أكتر من كده. احمد: معقول إنتي يا مروه؟ أنا كنت حاسس والله. طيب ليه مش قولتي لي؟ مروه: لا، اسمعني. احمد: اسمعني إنتي. أنا والله بحبك من زمان وكنت خايف أقولك ترفضي عشان مطلقة قبل كده. مروه: ممكن تديني فرصة أتكلم؟

احمد: بجد، فرحتي إن إنتي اللي مهتمة بيا كبيرة والله يا مروه. أنا بحبك أوي ومش عارف أخبي أكتر من كده. مروه: احمد، أنا... احمد: والله سبب طلاقي من مراتي إنها غيرانة أوي. ودخلت صدفه. صدفه: أستاذ حازم عايزك. مروه: حاضر، جاية أهو. صدفه: بعد إذنكم. احمد: اتفضلي. وخرجت صدفه. احمد: البت دي دمها تقيل أوي. مروه: مين صدفه دي؟ قمر وألف واحد يتمناها. احمد: يغور جمالها قصاد إن دمها واقف. مروه: طيب، بعد إذنك.

احمد: طيب، إنتي كنتي عايزة تقولي إيه؟ مروه: آه، كنت عايزة أقولك ينفع نتقابل بعد الشغل؟ احمد: تمام، ماشي. مروه: طيب، بعد إذنك. وخرجت وهي بتكلم نفسها. مروه: إيه اللي أنا عملته ده؟ المفروض كنت دخلت في الموضوع على طول وقولت له إن صدفه اللي بتبعت لك الهدايا. مش كان لازم مقدمات، بس هو أصلاً مش بيحب صدفه واتكلم عنها بأسلوب وحش. وبعدين في الحيرة دي. صدفه: مالك؟ إنتي بتكلمي نفسك؟ مروه: لا، لا، أبداً. صدفه: احمد كان عايزك ليه؟

مروه: بصي بقى، إنتي خايفة على شكلك قدامه صح؟ صدفه: انجزي يا مروه. مروه: إيه رأيك أحاول أتكلم عنك كويس قدامه وأخليه يشوفك؟ صدفه: بس أوعي تقولي له حاجة إني بحبه. مروه: لا، لا، أكيد مش هيحصل. صدفه: أنا بموت فيه والله يا مروه. مروه: عارفة يا قلبي، والله. صدفه: طيب، ادخلي كلمي أستاذ حازم. مروه: حازم مين؟ صدفه: مالك يا مروه؟ مروه: آه، آه، أستاذ حازم. حاضر، ماشي. ودخلت. حازم: اقعدي يا مروه. مروه: أيوه يا أستاذ حازم.

حازم: في شغل كتير متأخر، ممكن أعرف السبب؟ مروه: أنا لازم أصلح الدنيا. حازم: إنتي بتقولي إيه؟ مروه: بقول لازم أشوف الشغل الغلط وأصلحه. حازم: فيكي إيه النهارده؟ مروه: أنا تعبانة، عايزة أروح. حازم: تروحي فين؟ إحنا عندنا شغل كتير. مروه: مش قادرة، معلش، لازم أروح. حازم: طيب، إنتي هتقدري تروحي لوحدك؟ مروه: آه، آه، هقدر. سلام. حازم: مالها دي؟ ونزلت وركبت عربيتها. مروه: ياربي، أعمل إيه؟

بصراحة احمد ألف بنت تتمنى، بس هعمل إيه؟ صحبتي بتحبه، بس هو مش بيحبها، وهي بصراحة غبية أوي وقديمة جداً، حتى في كل حاجة، لبسها وكل حاجة. وتلفونها رن. احمد: الو، أيوه يا مروه، إنتي فين؟ مروه: أنا تحت قدام الشركة. احمد: طيب، اصبري، أنا نازل. مروه: لا، أنا عايزة أروح أجهز الأول. احمد: استني بس. مروه: ماشي. ونزل احمد. احمد: مالك؟ فيكي إيه؟ مروه: بص يا احمد، أنا عندي شوية مشاكل لازم أحله الأول.

احمد: طيب، أجي أتكلم معاه بابكي الأول؟ مروه: لا، لا، مش هينفع دلوقتي، والله أحلي مشكلتي الأول. احمد: تمام، ماشي، اللي تشوفي. بس إنتي شكلك عامل ليه كده؟ مروه: مش عارفة، أصل أنا بجد مش عارفة إني قاعدة معاك وبتكلم كده إزاي.

احمد: والله يا مروه، أنا عمري ما هلاقي واحدة زيك. بجد، أنا كنت بموت وأعرف مين اللي مهتم بيا وعارفة أنا بحب إيه وبتعمله ليا. ولسه كنت بفكر إن يوم ما بعتي المحشي والبط، أنا اليوم ده قولت لكم الصبح إني نفسي فيه. مروه: إمتى ده؟ آه، آه، افتكرت. بس عجبك؟ احمد: جداً والله. مروه: تمام، ماشي. مش هينفع نفضل كده قدام الشركة، حد يشوفنا. احمد: طيب، عايز أطلب منك طلب. مروه: اتفضل.

احمد: بصراحة، أنا مش برتاح لصدفه وحاسس إن عينيها وحشة. ممكن بلاش تعرف حاجة لحد ما موضوعنا يبقى رسمي؟ مروه: ابن حلال، كنت عايزة أقولك نفس الكلام. وعدى شهر ومروه اتعلقت بأحمد، أو مش بأحمد أوي، بفلوس احمد وهدايا والفسح. وفي يوم كانوا قاعدين في المكتب. صدفه: عملتي إيه في الموضوع؟ مروه: موضوع إيه؟ صدفه: احمد. مروه: آه، لسه معملتش حاجة. صدفه: يا ترى الحاجة اللي بعتها امبارح عجبتهم؟ مروه: إنتي لسه بتبعتي هدايا؟

مش قولتك أهدي شوية. بعتي إيه بقى يا هانم؟ ودخل احمد. احمد: أستاذة مروه، عايزك. وخرج. مروه: إنتي بعتي إيه؟ اخلصي. صدفه: بعدين، روحي شوفي عايز إيه. مروه: خرجت ومش عارفة تجهز أي كلام. احمد: منا كنت معاكي بليل ليه؟ مش اديتني الهدية؟ مروه: حنيت لأيام زمان بقى، هههههههههههه. احمد: بس تحفة، إنتي جبتيها منين؟ أنا بجد كنت بموت عليها. مروه: معقول تبقى هدية، لو قولت. احمد: طيب، إيه؟ إحنا ناوين ناخد خطوة جد إمتى؟

مروه: احمد، قولتك اصبر شوية. و جه حازم. حازم: واقفين كده ليه؟ مروه: أستاذ احمد كان بيسألني في حاجة. حازم: طيب، عايزك دقيقة واحدة. مروه: حاضر. ومشيت وهي بتحمد ربنا إن موضوع الهدية اتقفل. حازم: أنا عايز آخد رأيك في حاجة. مروه: تحت أمرك. حازم: أنا كنت عايز أتقدم لأستاذة صدفه، وإنتي أقرب حد ليها هنا. مروه: (بتتكلم بصوت واطي) يابنت المحظوظة، صاحب الشركة مرة واحدة. حازم: مالك ساكتة ليه؟ مروه: أصل صدفه بتحب حد.

حازم: بتحب حد إزاي؟ مش ملاحظ يعني. مروه: آه، بتحب أستاذ احمد، وهو كان بيكلمني دلوقتي عشان يروح ليها البيت.