رواية ضحية الصقر الفصل الثالث 3 - بقلم الكاتبه رنوشه

أبو مروان: إيه رأيك يا كريمة نجوز إيمي لمروان؟ كريمة بتفكير: ما فيش مشكلة، ناخد رأيه. أبو مروان: لا لا، هو أصلاً مش هيوافق، فإحنا نحطه قدام الأمر الواقع ونحدد الميعاد، وربنا يجيب اللي فيه الخير. كريمة باقتناع: خلاص وماله يا خويا. الاء فكرت كتير إن اللي هي فيه ده أمر واقع ولازم تتعايش معاه، وقررت فعلاً إنها تعتبر إن دي جوازة حقيقية وإن ده نصيبها. استنت مروان يرجع من الشغل، وأول ما دخل اتكلمت بحنان: عامل إيه يا مروان.

مروان استغرب: أنا كويس، إنتي كويسة؟ الاء قعدت على الكرسي وحطت رجل على رجل واتكلمت بابتسامة: أنا كويسة جداً. مروان ابتسم باستغراب: يا رب دايماً. الاء وقفت واتكلمت بهدوء وحنان غريب: أحضر لك العشاء. مروان بابتسامة عريضة: وماله، حضري نتعشى. حضرت الاء الأكل وأكلت هي ومروان في جو هادي، ومروان كان مستغرب اللي بيحصل بس كان مبسوط مش عارف ليه. شوقي (أبو مروان) بابتسامة: والله يا أخويا كنت عايز أطلب إيد إيمي لمروان. بهجت

(أبو إيمي) : والله يا أبو أحمد الرأي رأيها. كريمة بعفوية: وهي إيه اللي هيخليها ترفض بس؟ دخل عليهم الجد وخبط بعصايته في الأرض. الجد: متجمعين عند النبي. الكل: عليه أفضل الصلاة والسلام. الجد: عمّاً تتحدتوا في إيه؟ شوقي بتوتر: ده ده، كنا عايزين نجوز إيمي لمروان. الجد اتصدم: ومروان هيوافق؟ شوقي بلخبطة في الكلام: و.و ميوافقش ليه؟ الجد بحزم: خدوا مشورته الأول. شخص: ها، عملتي إيه؟

سوسن: كله تمام يا بيه، هو بيجي العيادة كل كام يوم، والباقي في المستشفى، ولو ليه مزاج بيروح يسهر آخر اليوم. شخص: لو عرفتي حاجة جديدة بلغيني. قفل معاها وبص حواليه وابتسم بشر: هتقع قريب يا مروان، ومش أنا وحدي اللي عايز كده، حبايبك كتير هههه. إيمي كانت بتتكلم في التليفون مع صاحبها (الروسي) : لم أستطع المجيء وأودعك لأن طائرتي كان يتبقى لها القليل وستُقلع، لذا اعذرني. جوردن: لا بأس عزيزتي. إيمي: اشتقت إليك كثيراً يا جوردن.

جوردن: وأنا أيضاً عزيزتي... أخبريني، هل سأستطيع رؤيتك مجدداً؟ إيمي: بالتأكيد يا رجل. خلصت إيمي مكالمتها ونزلت قعدت معاهم، ومحدش فتحها في الموضوع. مروان بابتسامة: إيه رأيك نسافر إسكندرية كام يوم؟ الاء بحماس وصفقت بإيديها: فكرة تحفة يا مروان. مروان: خلاص جهزي نفسك. راحت الاء تجهز نفسها وبعد وقت خلصت: مروان أنا خلصت. مروان ابتسم لها: طيب يلا، وأخذ شنطتها ومشوا. بعد ساعات وصلوا إسكندرية ونزلوا فندق من أفخم الفنادق.

مروان: خدي راحتك. الاء كانت مبسوطة: مروان أنا مبسوطة أوي. مروان: ربنا يقدرني وأبسطك دايماً. الاء: يا رب. عدت الأيام بسرعة بسعادة عليهم، والاتنين انجذبوا لبعض. بعد تلت أسابيع كانوا لسه في الفندق. مروان: الاء. الاء بدلع: نعم. مروان بحب واضح عليه: هننزل بكرة. الاء: أوك. إيمي كانت قاعدة وسطهم والكل متجمع في الصالون، شافت شوقي بيميل على أبوها وبيتكلم وبيبوصولها. شوقي بنفاذ صبر: ها، قلت إيه يا بهجت؟

بهجت بعدم معرفة: والله ما أنا عارف... هسألها ونشوف. إيمي مرة واحدة قامت تجري على الحمام تستفرغ. الكل جري عليها يشوفوها مالها. الجد بخوف: مالك يا بتي؟ إيمي: شوية برد في معدتي. عمتها بشك: متأكدة يا بتي؟ إيمي: أيوه يا عمته. الاء كانت قاعدة مع مروان، وفي رسالة وصلتها، فتحت تشوف الرسالة واتصدمت وبصت لمروان بخوف بقلق...