رواية ضحية الصقر الفصل الرابع 4 - بقلم الكاتبه رنوشه

الاء كانت قاعدة مع مروان، وفي رسالة وصلتها. فتحت تشوف الرسالة واتصدمت. بصت لمروان بخوف منه وحسرة على نفسها. مروان بص لها بقلق: "الاء انتي كويسة؟ الاء عيونها بقت كلها دموع وماسكة نفسها من الانهيار: "وهيهمك أمري؟ مروان مش فاهم مالها، اتكلم باستغراب: "الاء في ايه؟ وايه اللي شوفتيه خلاكي كده؟ مسك منها التليفون وبص على الصور بصدمة، شاف صور له مع بنات كتير في أوضاع مختلفة.

مروان بتوتر: "الاء اوعي تصدقي الصور دي، متفبركة وحد عايز يفرقنا عن بعض." الاء انهارت في العياط: "انت كداب! كل دي صور متفبركة؟ مروان: "صدقيني يا الاء، كل ده مش حقيقي." الاء بعياط: "نفسي يبقى مش حقيقي، بس أنا هتأكد بنفسي." مروان حب يقلب عليها الطرابيزة. مروان: "بتشكّي فيا يا الاء؟ مفيش بينا ثقة." الاء بعياط: "حط نفسك مكاني." مروان دار

وشه الناحية التانية بزعل: "المفروض متصدقيش أي حاجة زي كده. لو مفيش ثقة أي حد ممكن يدمرنا بالساهل." الاء مسحت دموعها: "يعني ده مش حقيقي؟ مروان بزعل: "لسه شاكة فيا؟ أنا ماشي." الاء بسرعة: "مروان يا مروان استنى! ماردش عليها ومشي. الاء قعدت مكانها تعيط. مجهول1: "عملت اللي اتفقنا عليه." مجهول2: "كل حاجة تمام." وخرج من عندها. مجهول1: "مستني إيه؟ نفذ." صفية (عمة إيمي) : "إني مش مطمنة يا خيتي، حاسة إن في حاجة مش صوح." كريمة

(أم مروان) : "حاجة إيه دي؟ صفية بتوضيح: "إيمي حاسة إنها أكده مش مظبوطة." كريمة بتأكيد: "أيوه فعلًا بتعمل حاجات غريبة." صفية: "سمعتها في الليل بتتحدت في التليفون مع حد وبتقوله جركن." كريمة: "يا مصيبتي! لازم الفترة الجاية ناخد بالنا منها." صفية: "اتفقنا يا خيتي." إيمي سمعتهم وملامحها كلها شر: "بقي كده؟ عايزين تراقبوني؟ أهلاً وسهلاً بيكم... واتكلمت بقرف: "جركن في عينك بقي! جوردن على آخر الزمن يبقى اسمه جركن."

أحمد وهو ماسك القلم وبيهرش بيه دقنه: "هي مين دي يا مسعد؟ مسعد: "دي آنسة إيمان." أحمد بتفكير: "امممم، ليها في السكة ولا إيه؟ مسعد بسرعة: "لأ لأ، إلا دي يا أحمد، ابعد عنها، دي ملهاش خالص في السكة دي ولا من قريب ولا من بعيد." أحمد: "كلهم بيقولوا كده." مسعد: "بس دي مش زيهم. ابعد عنها يا أحمد." أحمد قام وطبطب على كتف صاحبه: "متقلقش." أحمد جري وراها: "يا آنسة إيمان! إيمان بصت وراها باستغراب: "في حاجة؟!

أحمد: "لأ أبدًا، بس كنت عايز أتكلم معاكي شوية." إيمان: "تتكلم معايا في ايه؟! أحمد طلع فلوس من جيبه وحطها في إيدها وغمزلها: "نتعرف." إيمان رمت الفلوس في وشه وبصت له باستحقار: "الفلوس دي تشتري بيها البنات اللي أمثالك، متشريش بيها بنات الناس." وسابته ومشيت. وهو كان هيولع من الغيظ: "أنا هجيبك تحت رجلي راكعة." الاء اتكلمت بترجي: "بالله عليك مروان فين؟ هو كويس؟ الصقر حاول يقرب منها،

مسكها ضمها ناحيته: "الاء افهميني، أنا بحبك. أنا مش عارف حبيتك امتى وازاي، بس اللي متأكد منه إني بحبك." قرب منها ولسه هيبوسها، بعدته عنها. الاء بتهديد: "عارف لو فكرت تلمسني تاني هزعلك." في اللحظة دي تليفونها رن، كان مروان. الاء بتمشي من المكان اللي هي فيه ومش مهتمة للي واقف بيبصلها. الاء بفرحة: "أيوه يا مروان، فينك؟ مروان بعصبية: "انتي اللي فين يا ست هانم؟ الاء بتوتر: "ا.. أنا رحت أجيب حاجات من السوبر ماركت."

مروان: "كنتي قولتيلي وأنا جبتلك." الاء: "رنيت عليك كتير مردتش." مروان: "اخلصي، انتي فين؟ أجيلك." الاء بسرعة: "لأ لأ، أنا جاية، مسافة السكة وأكون عندك." الاء قفلت معاه المكالمة وراحت سوبر ماركت، جابت حاجات للبيت بسرعة وروحت. مروان: "كل ده برا وسيباني هنا قلقان؟ الاء بفرحة: "كنت خايف عليا؟ مروان بزعل: "لسه منستلكيش اللي عملتيه." الاء: "مروان أنا آسفة." مروان بابتسامة: "سامحتك." الجد: "وافق مروان على الجوازة اياها؟

شوقي بارتباك: "آه وافق." الجد باستغراب: "طيب كويس والله." بهجت بابتسامة: "أنا هاخد رأيها وعلي خيره الله." شوقي: "هتوافق بإذن الله." مروان: "يلا، إحنا راجعين النهارده، جهزي نفسك." الاء: "حاض... " قاطعهم صوت رسالة على موبايل مروان. مروان لما شاف الرسالة عينيه جحظت، ومسك شعر الاء واتكلم بغضب: "بقي بتستغفليني يا بت الكل'ب! الاء: "بستغفلك في إيه؟ أنا مش فاهمة حاجة... براحة يا مروان، شعري بيوجعني."

مروان مسك الفون ورفعه في وشها، ووراها الصور اللي اتبعتت له، كانت صور ليها وهي قريبة من الصقر. الاء بتبرير: "مروان والله انت فهمت غلط، كل ده غلط." مروان شدها من شعرها ورماها على السرير: "جيبي شنطتك واخلصي." ايمي: "مروان مين وجواز إيه؟ انتو مجانين؟ الجد بغضب: "احترمي روحك يا بت، باين إن عيارك فالت." بهجت بحدة: "ايمي اتكلمي باحترام... آسف يا أبويا." الجد: "الفرح الخميس الجاي." وسابهم وقام تحت صدمة الكل، بذات إيمي.